ابيع العربية ولا مش هلاقي حاجة نضيفة بعد ما ابيع :-(

[p r i n c e]

السلام عليكم يا رجالة
صديق ليا عايز يشتري عربيتي فيرنا 2010 مانيوال full option
العربية راشة برا كلها و كان في خبطة من قدام غيرت اكصدام و رادياتير و سربنتينة تكييف بس غيرتهم ف التوكيل و العربية الحمدلله رجعت زيرو زي ما كانت و مفيش أي حاجة ف العربية إتأثرت
العربية ماشية 17 ألف كيلو و نص
صاحبي عارف الخبطة و كان معايا و انا بصلحها و عارف انها خبطة بسيطة و مأثرتش على العربية
انا كنت عارضها للبيع ب 62 لقيت صاحبي جي يقولي عاوز يشتريها
لو انتو مكاني يا رجالة تبيعوها ولا لأ
انا شايف ان السعر كويس بس العربية دي مريحاني جدا و بحالة الزيرو ومش بصرف عليها اكتر من بنزين و زيت، خايف ابيعها ملاقيش حاجة مستعملة نضيفة و الجديد أسعاره بقت مولعة
تنصحوني ب إيه يا رجالة

[hany63]

البطران اخرته قطران

[p r i n c e]

يعني مبيعش؟

[hany63]

عربيه مريحاك تبيع ليه ؟
هو حد بيغير في الايام السوده دي

[GREYMAN]

مرتاح معاها ماتبيعهاش....ومن كلامك واضح انها حالة اكسترا

[p r i n c e]

عربيه مريحاك تبيع ليه ؟
هو حد بيغير في الايام السوده دي

مريحاني جدا بس عاوز اغير ل حاجة أعلى
شكرا على نصيحتك و غالبا هصرف نظر عن البيع
أنا عارف هبيع و مش هلاقي حاجة نضيفة زي دي اشتريها

[p r i n c e]

مرتاح معاها ماتبيعهاش....ومن كلامك واضح انها حالة اكسترا

شكرا على النصيحة يا زعيم و ا ش ا هعمل بنصيحتك

[horas3000]

متبيعش الا لما تلاقي الحاجه اللي علي مزاجك

[p r i n c e]

متبيعش الا لما تلاقي الحاجه اللي علي مزاجك

شكرا لإهتمامك وردك يا كبير

[el diesel]

حرام عليك تبيعها ويا دكتور عصفور باليد خير من 10 على الشجرة

[p r i n c e]

حرام عليك تبيعها ويا دكتور عصفور باليد خير من 10 على الشجرة

تمام ا ش ا مش هبيعها
انا عارف اخره الطمع وحشه
هرضى ب عربيتي عشان ربنا يباركلي فيها

[GREYMAN]

وهزيدك اخى انا سيارتى بسبب انى مقتنع بيها فانتظرت لما ظروفى ظبطت ورحت عملتلها تغيير ورجعت جديدة انت ممكن تعمل تغيير فى العربية باضافة حاجة جديدة ليها جنوط او عازل او غيره هتتبسط جدا

[Mamoud salah H]

من ناحية نك هتلاقي نضييف فهتلاقي ان شاء الله بس بدون استعجال
من ناحية الببيع لو انت مقضي ومكفي حياتك والتزامتك المادية ومش هتاثر عليك انك تجيب اعلي ومش هتزنق نفسك يبقي توكل علي الله