زيت ناقص وماتور ناعم طب ازاى

[mem]

السلام عليكم ورحمه الله وبركاته

امبارح كنت مع صديق لى وكان مغيير زيت الماتور
من يومين 10000
وكان صوت الماتور جميل ورائع وهادى
وبالصدفه قلنا رايحيين مشوار
قلنا نبص على الزيت
ونفاجا ان المقاس مش جايب زيت خالص
ما فيش اى علامه على المقاس للزيت
مع العلم ان صوت الماتور هادى جدا وفى المشى رائع لا يوجد اى مشكله
فاستغربنا روحنا لبتاع الزيت وقلنا له شوف الزيت نزله فى جركن نشوف الزيت ناقص ولا لا
ونفاجا ان العربيه لا يوجد بها سوى كيلو زيت
وهى بتاخذ 3 كيلو
وحطينا زيت تانى وركنها للصبح ونبص تحتها لا يوجد اى تسريب والمقاس مظبوط ميه الميه
فهل نقص الزيت عن المعدل الطبيعى ده بسبب ايه
و ما هى الاضرار التى ممكن تحدث بخلاف ان الماتور ممكن يقفش
وشاكر لحضراتكم مقدما

[Ahmed Nasser]

العربية نوعها ايه

[Ahmed Amin]

نفس الموضوع دا عندي وهيجنني
أنا بحط شيل ألترا ال 10,000
ولما باجي أنزله بلاقيه مرة 3 لتر وأخر مرة كان 2.5
ومش عارف بيروح فين, ومفيش تسريب برضه.!
بصراحة بقت أشك ف الزيت التخليقي, ومش عارف أبدا أحط ف معدني ولا أعمل أيه. مع أن العربية متوصي بأضافة زيت تخليقي فقط فيها.

كنت عندنا لانسر بومة كنت بحط لها زيت شل الأصفر ال 5000 وكان بينزل نفس الكمية مش بيقل, وكان بينزل برضه لونه أصفر غامق وحلو..
الزيت التخليقي الشل الترا 10,000اللي بحطة فالبيجو بينزل أسود مهبب وناقص !!
ونفسي أعرف أيه السبب..

[hany63]

الموتور خفيف و محتاج عمره

[aw2100]

السلام عليكم ورحمه الله وبركاته

امبارح كنت مع صديق لى وكان مغيير زيت الماتور
من يومين 10000
وكان صوت الماتور جميل ورائع وهادى
وبالصدفه قلنا رايحيين مشوار
قلنا نبص على الزيت
ونفاجا ان المقاس مش جايب زيت خالص
ما فيش اى علامه على المقاس للزيت
مع العلم ان صوت الماتور هادى جدا وفى المشى رائع لا يوجد اى مشكله
فاستغربنا روحنا لبتاع الزيت وقلنا له شوف الزيت نزله فى جركن نشوف الزيت ناقص ولا لا
ونفاجا ان العربيه لا يوجد بها سوى كيلو زيت
وهى بتاخذ 3 كيلو
وحطينا زيت تانى وركنها للصبح ونبص تحتها لا يوجد اى تسريب والمقاس مظبوط ميه الميه
فهل نقص الزيت عن المعدل الطبيعى ده بسبب ايه
و ما هى الاضرار التى ممكن تحدث بخلاف ان الماتور ممكن يقفش
وشاكر لحضراتكم مقدما

لو مغير الزيت من يومين بس يبقى اللى غير الزيت حط الزيت ناقص وسرق باقى الجركن والله اعلم !!!؟؟؟؟

[zizo50001]

و ممكن يكون عندك تسريب لما العربية بتدور و فى المشى
امشى بيها كام مشوار وخلى بالك من الزيت لو مفيش نقص بيقى الراجل ضحك عليك

[mem]

العربية نوعها ايه

نيسان صنى

نفس الموضوع دا عندي وهيجنني
أنا بحط شيل ألترا ال 10,000
ولما باجي أنزله بلاقيه مرة 3 لتر وأخر مرة كان 2.5
ومش عارف بيروح فين, ومفيش تسريب برضه.!
بصراحة بقت أشك ف الزيت التخليقي, ومش عارف أبدا أحط ف معدني ولا أعمل أيه. مع أن العربية متوصي بأضافة زيت تخليقي فقط فيها.

كنت عندنا لانسر بومة كنت بحط لها زيت شل الأصفر ال 5000 وكان بينزل نفس الكمية مش بيقل, وكان بينزل برضه لونه أصفر غامق وحلو..
الزيت التخليقي الشل الترا 10,000اللي بحطة فالبيجو بينزل أسود مهبب وناقص !!
ونفسي أعرف أيه السبب..

هو ده ممكن يكون بسبب البخر اللى عند حضرتك
لكن انا حطه بقاله يومين بس

الموتور خفيف و محتاج عمره

العربيه حضرتك عامله 20000 الف كيلو

لو مغير الزيت من يومين بس يبقى اللى غير الزيت حط الزيت ناقص وسرق باقى الجركن والله اعلم !!!؟؟؟؟

انا شفت المقاس بنفسى بعد ما هو خلص وكان تمام

و ممكن يكون عندك تسريب لما العربية بتدور و فى المشى
امشى بيها كام مشوار وخلى بالك من الزيت لو مفيش نقص بيقى الراجل ضحك عليك

ها شوف وانا ماشى كده لكن موضوع الراجل ده صعب لان الزيت متغيير فى التوكيل

[Ahmed Amin]

الموتور خفيف و محتاج عمره

أحنا بنتكلم علي عربيتا جديدة وبتحط زيت تخليقي 10 الاف كيلو
5w40
ممكن تبقي تسأل وتعرف موديل العربيات اللي بنتكلم عليها قبل ما تقول موتور خفيف ومحتاج عمرة !!!

[Ahmed Amin]

هو ده ممكن يكون بسبب البخر اللى عند حضرتك
لكن انا حطه بقاله يومين بس



ها شوف وانا ماشى كده لكن موضوع الراجل ده صعب لان الزيت متغيير فى التوكيل

صح ممكن يكون بخر, لأني كنت بلاحظ أن في تعريق جنب غطاء زيت الماتور,
وقالو لي عادي في التوكيل, بس ممكن أفكر في تغيرة لو أستمريت العربية في تبخير الزيت.

ونصيحة مني غير الزيت ف مركز خدمة يكون فيها الفني بيغير قدامك,
عشان قلة الضمير ممكن تخليهم يعملو حاجات كتير مش كويسة.
أنا أعرف مركز خدمة لأسكودا ف أسكندرية بدون ذكر لأسامي بيبع فلتر بنزين مفهوش حشو من جوا.
فأنا مش بثق في تغير الزيت ووالفلتر ف التوكيل إلا لو أتغير قدامي..

[hany63]

أحنا بنتكلم علي عربيتا جديدة وبتحط زيت تخليقي 10 الاف كيلو
5w40
ممكن تبقي تسأل وتعرف موديل العربيات اللي بنتكلم عليها قبل ما تقول موتور خفيف ومحتاج عمرة !!!

يبقى برضه لما تيجي تعرض مشكلتك من الاول تقول على التفاصيل كامله و اساسا انا موجه كلامي لصاحب الموضوع بما اني معملتش اقتباس
وبعدين اي تشخيص بيبقى عباره عن احتمال يحتمل الصواب و الخطأ
و انا معرفش و الله طبيعة سواقة صاحب المشكله انما اي حد يتقال له ان الزيت تقريبا بيفضى بدون تسريب واضح هيقول نفس الرأي
و على العموم انشاءلله تطلع حاجه بسيطه

[Ahmed Amin]

عندك حق. كان المفروض يوضح موديل العربية بس قبل ماتقول التشخيص،
بس لو مقالش كان لازم تسأله قبل ما تقرر تقوله الكلام دا..
لانه ممكن يلف حوالين نفسة بسبب تشخصيك ويعمل برأيك لو خبرته علي قده او راح لحد برة التوكيل وهتبقي ضريته ساعتها بدل ما تساعده وقبل ما تسأله وتعرف منه العربية جديدة ولا قديمة.

انا مكنتش اعرف هيا جديدة ولا قديمة. بس لما قال زيت الماتور ١٠.٠٠٠ خمنت علي طول انها جديدة.
واكيد زي مانت اي تشخيص يحتمىل الصوتب والخطأ. وان شاء الله تكون حاجة بسيطة برضه.
تقبل تحياتي.

[lanos2004]

هوة يا بيحرق جامد جدا على الماتور وطبيعى انه يحصل نقص زيت بس مش بالطريقه دى
يا كان حاطط زيت غير مناسب للماتور
بس لو العربيه ماشيه كتير ممكن يكون الماتور خف وبيحرق الزيت

[hany63]

عندك حق. كان المفروض يوضح موديل العربية بس قبل ماتقول التشخيص،
بس لو مقالش كان لازم تسأله قبل ما تقرر تقوله الكلام دا..
لانه ممكن يلف حوالين نفسة بسبب تشخصيك ويعمل برأيك لو خبرته علي قده او راح لحد برة التوكيل وهتبقي ضريته ساعتها بدل ما تساعده وقبل ما تسأله وتعرف منه العربية جديدة ولا قديمة.

انا مكنتش اعرف هيا جديدة ولا قديمة. بس لما قال زيت الماتور ١٠.٠٠٠ خمنت علي طول انها جديدة.
واكيد زي مانت اي تشخيص يحتمىل الصوتب والخطأ. وان شاء الله تكون حاجة بسيطة برضه.
تقبل تحياتي.

اهلا بحضرتك
على العموم العربيه شكلها في الضمان فكده كده معتقدش انه هيهوب لحد بره التوكيل حتى لو بره الضمان الصح انه يكشف الاول في التوكيل طلعت انشاءالله بسيطه يعملها هناك طلعت لا قدر الله رخمه يبقى يفكر براحته عشان ما يخدش قرار يندم عليه
اظن كده الرد معقول

[aw2100]

أحنا بنتكلم علي عربيه جديدة وبتحط زيت تخليقي 10 الاف كيلو
5w40
ممكن تبقي تسأل وتعرف موديل العربيات اللي بنتكلم عليها قبل ما تقول موتور خفيف ومحتاج عمرة !!!

معلومة لحضرتك حكاية موتور محتاج عمرة ومفوت دى مش شتيمه وعلى فكرة حكاية ان العربية جديدة مايمنعش ان الموتور الجديد بتاعها ممكن يتحرق او يفوت ويدخن زيت ممكن اى عربية حتى لو مرسيدس موتورها يتكسر او يفوت او يدخن بسبب القرص على الموتور جامد قوى وانك تنقل الغيار فى الرد زون ممكن حضرتك تحرق الموتور لو دوست بنزين وانت واقف وخليت الrbm يعلى اوى وصوت الموتور يزعق لمده 1/2 ساعة بس فمش صعب ان اى موتور يتحرق او يفوت تحياتى !!!!

[Ahmed Amin]

هوة يا بيحرق جامد جدا على الماتور وطبيعى انه يحصل نقص زيت بس مش بالطريقه دى
يا كان حاطط زيت غير مناسب للماتور
بس لو العربيه ماشيه كتير ممكن يكون الماتور خف وبيحرق الزيت

مع احنرامي لكلامك يعني. بس مهواش مقياس وممكن يكون صح في حالات. بس في الغالب مش صح..
انا كان معايا لانسر بومة موديل ٢٠٠٧ جبناها في نص ٢٠٠٧ أول يد.
العربية فضلت معايا لحد ٢٠١٠ وكانت عاملة ٨٣ الف كيلو قبل ما نبيعها، وكانت كل نقلاتي علي الاول والتاني والتالت لو الكريق مفتوح قبل شرطة الريد زون علي طول. وعمري ما كنت بنقل قبل كدا أبداً.
مش فذلكة بس العربية كانت خفيفة جداً. وبتجمع بسرعه جداً. ودا طبع في الانسر للي ساقها وزيتها دايما كان بينزل اصفر داكن. وعمرة ما كان بينقص.
علي النقيض دلوقتي بسوق بيحو ٣٠٧ sw وكل نقلاتي ما بين ٢ ل ٣.٥ RPM كحد أقصي. العربية زي البطة وعائلية مش مشجعة للجري.
والزيت بينزل اسود مهبب، وناقص كيلو عال أقل. مع العلم انها لسه في رينج ال ٦٠ الف.

فالحرق مالوش علاقة في الوضع العام. والراجل كان حاطط زيت ١٠ الاف تخليقي ودا مناسب لكل العربيات الجديدة.
والمشكلة من وحهة نظري يا تبخير للزيت يا كان فيه تسريب.
تحياتي.