المازدا 3 ما بين مؤيد ومعارض

[Mr_SelvesteR]

انا بحب المازدا وبحترمها جداااا
اروح السوق ملاقيش حد عاوز يبيعها
اسأل سمسار يقولي ابعد عنها دي المازدا فاسدة ويحاول يقنعني بعربية تانية
انا عاوز افهم ايه اللغز دا ...؟
يا ريت كلو يشاركني

[Sehsss]

مشكلتها إن ارتفاع أسعار قطع غيارها بشكل مبالغ فيه، لكن هي ركوبة جميلة جدا

[limo]

انا حاليا فى نفس الحيره ده اليومين ناس تقول كويسه جدا وناس تقولك تقيله فى البيع وقطع غيارها غاليه ومش موجوده كتير
بس انا ليه واحد صاحبى ماشى بيها 250 الف كم ومبسوط منها جدا ومش عايز يبعها بالرغم من انه معاه فلوس يغير
اعتقد انسب حد يتسأل فى الموضوع ده الناس مالكيها

[Mr_SelvesteR]

مالكيها بشكروا فيها وبيقولوا قطع غيارها مش غالية اوي
وعلي فكرة انا بتكلم علي الموديل 2008 او 2009
المشكلة ان كل واحد بيتكلم علشان مصلحته اذا كان تاجر او سمسار او حد عاوز يبيع عربيته فيوقف سوق العربية التانية
يا ريت اصحاب الخبرة يفيدونا وكمان بالاسعار

[Kareem.ElAraby]

متابع
يعيبها بس ارتفاع قطع الغيار اللي نسبي لكل واحد
بس انا مقتنع ان الغالي تمنه فيه
قطع غيارها ما تفرقش عن الكوري كتير في الفلوس

[rompo10]

عربيه ممتازه جدا وقطع غيارها متواجده ورخيصه ماعدا الكبالن بتاعتها غاليه

[haissam24h]

المازدا فاسده
لكن مازدا 3 و6
الناس بتشكر فيها فى اوبشن وكفائه
لكن الصراحه قطع الغيار ديه بترجع للحالة الماديه وتقريبا اسمع ان حجتها فى العفشه ذى بتاعت الاول تقريبا

ولو انته عاوز عربيه ركوبة
هات مازدا
او اوبل
وغير كده

عندك الاوبل ركوبة والناس كثيرتوقل كويسه وناس تقول وحشه وتقيله فى البيع

لو انته بقا من هوات التغير وخلافه
هات بقا تويوتا او لانسر
اهو يبانى وشى ماسك سعره فى السوق
ولما تيجى تبيعه هتلاقى سعر فيه
عكس الاوبل والمازدا
مش هياخدها منك غير الناس الى عاوزة تركب بس العربيات ديه لانها فعلا ركوبه
سفر وجرى وشمال وميني ذيها ذى البرتون عربيه جميله جدا لكن سعرها والطلب عليها قليل فى مصر

[alaamousa]

المازده 3 عربيه محترمه جدااا عن تجربه لانها كانت مع صديق ليا وعلطول راكبها معاه وسوقتها كمااااان
بس من وجهة نظري ان عيبها الوحيد انها واطيه جدا وكان بيعاني في اخد المطبات بس كان بيقولي انها فولاذ من تحت معرفش المعلومه دي صحيحه ولا لأ

[Mr_SelvesteR]

كلنا كدا متفقيين ان موديل 2008/2009 عربية جميلة كركوبة
طب انا دلوقتي هجيبها مستعملة يعني لو انا اشتريتها من السوق عاملة 10 جنيه لما اجي ابيعها سعرها مش هينزل كتير خصوصا لو انا روقتها وحافظت عليها
عيب انها واطية مش هيفرق معايا كتير الصراحة اكتر من الثبات والتحكم وكل حاجة عيب وميزة مع بعض
يا ريت نتناقش في الجزئية دي ...
__________________________
ولو حد عنده فكرة عن اسعارها انهاردة يقول بعد اذنكوا

[S O P H O S]

عربية جميلة جدا بس قطع الغيار وثقافة السوق الغلط

[Mr_SelvesteR]

شكرا يا باشا بس الاسعار لو سمحت

[Mr_SelvesteR]

الاسعار يا ناس لو سمحتو

[Mohab.Nabil]

قطع الغيار انزل اسأل عليها بنفسك متسمعش كلام حد يقولك غالية او رخيصة

انزل لأى محل متخصص و قوله انا عايز اعرف متوسط الاسعار ايه و شوف كده مستوى الاسعار ايه ديه الحاجة اللى هتجيبلك معلومات مؤكدة بعيدا عن رأى الناس

[Kareem.ElAraby]

تسلم يا أستاذ مهاب
طب يا رجاله المازدا قطع الغيار بتجيبوها منين جديده غيرالاستيراد

[WalidAdel]

بص ياباشا .... انا هاقولك خبرتي من خلال سنه احد مالكي المازدا 3 - 2008
حضرتك بتتكلم علي قطع الغيار
قطع الغيار زمان كانت ياباني بس و كانت مع عدد قليل من التاجر فقط فكانوا بيبيعوا براحتهم بقي و الاسعار كانت غاليه فعلا و مازالت عاليه بس اللي هون الموضوع ده شويه ان نزلها قطع غيار من بلد منشأ مختلف يعني ليها قطع غيار الماني و تايواني و كوري و انجليزي (بعض قطع غيار الفورد) كده يعني
فده مخالي الدنيا ظريفه شويه و انت و مقدرتك بقي ساعتها
نصيحه .. ماتسمعش كلام الناس لان الدنيا اختلفت عن زمان خالص و انزل بنفسك اسأل

http://www.nilemotors.net/Nile/327685-3.html

الموضوع ده في بعض اسعار قطع الغيار
انا بتكلم علي الشكل القديم لان الشكل الجديد بيعاني من نفس القصه اول مانزل و مالوش قطع غيار اوي و هايتضرب بردوا بسبب القصه دي في السوق ... اي استفسار انا في الخدمه