مساعدين ماركت بوما, مفيش اصلا ماركة اسمها بومة

[shaikh_tamer]

انبارح اشتريت جوز مساعدين امامي لل 128 ماركت بوما ب 450 جنيه
قلت لما اشوف كده المصنع اللي عمل المساعدين دول علشان انا نسيت اسال هما غاز ولا زيت و كمان علشان الواحد بقي يشك ان فيه في مصر اي حاجة غير الصيني اساسا
المهم كتبت في السيرش
poma
itly
shock absorbers
لقيت الشركة وهمية و ان اسم بوما اسم وهمي حطته شركة الفتح المستورد للمساعدين دول, المهم قلت مش عيب ولا حرام يسموا اي اسم او يعيدوا التسمية, ادور علي الاسم الاصلي ملقيتش ليه اي وجود
يمين شمال اقلب في المساعد و العلبة مفيش اي وجود
قررت اني اتصل بجهاز خدمة المستهلك و سيبت بلاغ ان الشركة الفتح بتسوق منتجات وهمية و بتدعي نسبها لايطاليا و هي مجهولة المصدر اساسا


بعد البحث و التقصي و بعد شوية شغل مخابرات جامد تبين لنا الاتي

اولا ان الاستيراد تم من دبي من شركة بتاعت علي عياد و علي الخميري
يعني لو كانوا فعلا من ايطاليا لكان من الاولي انهم يروحوا اسكندرية مش دبي و بعدين يجوا عندنا لكن موضوع دبي ده علشان التمويه و محدش يعرف مصدرهم منين
بس علي مين
المنتج الاصلي شركة نص لبة تركية اسمها
dizel pompa
اي خدمة
و طبعا ميفتنيش اني اقول لنصابين الامارات ان قناة السويس ان شاء الله حتشتغل قريبا و شغل النصب بتاعم ده حينتهي و محدش يقولي ان النصب من النصابين بتوع مصر, اسم الشركة الامارتيه علي العلبة اللي مكتوب عليها مصنوع في ايطاليا يعني النصب من الامارات
و برضه ميفتنيش اني اقول ان صاحب الشركة المستوردة في مصر لواء
يعني فيه بيزنز بين لواءات الداخلية و نصابين الامارات
الكلام ده كله مرمي علي النت و لو حد عنده اي استفتسار انا في الخدمة
اللي مزعلني فعلا ان المستورد او نصابين الامارات لو افتضح امرهم كل اللي حيعملوه انهم حيغيروا سام بوما الي اسم نسر او صقر او حتي خرتيت و للاسف المستهلك المصري حيفضل مضحوك عليه
حسبي الله و نعم الوكليل في نصابين الامارات و في لواءات الداخلية

[Habd]

فيه شركات صينية كتير و ممكن على كلامك شركات تركية بتعدى منتجاتها ع دبى ف الامارات و بعدين توجها لاى بلد عربى عشان تستفيد من اتفاقية التجارة بين الدول العربية و تحصل على تخفيض او اعفاء من الجمارك و مالوش اى علاقة بالسياسة و الكلام ده من زمان و معروف و بتعمله الهند و ايران كمان تقريبا دبى منطقة حرة و مع اعادة تغيير بلد المنشأ من الدول دى للامارات الجمارك بتقل لو دورت ف منتجات الهايبر و غيرها هتلاقى منتجات مكتوب عليها صنع ف الامارات العربية المتحدة و هما ما بيصنعوش حاجة اصلا

[hilal]

ابتسم ، انت في العصر الصيني ، والشعار الذي ترفعه كل شركات الصيني هو
سلامتك آخر شيء يهمنا

[ahmed_h_g]

شكرا" عالمعلومات الجامده
صحيح هو ايه اللى هيحصل فى قناة السويس بالظبط معلش كنت نايم ومحتاج معلومات

[د.أبونضال]

كل اللي مكتوب عليه إيطاليا واليابان وألمانيا كل ده مضروب إما في الصين أو في جبل علي والزبون المصري هو الل بيحب إنه ينضحك عليه علشان عنده هسهس من المصري والصيني حتى لو كان نضيف.

[Sehsss]

ولا أي اندهاش

[shaikh_tamer]

شكرا" عالمعلومات الجامده
صحيح هو ايه اللى هيحصل فى قناة السويس بالظبط معلش كنت نايم ومحتاج معلومات

الليء حيحصل ان مصر حتكون مركز تجاري عالمي ان شاء الله, و دبي ديه حتقفل بعد اسبوع