الوجة الحقيقي للسيارات الصينية

[snakeson2]

بسم الله الر حمن الرحيم
اصدقاء المنتدي , انا شايف تقييمات ومقارنات وكلام جامد عن السيارات الصينية , ولكن في الحقيقة انا شايف ان العربيات الصيني دي عاملة زي عربيات الكهرباء الي في الملاهي , وطبعا مع وجود فرق الامن والسلامة في عربيات الملاهي , بعد خبرة طويلة في مجال السيارت الصيني ممكن اقيم العربية دي بخمسين صفر عالشمال , وكل وكيل مستمر في استيراد عربياتهم فهو بجد مش بيفكر الا في حاجة واحدة بس وهي المكسب بغض النظر عن اي شئ تاني ,
في مثل انجليزي بيقول we must know where we are putting our money
وفي مثل عندنا بيقول غالبا ماتكون المظاهر خداعة
وفي كلمة سمعتها من واحد صيني بيقول : احنا عربيانتا تشوفها من 100 متر تقول دي بمليون جنية ومن عشرة متر تقول دي بنص مليون ولما تقربلها تقول دي بعشرة الاف ولما تدخل جواها تقول دي بجنية .
والكلام دة منقول حرفيا من علي لسان واحد صيني .
المهم اية الموجة الشديدة في العربيات الصيني الي اصلا معايير السلامة فيها اردأ من التوكتوك ؟
انا رحت الصين كتير وممكن اقول ان العربيات الصيني في مصر اكتر من الي في الصين .
الي مش مصدق يشوف حتي الاولمبيات الي شغالة ويشوف قناواتهم ويشوف اي شارع كدة في كام عربية صيني ؟؟
والمشكلة العربيات دي اصلا تمنها كام وتكلفتها كام ..
الصين بتفكر انة تعمل عربية رخيصة عشان تاخد خمسة جنية من جيبك والوكيل عايز كل الي معاك .
المشكلة مش هناك المشكلة هنا ..
ياجماعة والله اختبارات الPDI بتتعمل هنا في مصر ..
انا شوف عيوب في العربيات مستحيلة الحدوث ..
ياجماعة ياريت نوقف وقفة صح ونبدأ نفكر في حل .

[sab3aawy]

كلامك قد يكون على شئ من الصحة بالنسبة لبعض الماركات ، لكن ليس لماركات بدأت تحقق شهرة عالمية وتبيع فى اماكن يستحيل دخولها الا لمن كان يملك حد ادنى تقبله تلك الدول من الجودة والامان مثل امريكا ودول الخليج

فهناك العديد من منتجات بعض الشركات الصينية والتى تباع فى الكثير من دول العالم باسم الموديل الصينى تباع فى امريكا بأسماء موديلات تخص جنرال موتورز وكرايسلار ، كما ان بعض الشركات الصينية بدأت فى بيع سياراتها بمجلس التعاون الخليجى

بالمناسبة انا لا امتلك سيارة صينة ولا عمرى امتلكت واحدة ولا اخطط لشراء واحدة فى الوقت الحالى كما اننى لا اعمل مع اى وكيل لسيارات صينية، لكن كل ما فى الأمر اننى ارى ان التعميم على رداءة السيارات الصينية امر يستحق المراجعة

[فادى]

دائما كنت أقول,
اذا كانت اليابان فى طور صناعة سيارات تفتقد للتميز لكن بسعر مغرى,
و كوريا فى طور صناعة سيارات بالكاد تستطيع السير,
فان الصين فى طور أخر تماما و هو صناعة سيارات مغشوشة!
يتجاوز الصينيين كل المواصفات القياسية لصناعة السيارة و يصنعونها كما يصنعون أجهزة الاستماع الرديئة, و لكن السيارة شىء أخر لأن تعطل جهاز الاستماع لن يكلفك سوى بعض الضجر, أما تعطل السيارة فقد يكلفك حياتك فى بعض الأحيان,
و لا توجد سيارة صينية نجحت فى دخول الأسواق الاوروبية فهى غير مطابقة للمواصفات.
و على فكرة لا يوجد سيارة صينية بمحرك يابانى أو ألمانى أو أى شىء أخر فلا يوجد شركة تعطى التكنولوجيا الخاصة بها كده لوجه الله,
ميتسوبيشى و بروتون بينهم علاقة واضحة فى الشمس,
فيات و توفاش(الشركة المصنعة للشاهين) بينهم علاقة عضوية(فيات تمتلك 20% من توفاش كما أن بعض سيارات فيات تصنع هناك),
رينو و داتشيا بينهم علاقة شبه توحدية(تمتلك رينو داتشيا بالكامل),
اذن تناقل التكنولوجيا يتم لكن تحت سيطرة الشركة المانحة تماما, فالشاهين لم تخرج يوما عن سيطرة فيات, و الداتشيا لوجان هى مشروع من رينو تصنعه داتشيا,
فما هى علاقة الماركات الصينية المجهولة بشركات مثل بى ام دبليو و ميتسوبيشى و غير ذلك؟!
كل العلاقة التى عرفتها أن شركة بريانس هى نفسها التى تجمع سيارات بى ام دبليو فى الصين, و لكن هناك فرقا بين التجميع و صناعة سيارة بالكامل, فقام الوكيل فى مصر بالاستهبال و الاستعباط و أخبرنا أن بريانس ما هى الا نسخة صينية من بى ام دبليو!! و هذا غير صحيح فكون الشركة المالكة للاسم تقوم بتجميع سيارات بى ام دبليو لا يعنى أنها يمكنها صناعة سيارة مثل البى ام دبليو و لا يخولها لاستخدام القطع التى تأتيها لصناعة سيارتها الخاصة.