تجربه ترخيص مرور فيصل

[ابو لؤى]

بسم الله الرحمن الرحيم
بعد تفكييير كتير قولت خلاص لازم اعمل الرخصه بقى اصلها منتهيه من شهر 11 /2012

صحيت الصبح الساعه 8 وتوكلت على الله معئنى كنت قلقان اوى من موضوع الفحص والكلام ده سيبتها على الله
8:15 كانت العربيه عطلانه فى شارع السودان اليوم باين من الاول افتح ياعم الكبوت البطاريه عماله تجيب مياه مش مشكله ولايهمنى بجرب دارت الحمد لله منا هرخص يعنى هرخص واخد اجازه بالعافيه
8:30 كنت فى المرور فى الطابور اشتريت دوسيه من الناس اللى واقفه فى الشارع 35 ج ودفعت تأمين 102 ج كل ده وانا واقف برا قبل مادخل وطبعا قلبى بيدق علشان الفحص لانى عندى استيكرات على الزجاج الخلفى المهم الدور عليا ايه ده مافيش حد واقف روحت عامل من اليونان ونازل راح الراجل بتاع البصمه قالى افتح الكبوت فتحت رفع البصمه اركن برا يا استاذ ايه ده مافيش فحص يابركه دعاكى يامى خد الورق واختمه بسرعه من المهندس يا استاذ الحمد لله ختمته وكان المفروض اروح اعمل مطابقه بس المهندس طلع محترم جداا وقالى خلاص طبعا الموال بقى بتاع الورق وكده كبير جوا الشبابيك بس مش فاكر حاجه منها دلوقتى لمه افتكر حاجه هبقى اقولها الحمد لله خلصت على خير واسف على الاطاله

معلش بقى سؤال هيا البطاريه بتجيب مياه من الفايز كده ليه ؟

[ashraf_sms]

موضوع جامد يابو حميد تسلم ايدك ان شاء الله لما اروح ارخص هقولك ايه الدنيا

[ahmedhilmy]

مبروك يا باشا

[ابو لؤى]

مبروك يا باشا

الله يبارك فيك ياباشا

[manfromegy]

الف مبروك الترخيص ياباشا.سعادتك روح لكهربائي يقيس شحن الدينامو و كثافة الميه و اغسل مكان وقوع الميه لانها خطر جدا علي الحديد اللي بتوقع عليه

[ابو لؤى]

الف مبروك الترخيص ياباشا.سعادتك روح لكهربائي يقيس شحن الدينامو و كثافة الميه و اغسل مكان وقوع الميه لانها خطر جدا علي الحديد اللي بتوقع عليه

مشكور على الرد ياباشا تسلم ايدك

[S O P H O S]

مبروك يا باشا ..

[LORD.ADeL]

مبروك يبااشا ترخيص اعبلنا
معلش تقولي خطوة خطوة بضبط
من وقت ما روحت علشان تقف فى ام طابور لحد ماوصلت دوسه دة فعلا تمنه ولا علشان من ناس للى برا وتامين كم سنه ولا هيا سنه وحدة ولما دخلت شاف عربيه كلها ولا فتحت كابوت خد بصمه وقفل ع كدة ولا ايه معلش ودفعت رشا ولا لا
علشان عايز اعرف تفاضيل لان اول مرة اعملها وربنا يسترهاا ان شاء لله

[ابو لؤى]

مبروك يبااشا ترخيص اعبلنا
معلش تقولي خطوة خطوة بضبط
من وقت ما روحت علشان تقف فى ام طابور لحد ماوصلت دوسه دة فعلا تمنه ولا علشان من ناس للى برا وتامين كم سنه ولا هيا سنه وحدة ولما دخلت شاف عربيه كلها ولا فتحت كابوت خد بصمه وقفل ع كدة ولا ايه معلش ودفعت رشا ولا لا
علشان عايز اعرف تفاضيل لان اول مرة اعملها وربنا يسترهاا ان شاء لله

بالنسبه للفايل انا جبته ب 35 لانى كنت لوحدى لسه هسيب العربيه بقى وهروح اجيب من الكشك شغلانه روحت جايبه من الناس اللى برا وخلاص حتى لو ازيد حجات بسيطه الله اعلم دفعت تأمين 102 لان الرخصه كانت منتهيه المفروض كنت ادفع 92 جنيه لو الرخصه ساريه طبعا كل ده سنهالضريبه دفعته فى المرور القديم للعربيه على شهاده البيانات 200 طبعا فى استمارات هبله كده قول مثلا 15 جنيه كمان وبتاع البصمه 10 جنيه ولحسن الحظ انى مافحصتش يدوب فتح الكبوت خد البصمه وشكرا بس اشتريت طفايه 140 ومثلث 75 جنيه وطبعا نمر جديده 145 هنزلك الخطوات كلها بأذن الله بس ارتبها واكتبهالك لمه اروح البيت لانها خطوات كتييير اوى روتين ونصيحه خد حد معاك يكون بيعرف يسوق علشان تنجز ومبروك مقدما

[ابو لؤى]

http://www.nilemotors.net/Nile/183534-a.html

[LORD.ADeL]

بالنسبه للفايل انا جبته ب 35 لانى كنت لوحدى لسه هسيب العربيه بقى وهروح اجيب من الكشك شغلانه روحت جايبه من الناس اللى برا وخلاص حتى لو ازيد حجات بسيطه الله اعلم دفعت تأمين 102 لان الرخصه كانت منتهيه المفروض كنت ادفع 92 جنيه لو الرخصه ساريه طبعا كل ده سنهالضريبه دفعته فى المرور القديم للعربيه على شهاده البيانات 200 طبعا فى استمارات هبله كده قول مثلا 15 جنيه كمان وبتاع البصمه 10 جنيه ولحسن الحظ انى مافحصتش يدوب فتح الكبوت خد البصمه وشكرا بس اشتريت طفايه 140 ومثلث 75 جنيه وطبعا نمر جديده 145 هنزلك الخطوات كلها بأذن الله بس ارتبها واكتبهالك لمه اروح البيت لانها خطوات كتييير اوى روتين ونصيحه خد حد معاك يكون بيعرف يسوق علشان تنجز ومبروك مقدما

معايا ربنا ان شاء الله
يعنى اللازمي طفايا ومثلث دة ولا ممكن ننفض
هجدد فحص فقط ان شاء الله مش عارف كل دة بردو لازم اعمله ولا انت تختلف شويا الله اعلم
وعامتا بنتظار ترتيب وترجع بسلامه ان شاء الله ومبروك

http://www.nilemotors.net/nile/183534-a.html

دة يعتبر عارفه تسلم ايدك يااباشا هوا كان سؤالي ع فحص فقط ((:

[LORD.ADeL]

فينك ياباشا