لو اتطبق نظام الكوبونات - اعمل ايه ؟

[abokoko]

عربيتى القديمه اللى بعتها لسه باسمى لانى التوكيل - للاسف - كان مكتوب فيه التعامل مع المرور والترخيص للسياره
دلوقتى المرور هيتعامل ازاى مع وجود اكتر من عربيه باسم شخص واحد
لانه لازم يراعى البيع بالتوكيلات
مفروض انه يدى الكوبون بالاسم والبطاقة
مش برخصة العربيه
لو ده حصل ممكن يبقي مفيش مشكلة
لكن
لو حصل العكس وادى الكوبون لرخصة العربيه بس وفى الحالة دى - وعموما - هل ممكن اتاثر
انا عايز اعرف هيكون النظام ايه ؟؟

[michohat]

مفيش حد يعرف وشكل المعلم هيفضل سايق لحد ما يدخلنا الحارة السد
لا مؤاخذه والله انا مش عارف احدد حجم المشكلة اللي احنا داخلين عليها
بس اللي افتكره ان كان في زمان برنامج كوميدي ساخر اسمه جمهورية باتاجونيا العظمي كان علي نايل تي في
اعتقد انه افضل وصف لحالنا وما سنؤل اليه

[besso]

شكل الوزاره مش عارفه هى بتعمل ايه بخصوص البنزين

[Egyzizo]

هو آخر تصريح لوزير البترول قال فيه ان هيبقى فيه كوبون لكل سيارة ..

[abokoko]

هو آخر تصريح لوزير البترول قال فيه ان هيبقى فيه كوبون لكل سيارة ..

لو كده المشكلة تنتهى

[Sh_sunsea]

واستلام الكوبونات من مكاتب التموين برخصة العربية والبطاقة الشخصية

[windofchange]

فكرة متخلفة اغلب الشعب يستحق الدعم لو هيغلي البنزين يغليه بنسبة بسيطة ويمشي الدنيا احنا فمصر كوبونات ايه بس

[dr.hazem]

عربيتى القديمه اللى بعتها لسه باسمى لانى التوكيل - للاسف - كان مكتوب فيه التعامل مع المرور والترخيص للسياره
دلوقتى المرور هيتعامل ازاى مع وجود اكتر من عربيه باسم شخص واحد
لانه لازم يراعى البيع بالتوكيلات
مفروض انه يدى الكوبون بالاسم والبطاقة
مش برخصة العربيه
لو ده حصل ممكن يبقي مفيش مشكلة
لكن
لو حصل العكس وادى الكوبون لرخصة العربيه بس وفى الحالة دى - وعموما - هل ممكن اتاثر
انا عايز اعرف هيكون النظام ايه ؟؟

في اعتقادي ان حضرتك لن تتاثر اصلا لان فعليا هتستلم عن سياره واحده
بينما اللي اشترى العربية بالتوكيل هو اللي مش هيقدر ياخد لان العربية مش بتاعته!!!

ومش بس كده

مينفعش يبقى بالبطاقه والاسم وخلاص لان كده اي واحد معهوش عربية هيروح يستلم ويبيع الكوبونات فنفس اليوم!!!
هههههههههههههههه


تحياتي

[megaman]

النظام ده لو اتطبق حيعمل زلزال فى مصر لانه حياثر على كل شىء مش السيارات واصحابها فقط

[Habd]

فعلا لاما مش عارفين لاما بيتوهونا ف الكلام امبارح فالجرنال مسئول بالحرية و العدالة بيقول فيه بطاقات ذكية بس ما فيش كميات محددة و محدش عارفة حاجة

[michohat]

فعلا لاما مش عارفين لاما بيتوهونا ف الكلام امبارح فالجرنال مسئول بالحرية و العدالة بيقول فيه بطاقات ذكية بس ما فيش كميات محددة و محدش عارفة حاجة

فعلا الكلام ده سمعته النهارده سمعته من واحد في الاخوان