حكايتى مع النصاب

[emad_2020]

فى الاول هحكى ليكم على لى حصل معايا علشان كله يخلى بالو
كان معايا عربية 28 كنت عرضها للبيع وفى ناس كتير شفتها وبعد كدا واحد اتفق معايا هيشتريها وبعد الاتفاق على الثمن وكمان كذا مره يروح ويجيب حد معاه وفى الاخر قال خلاص هشترى المهم
قال هدفع كذا والباقى عند التسجيل قلت ماشى مع ان العربون قليل بس انا نيتى خير مفيش مشكلة وقال كمان هنسجل بعد اسبوع علشان يكون فاضى قلت ماشى واخد العربية وكتبنا عقد ابتدائى طبعا علشان انا نيتى خير سبتها معاه كل الفترة دى وكمان علشان ضامن ان العربية سليمة لو حد تانى كان قال استلم العربية وادفع كله او عند التسجيل المهم بعد اسبوع روحنا على الشهر العقارى كنت اعرف واحد قال ليا مش تمضى قبل ما تاخد فلوسك وعلى الرغم من كدا عملت له كل حاجة من غير ما اطلب الفلوس بس سبحان الله قبل ما اوقع بثوانى قلت له فين الفلوس راح قال اصلى صرفت على العربية كذا ونسيت كذا قلت له يا راجل يعنى كنت ناوى تنصب عليا امضى وبعد كدا سلام صح انتا راجل معندكش دم وقلت له فلوسى كلها قبل اى حاجة وكمان المخلفات بعدين عجبك ولا مش عجبك وزى الباشا دفع وبعد فترة روحت جبت له الخلفات مكنش عليها حاجة اصلا
اسف انى طولت عليكم بس حبيت ان كل واحد ياخد باله الناس مفيش عندها ضمير ولا اخلاق

[EslaM_NagY]

الحمد لله جت سليمة

ربنا يستر

[mesaharaty]

إنها أزمة الضمير يا سيدى

[amr011111]

الحمدلله
بس متزعلش منى انت غلطان ولكنك افترضت حسن النيه
علشان انت لو هتديه العربيه تاخد فلوسك بالكامل وعلى ما اسمع ان العقد الابتدائى لا يعفى من المسؤوليه والله اعلم

[elmashtoly]

الحمد لله جت سليمة

ربنا يستر

[lidosasa]

الحمد لله جات سليمة
والحرص واجب

[المنسي]

الحمد لله ان ربنا سترها معاك

[reda elgohary]

ياباشا مش كل الناس وحشة ،،أنا أشتريت عربيتى الفورد بمبلغ ابتدائى 8 الاف جنيه والعربية معايا وكمان التسجيل بعد شهرين ،، وكمان أنا من محافظة وصاحبها من محافظة تانية خالص ،،يعنى الموضوع موضوع ضمير ليس إلا ،،وربنا يسترها مع الجميع .

[Sehsss]

أنا مش عارف الناس دي بتقبل على نفسها ازاي.. لا حول ولا قوة إلا بالله.. الحمد لله جت سليمة

[ahmedalaahosny]

انعدام ضمير وكويس انها جت علي كده

[حماده المصري]

ازمه ضمير

ارجو من اي حد يشتري او يبيع

من الاخر الي بيشتري عايز العربيه معاه يدفع كل الفلوس الا الف او الفين على التسجيل والمخالفات

وكمان الايام دي مينفعش

انا وانا بشتري بعد ما عرفت بيته اديته الف جنيه فقط ومشيت قولتله بكره اجي الاقي التوكيل والمخالفات تاخد الفلوس وشكرا وده فعلا الي حصل الف جنيه عربون وفي نفس اليوم بالليل اديته الفلوس وخدت العربيه وكمان كنت كاشف عليها مرتين قبل ما ادفع جنيه

[S O P H O S]

الحمد الله
ربنا ستر ..

[muhmado_furp]

انا مش عارف الناس بتقبل ازاي بصراحه
حسبي الله ونعم الوكيل

[MASERATI]

فى الاول هحكى ليكم على لى حصل معايا علشان كله يخلى بالو
كان معايا عربية 28 كنت عرضها للبيع..........................

السلام عليكم و رحمة الله و بركاته

الحمد لله أنها جت سليمة

عموما, بيع أى عربية بيكون بطريقة من اتنين, لو فرضا أنك بتبيع عربية ب100 ألف جنيه مثلا:

1- تاخد مثلا 97 ألف جنيه و تبقى 3000 جنيه و هنا بتديله العربية و عقد ابتدائى و أصل الرخصة و صورة بطاقتك عادى مفيش مشاكل و تخلى معاك صورة الرخصة و صورة البطاقة بتاع المشترى, عشان تعرف تطلع براءة الذمة و تنقل الملكية أو تعمل توكيل, زى ماتتفقوا, و تخلص الورق ده كله و تديه للمشترى و تاخد منه ال 3000 جنيه الباقيين و لحد هنا أصحاب و حبايب و مفيش مشاكل, لو نقل الملكية أو عمل التوكيل محتاجين أصل الرخصة و صورة بطاقته , يبقى هتضطر تخلى معاك أصل الرخصة عشان تسجل العربية أو تعمل توكيل.

2- تاخد من المشترى 3000 جنيه بس مجرد ربط كلام و تااااااااااااااااااااخد العربية و أصل الرخصة و كوووووووووول حاجة و المشترى مايخدش الا صورة الرخصة, صورة بطاقتك و عقد ابتدائى, لحد ماتطلع براءة الذمة و تسجله العربية أو تعمله توكيل فى الشهر العقارى و تديله العربية و الورق كوووووووووله و قبلها تكون واخد ال97 ألف جنيه على داير مليم.

كده, يبقى أدام أنت راجل محترم و المشترى مش نصاب, يبقوا أنتوا الاتنين أصحاب و كفاءة و تمام التمام, هنا لازم النصاب هيبان, هتلاقيه عاوز يخلف فى الكلام اللى أنا قايله فوق ده.

[amrelsaqqa]

مشكلة الموضوع ده ، وكمان ممكن يحصل مع الطرفين
نفسى اعرف ايه الاجراء السليم بالظبط اللى يضمن حق الطرفين
يعنى برضه المشتري لو دفع الفلوس كلها حتى لو معاه العربية بس لسة مش باسمه هيبقى مقلق وممكن برضه يتنصب عليه ، ايه الحلللل ؟