شارك على الأقل بفكرة لحماية عربيتك من السرقة

[el diesel]

بسم الله الرحمن الرحيم وبه نستعينولا حول ولا قوة إلا بالله العلى العظيم , الحمد لله رب العالمين والعاقبة للمتقين ولا عدوان إلا على الظالمين وأشهد أن لا إله إلاالله وحده لا شريك له رب العالمين وإله المرسلين وقيوم السموات والأرضين وأشهد أن محمدا عبده ورسوله المبعوث بالكتاب المبين الفارق بين الهدى والضلال والغي والرشاد والشك واليقين
إخوتي وأخواتي الكرام
السلام عليكم ورحمة الله وبركاته

أما بعد
بعد الثورة وحال البلد أصبح من أسوأ لاسوأ و حالة الانفلات الأمنى الموجودة والمنتشرة بكل مكان فى مصر
وطبعا ده كان ليه الأثر الكبير علينا احنا كشعب و بتكلم هنا بخصوصنا احنا كمالكى للسيارات

- بصراحة ما كنتش حاسس بالموضوع ده قبل كده كتير غير لما ربنا سبحانه وتعالى كرمنى واشتريت العربية وربنا يعلم فلوسها كانت جاية ازاى وابتدت عندى الوساوس و الشكوك من انى انزل فى يوم الصبح لا قدر الله والاقى العربية اتسرقت

* من هنا بدأت ادور على حل عملى لتأمين العربية من السرقة وطبعا الحارس هو الله لكن ده لا يمنع ان كل واحد فينا ياخد احتياطته و حذره فى تأمين عربيته

وطبعا زى زى ناس كتير بدأت فى البحث عن وسائل التأمين الموجودة فى مصر وكانت بالترتيب ده

1- قفل الدريكسيون
وطبعا وظيفته انه بيمنع الطارة "الدريكسيون" من انه ياخد لفة كاملة وطبعا ده بيمنع العربية انها تتحرك مظبوط

[mtohg=null]http://nileup.com/up/uploads/nilemotors_13664121731.jpg[/mtohg]

وطبعا ليه اشكال كتير ودى منها

[mtohg=null]http://nileup.com/up/uploads/nilemotors_13664121732.jpg[/mtohg]



[mtohg=null]http://nileup.com/up/uploads/nilemotors_13664123901.jpg[/mtohg]

وغيرها طبعا من الأشكال لكن برده خلينا نفكر بدماغ الحرامى ونعرف ممكن يتعامل معاه ازاى
وكانت النتيجة زى ما قريت ان ممكن
1- يقطع الطارة وخصوصا ان معظمها فى عربياتنا من مادة لدنة أو زيها زى الكاوتش وسهله القطع ويقدر الحرامى منها انه يخلع القفل منها
2 - سمعت عن حقنة مياه النار اللى الحرامى بيضربها فى مكان المفتاح بتاع القفل و فى خلال ثوانى بيقدر يفكه

وطبعا ابتديت ادور على فكرة احسن

2- قفل الفرامل
ويكاد يكون هو نفسه قفل الدريكسيون لكن بطريقة استخدام اخرى وهيا انه بيمنع فرامل اليد من انها تتحرك لتحت وبيمنع ان الفتيس ياخد حركة و بيفضل انه يركب فى العربيات الأتوماتيك


[mtohg=null]http://nileup.com/up/uploads/nilemotors_13664138741.jpg[/mtohg]
[mtohg=null]http://nileup.com/up/uploads/nilemotors_13664138742.jpg[/mtohg]
[mtohg=null]http://nileup.com/up/uploads/nilemotors_13664138743.jpg[/mtohg]
[mtohg=null]http://nileup.com/up/uploads/nilemotors_13664138744.jpg[/mtohg]

وطبعا زى الفكرة الأولى دورت على حل لفكها وكانت
1- انه ممكن يخلع الحلية بتاعة عصاية الفتيس من فوق و يطلع من القفل ويقدر يتحرك بالعربية
2 - ممكن زى القفل الأولانى وبرضه حقنة مياه نار ويفكه فى ثوانى
3 - او يعمل زى الفيديو ده واللى فيه شخص عادى معاه عده فك اقفال "بتتباع عادى" وفك القفل

[youtube]http://www.youtube.com/watch?v=wkyUjdtJ6NY[/youtube]

وطبعا بدأت رحلة البحث من جديد
3- وهيا استخدام تانى لقفل الدريكسيون لكنه المرة دى مع ربط منظومة الفرامل و الدبرياج


وطبعا نفس الافكار لفكه هيا هيا نفس الافكار للقفل الاول والتانى

4- جهاز الانذار

وفعلا سألت هنا وفى منتدى أخرى وكان الاجماع على نوعين هما سباى 2 واى وانذار وولف
ولما نزلت فى شبرا عندنا لاقيت اسعار مبالغ فيها للسباى وكمان مش بيركب بكل خصائصه
ونظرا للظروف المادية و لظروف الشغل اضريت اركب الوولف
ودفعت فيه 250 بالتركيب وتعليقى عليه
1- أى حرامى عربيات "متمكن" ممكن يمد ايده تحت الفرش ويطلع الجهاز ويفصلوا وانتهى الموضوع
2- بالنسبة لأنذار السباى اعتقد نفس الفكرة لكن فى حالة السباى هايكون عند مالك السيارة علم بان فى حاجة بتحصل فى العربية وممكن يلحقها

4- جهاز تحديد المواقع gps tracker

وطبعا فكرته بان بيكون فى تواصل دائم بينك وبين العربية عن طريق التليفون و الكمبيوتر
وبيجيلك تحديث على مدار الساعة بحالة العربية ومكانها على الخريطة وسرعتها لو العربية بتتحرك وبيبقى فى وظايف بتختلف من جهاز لجهاز ومنها انك تقدر توقف العربية عن طريق رسالة sms وكمان بيبقى فيه سبيكر ممكن تشغله وتسمع الكلام اللى بيتقال جوه العربية

- ولما سالت عليه واتضح ان سعر يتعدى ال1500 جنيه وشركات تتعد على صوابع اليد الواحدة اللى بتركبه وبتشغله وبتابع تشغيله لأن فيه حاجة نسيت اقول عليها وان لازم حضرتك بتعمل حساب على موقع خاص بالشركة المالكة للجهاز او الوكيل هنا فى مصر باشتراك سنوى او مدى الحياه وده بيختلف من شركة لشركة علشان تقدر تتابع احوال العربية والبيانات الخاصة بيها زى المكان والتوقيت و سرعة التحرك من خلال شبكة الانترنت

وبصراحة انا وغيرى كتيير غير قادرين على دفع المبلغ ده
مع ان الجهاز كله مميزات لكن ما باليد حيله

5- مفتاح فصل كهرباء السيارة
وده محتاج كهربائى محترم وبيفهم علشان مايخربهاش وترجع تقول ياريتنى

وهنا ابتديت بقا ادور على نصايح واختراعات المصريين بخصوص حماية عربياتهم من السرقة وكانت

1- تركيب قفل الدريكسون و الانذار وغطاء العربية وده كان عليه الاجماع الكبير

2 - حاول ان تركن بين عربيتين فى مسافة ضيقة وده بيصعب على الحرامى مهمته

3- حاول انك تركنها فى جراج ليه سايس او حراسة او خلافه لكن طبعا هايبقى فيه مقابل مادى وابتدى فعلا اصحاب الباركينج باستغلال الاوضاع ورفع الاسعار اللى وصلت فى منطقة زى شبرا عندنا 250-300 جنيه شهريا

4- كانت فى فكرة لذيذة جدا مش فاكر والله قريتها فين وهيا انك تعتنى بكلب من الشارع وتجبله اكل ومياه وتعرفه على العربية
وتجيب بطانيه قديمة بحيث تبقى قعدته عليها على الرصيف و فعلا صاحب العربية نجحت معاه التجربة دى فى صد محاولة سرقة عربيته
5- كلابش عجل زى بتاع المرور بس الصراحة كان هايعملى انا وكبار السن ازمة وخصوصا انى عندى وجع فى ضهرى وهايبقى الموضوع متعب انى كل يوم انزل اوطى مرتين علشان اركب الكلابش


ودى شوية صور لأفكار مفتكسة

طبعا كل الافكار دى مجمعة وكتير منكم عارفينها ولكل شخص فكرة تناسبه وتناسب عربيته
وبطلب منكم اضافة او فكرة جديدة لعلها تناسب حد غيرك وتبقى سبب فى حماية عربية من السرقة

[lad]

والله انا شايف ان زرار الفصل مهم جدا يكون فى مكان مستخبى و ممكن تعمل اكتر من واحد انقذ عربية جارى من السرقة قبل كدا المفروض الناس كلها تعمله

[el diesel]

والله انا شايف ان زرار الفصل مهم جدا يكون فى مكان مستخبى و ممكن تعمل اكتر من واحد انقذ عربية جارى من السرقة قبل كدا المفروض الناس كلها تعمله

طب ممكن معلومات مفصلة عنه وعن مميزاته وعيوبه كاملة رجاء :)

[Walid_M]

مجهود مميز تشكر عليه !!!!


متابع باهتمام .........

تحياتي

[أحمد جودة]

موضوع مميز
واحب اضيف بعض الحاجات

أولاً بالنسبة لسرقة العربيات وإجراءات التأمين اللى احنا بنعملها ماهي الا وسائل تعطيل للسارق
يعني انتا من الاخر بتعطل الحرامي على قدر المستطاع
يعني عربيتي فيها جهاز انذار وولف وقفل دريكسيون مع دواسة الفرامل وبتركن بين عربيتين وعليها غطاء وجهاز الانذار بالليل بخلية حساس لو حد لمس العربية الجهاز بيشتغل
واعتقد مفيش حرامي عاقل تجيلو الجراءة انه يدخل على عربية يشيل من عليها الغطاء ويلاقي قفل وجهاز انذار وبردو يحاول يسرقها

لكن زيادة فى التأكيد فية فكرة تانية بس هتكون مرهقة وشكلها مش ظريف لاكن عملية جدا

تركب عمودين حديد خلف العربية ثابتين فى الارض
وعامود اما م العربية فى المنتصف ودة يكون متحرك يعني بيتركب وبيتخلع
هتكون العربية فى امان اكتر ويا سلام لو تقدر تعمل سلسلة طويلة تلفها حول العربية
وكمان ممكن تعمل واحدة من اسف العربية تربطها بقفل فى مقصات العربية

دة طبعاً بالاضافة الى جهاز الانذار وقفل الدريكسيون ومفتاح فصل طلمبة البنزين وغطاء السيارة
أعتقد بكدة ممكن تنام وتحط فى بطنك بطيخة صيفي
وفي النهاية ربنا يسترها علينا كلنا

تقبل تحياتي

[أحمد جودة]

وكمان فكرة كدة وممكن تنفع فى حالة سرقة العربية لاقدر الله

تشتري تليفون قديم وصغير ارخص تليفون فى السوق وياريت يكون اقتصادي جدا فى استهلاك البطارية وتخبية فى العربية فى مكان صعب حد يشوفو علشان لاقدر الله لو العربية اتسرقت عن طريق شركة المحمول تقدر تحدد مكان العربية
أنا قرأت عن الموضوع دة والله اعلي واعلم بمدي صحته

[sakr_skoda]

ياخبر ايه ياعم الجنازير والأقفال دى اللى فقدت قيمتها وقوتها بفضل قوة ذكاء اللصوص وزى ما بيقول صديقى جودة الموضوع تعطيل للسارق فقط وممكن كمان يمنع السرقة تمام....

رئي يتلخص فى نقطتين:

الأولى : يجب ان يكون جهاز الانزار ببطارية صغيرة منفصلة وتوضوع فى مكان مموه داخل شنطتة السيارة....

الثانية : يجب عمل مفتاح لفصل التيار الكهربائى عن الكونتاك او طلومبة البنزين او الموبينة او اى حاجة فى العربية بتعمل فى ادارة محرك السيارة بمفتاح صغير وان يكون مكانة داخل كبينة السيارة فى اى مكان مموه حتى ولو تحت دواسة القدم للكراسى الخلفية....*

[mohamedrabia]

موضوع رائع ومجهود ممتاز
بس فيه ملحوظة
المشكله في سرقة العربيات حاليا هي السرقه بالاكراه . وده بقا منتشر جدااا وبيحصل في عز الظهر وشوفت فديوهات كتير بيبقي جنب العربيه عربيات بتهرب ومفيش حد بيتدخل اصلااا وبصراحة اي حد هيعمل كده قصاااد السلاح . المشكله بقت سرقه بالاكراة مش والعربيه راكنه ومتكلبشه او فيها جهاز الانذار .
في الحاله دي يبقي الحل الوحيد فعلا جهاز التتبع بالقمر الصناعي حتي وان كان تكلفته عاليه بس بضمن بيه عربيتي يعني لو هصرف 2000 جنيه مقابل شعوري بالامان اكيد هبقي اشتريت بيهم عربيتي وفي نفس الوقت ده جهازي معايا حبيت ابيع العربيه بحمل تمنه عليها حبيت يكون معايا بعربيتي الجديده اوك هعتبره اصل ثابت عندي.
للاسف في غياب الامن والاستقرار في البلد . وللاسف ظباط كتير بتحاول تنتقم من الشعب بانها مكبرة دماغها وبتساهم في الفوضي علشان نقول انهم فعلا كانوا بيحمونا مش بيفتروا علينا . بقينا احنا الي بندور علي الحلول لتوفير الامن .
واخيرا ربنا يبعد عنكم اي شر وييسر اموركم وامورنا امين

[Mo7eb1]

أحييك على المبادره و المشاركه بأفكارك... وانت قدرت تغطى معظم وسائل الامان (باقى بس تسليح الزجاج و فى موضوع قوى جدا فى قسم نيسان بيتكلم عنه) http://www.nilemotors.net/Nile/350046-a.html
و زى ناس كتير قالت كل دى مجرد وسائل تعطل و تاخر الحرامى او تخليه يصرف نظر عنها خالص.

من ناحيه تانيه مش بشوف مواضيع كتيره عن التثبيت فى الشارع زى ماشوفنا العربيه الياريس الى اتثبتت على الكورنيش من حراميه راكبين سيراتو و معاهم ميكروباص واقف على الناصيه بيراقب الجو!! وان كا واحد صحبى اتثبت فى اكتوبر الفجر.... ماكنش منه غير ان بطل العربيه و كسر المفتاح وهو فى الكونتاك وبالتالى مقدروش يخدوا العربيه.

[أحمد جودة]

ياخبر ايه ياعم الجنازير والأقفال دى اللى فقدت قيمتها وقوتها بفضل قوة ذكاء اللصوص وزى ما بيقول صديقى جودة الموضوع تعطيل للسارق فقط وممكن كمان يمنع السرقة تمام....

رئي يتلخص فى نقطتين:

الأولى : يجب ان يكون جهاز الانزار ببطارية صغيرة منفصلة وتوضوع فى مكان مموه داخل شنطتة السيارة....

الثانية : يجب عمل مفتاح لفصل التيار الكهربائى عن الكونتاك او طلومبة البنزين او الموبينة او اى حاجة فى العربية بتعمل فى ادارة محرك السيارة بمفتاح صغير وان يكون مكانة داخل كبينة السيارة فى اى مكان مموه حتى ولو تحت دواسة القدم للكراسى الخلفية....*

اشكرك يا عم صبحي على تعليقك

فعلا احنا بنعمل كل وسائل الامان دي لتعطيل السارق وفقط

ربنا يبعدن عنكم ولاد الحرام

[S O P H O S]

حلو موضوع ربط الفتيس
لكن موضوع جنزير وقفل ده غير عملي لانه فتح العربية
مش هيعرف يفتح قفل ..

[mxz911]

متابع جدا

[Elawany13]

http://www.nilemotors.net/Nile/236015-a.html

[misry]

أحسن طريقة هي :::

1- هات نوعين من قفل الدركسيون , العادي واللي بيربط دواسة الفرامل

2- مفتاحين للفصل , واحد للكونتاكت وواحد لطلمية البنزين

3- شيل فيوز طلمبة البنزين

4- جهاز النذار

5- مهم جداااا .... تسليح الزجاج بحيث انه يكون غير قابل للكسر

6- غطاء العربية بغطا معفن ومقطع

7- الدعاااااء


وربنا يحفظنا جميعا ...

[Sehsss]

أحييك على مجهودك.. أنا عن نفسي.. عربيتي فيها جهازين إنذار، واحد على كلاكس السيارة في حالة الكسر، وواحد بسرينة عادي.. وبكسر الدركسيون علشان اللوك يتقفل، وحاطط قفل للدركسيون مع الدبرياج، وكلابش عجل زي بتاع المرور، وبغطي العربية، وفي الآخر ربنا هو اللي بيستر