ايه افضل زيت لأودي ماشية 200 الف

[sfi]

السلام عليكم ورحمة الله وبركاته
دي اول مشاركة ليا في المنتدي
كنت عاوز اعرف ايه الزيت المناسب للادوي موديل 2006 ماشية 200 الف 1.6 فهل ينفع احط تخليقي 5w40 ؟ ولا 15w50 وفوق معدني عشان المسافة الي مشيها الماتور والعربية فيها دلوقتي تخليقي شل 10 الاف وماشي كويس وبينقص بسيط عشان التبخير طبعا كعادة اي عربية ومكتوب في كتيب العربية انه طبيعي تزوده كل فترة
دلوقتي انا محتار احط تخليقي ولا معدني وايه الاحسن ليكوي مولي ولا وولف الجديد .
طبعا انا محطيتش ال موضوع في قسم الاودي لانه ناااايم جدا .
ومحدش يقلي يا جماعة ماينفعش تحط تخليقي علشان ممشي العربية
العربية محطوط فيها 10 الاف تخليقي ومفيش اي مشاكل

[truss]

طالما بتستخدم تخليقى من الاول استمر عليه دة احسن لموتور عربيتك مهما قطع من مسافات

[mohamed_rhem]

انا جربت زيت ليكوي مولي توب تيك وفالفولين وموبيل1 وشيل هليلكس الترا

وحاليا الغيار الموجود هو توب تيك مشيت عليه 2000 كم بعد فلاش الموتور

انصحك خليك مع شيل بس المفروض حسب الجدول بتاعهم هتحط نصف تخليقي 7000 كم

عموما الجدول ده في كل محطات شيل بيتكتب بقالها كام سنة والكيلومتر المقطوع

تحياتي لك ولقسم الاودي

[sfi]

شكرا للردود بخصوص الجدول بتاع شيل مش شايفه مهم بالنسبة لي وشكلي هكمل تخليقي
مفيش حد جرب زيوت وولف ؟