هغير الطاسات ب طاسات جديده، لازم ارفع العربية بالكوريك ولا لأ

[p r i n c e]

السلام عليكم
هغير الطاسات ب طاسات جديده، لازم ارفع العربية بالكوريك ولا عادي أفك الكاوتشات و هيا على الأرض مكانها عادي؟
انا هفك المسامير بس و هسيب الكاوتش مكانه ولا غلط و لازم ارفع بالكوريك

[eng.m7md.ali]

لو الطاسات بس يبقى عادي من غير كوريك

[p r i n c e]

اشطة
شكرا

[mhf_77]

نصيحه لوجه الله متستسهلش وارفع كوريك وغير وحرق كويس جدا ده عجل مفهوش كسل او استهانه او تكبير دماغ
انت متضمنش فى الفك ممكن العربيه تريح سنه من غير متلاحظ وهتربط عادى بس هيكون الجنط بتاعك مش محمل وامن 100% معلش اتعب 10 دقايق زياده عشان الامان - اعقلها وتوكل

[eng.m7md.ali]

نصيحه لوجه الله متستسهلش وارفع كوريك وغير وحرق كويس جدا ده عجل مفهوش كسل او استهانه او تكبير دماغ
انت متضمنش فى الفك ممكن العربيه تريح سنه من غير متلاحظ وهتربط عادى بس هيكون الجنط بتاعك مش محمل وامن 100% معلش اتعب 10 دقايق زياده عشان الامان - اعقلها وتوكل

هو مش هيفك العجلة عشان يرفع العربية بالكوريك ياباشا

دي مجرد فك وتركيب للطاسة :)

[aldesha989]

الطاسات اصلآ مش محتاجه تفك ولا تركب اى حاجه دا انتا هتفك الافيز البلاستيك اللى على الطاسه القديمه وتركب الطاسه الجديده وتحطلها افيز او اتنين بلاستيك مش محتاجه اى حاجه

[Sehsss]

عادي يا باشا، ما تقلقش بس اتأكد إن الأرض مستوية

[mhf_77]

هو مش هيفك العجلة عشان يرفع العربية بالكوريك ياباشا

دي مجرد فك وتركيب للطاسة :)

هى الطاسات مش بتركب بمسامير العجل؟؟ ولا كبس وربط بافيز ؟؟ ان كان كبس يبقى انا اسف فهمت غلط وفعلا مش محتاجه رفع
بس انا فهمت من كلامه انه هيفك المسامير يعنى الطاسات مربوطه بالمسامير - ياريت هو بقى اللى يفدنا

[Elsebily]

الطاسات هتشدها بايدك هتطلع معاك الا لو كانت مربوطه بافيز انما موضوع الطاسات بمسامير دي اول مره اسمع عنها بصراحه

[mhf_77]

الطاسات هتشدها بايدك هتطلع معاك الا لو كانت مربوطه بافيز انما موضوع الطاسات بمسامير دي اول مره اسمع عنها بصراحه

الفيرنا والنيو اكسنت والار بى والسيراتو والريو وغيرهم كتير كلهم مربوطين مع العجل بمساميره

[p r i n c e]

شكرا يا رجالة على التفاعل و على اهتمامكم
و فعلا طاسات ال فيرنا بمسامير مش كبس بس
و خلاص ركبتها و رفعت العربية فعلا بالكوريك و ركبتهم زيادة في الاطمئنان

[mahmoud85]

يفضل تروح التوكيل عشان تضمن جوده الاداء وخليه يظبطلك رجلاش الطاسات الامامي عشان ما تقدمش ولا تاخر عن الطاسات الخلفي وبعد ما تركبهم غير زيت موتور وربط عفشه وياريت تغسل الفرش بتاع العربيه

صدقني هتفرق معااااك جااااامد وهتوفر في البنزين كمان ههههههههههههههههههههههههههههههههههههه

[wardet]

بيتهيألى الطاسات اللى بتتثبت بالمسامير بيبقى 3 فتحات فيهم هما اللى بيثبتو بالمسامير والرابعة فاضية
كان عندى كدا فى الشاهين
افك 3 مسامير اللى هما ماسكين الطاسة تقوك الطاسة طالعة من مكانها