تهيؤات سائق في الزحمه

[WalidAdel]

من فتره كبييييييييييره وانا ملاحظ الحركه دي بس مش عايز اتكلم لحسن حد يقول عليا مجنون ولا حاجه ... بس قولت ياواد خد راي اعضاء المنتدي العظيم ده لعله يكون في حد زي و تبقي العربيه كويسه و ان دي تهيؤات او ممكن النقاش يوصلنا لمعرفة فين المشكله
الحوار كله يتلخص في اني معايا عربيه اوتوماتيك و المهم كأي مواطن ببقي سايق في اوقات زحمه و فترات كبيره ..... يعني ساعات باجي من عند المحور كده و باخد الزحمه بتاعته كلها
و بروح بيتي في جسر السويس في ساعتين مثلا فأكاد اكون مش بدوس بنزين
المهم انا سايق في امان الله و الدنيا زحمه فببقي محمل رجلي علي الفرامل و بسيب فرمله شويه العربيه تمشي حبه و اجي اقف ... فبحمل رجلي تاني علي الفرامل و كده العادي يعني
و الواحد قاعد و مأنتخ في الزحمه و مشغل التكييف جسمه مريح بعد يوم رخم في الشغل فبييجي بقي الطريق يفتح فبدوس بنزين "المشكله هنا بقي" باجي ادوس بنزين علشان اجري شويه احس ان العربيه مخنوقه و مع المشي الاقيها رجعت كويسه تاني و بس قعدة فتره اركز العربيه مش عايز تجري لحد ماتوصلت اني اكتشفت اني مش دايس بنزين اصلا علشان العربيه تمشي فمش عارف هل ده بقي فقضان لاحساس ان في دواسة بنزين بتستخدم علشان العربيه تجري و كده ولا ده فعلا العربيه بتبقي مخنوقه شويه و بتفك مع المشي ولا انا نتيجه للزحمه باخد علي دوسه معينه "اللي هيا بوقف بيها العربيه" و بعدين لما الطريق يفتح دماغي مش مترجمه بقي ان في دواسة بنزين و لازم ادوس عليها علشان تمشي بسرعه بس بمسافة اكبر من دوستي علي الفرامل .... حد بيحصله كده ولا دي تهيؤاااااااااااااات
حد فهم حاجه طيب من الكلام الغريب اللي انا كاتبه ده

[youssef_u]

بسم الله الرحمن الرحيم ،، الاجابه: تونس :)

[Sehsss]

كان نفسي أفيدك يا وليد، بس أخوك ما بيحسش بالكلام ده لأني مانيوال، فالمشكلة كلها إن رجلي الشمال تقريبا بتتشل فمش باحس بحاجة من الكلام ده ههههه

[rashad29]

والله معاك حق فعلا سعات كتير بتحصل معايا ارفع رجلى من على دواسة الفرامل وارجع ادوس عليها تانى على اساس انها دواسة البنزين معلش اكتر من كدة وربك بيزيح

[aymanshebl]

مكمكن من كتر الوقفة رجلك اتعودت على الدوس الخفيف على البنزين و علشان كده لما الطريق يفتح بيهياك انك دايس المقدار المطلوب للمشى بسرعة و هذا لم بحدث فبتحس ان العربية مش بتجرى او مخنوقة و لو دوستك مظبوطة بتحس ان العربية بتسحب كويس و فى كل الاحوال العربية سليمة

[WalidAdel]

طيب الحمد لله يعني انا كويس و العربيه كويسه بردوا ماشاء الله

زي مانت عارف يا Sehsss ياخويا الواحد ربنا تاب عليه من المانيوال و سنينه لانها ابتديت تقلب معايا بألتهاب في الوتر الرابع في ركبتي الشمال مع الوزن الخفييييييييييف بتاعي فطبعا كنت متظبط

[mhf_77]

كلنا هذا الرجل

[Sehsss]

طيب الحمد لله يعني انا كويس و العربيه كويسه بردوا ماشاء الله

زي مانت عارف يا Sehsss ياخويا الواحد ربنا تاب عليه من المانيوال و سنينه لانها ابتديت تقلب معايا بألتهاب في الوتر الرابع في ركبتي الشمال مع الوزن الخفييييييييييف بتاعي فطبعا كنت متظبط

هههههههههه عارف والله يا ول.. عقبالي، دا أخوك بقى عنده التهاب في كل الأوتار، وأحيانا ركبتي بتطلع مزيكة حلوة قوي، وانت عارف بقى إن وزني أخف منك ومتظبط عنك

[MARTINDALE]

لا احساسك في مكانه تماما لاني بحس باحساس شبيه لاحساسك وان كان في الاتجاه المعاكس... انا وانا مسافر على طرق سريعه لما بقف على كمين واهدي السرعه بحس ان رجلي مش موزونه على البنزين وبفضل الطش بين البنزين والفرامل لان بكون متعود ان دايس على البنزين دوسه جامده ومثبت رجلي . ولما ابتدي اتحرك علشان اكمل السفر بحس بعدم انسجام مابين الدواسه والسرعه . . . . حد فاهم حاجه ؟؟

[S O P H O S]

السواقة فمصر تخلي الواحد يحس بحاجات كتيرة والله
ومن كترها بينسي الي بيحصل
اول ما يوصل لان بيبقي فرحان ان وصل اخيرا بعد ساعات فالزحمة

[eleanor]

بررررم
كلنا كده علشان اكده نا بمشى بمداء متركزش علشان متهيسش
حو ده الحل
طبعا احساسك طبيعى من دوستك على الفرامل فبتبقى مركز على الفرمله مش البنزين والمخ مش مترجم انك هاتجر ومش مصدق نفسه فتلاقى نفسك يادوب لامس دواسه البنزين وانت بيتهايلك ان دايس بنزين جامد وده نتيجه ان الفرامل تقيله فعملت شد لعضلات الرجل