سلام كبير لتجار سوق السيارات

[emad_2020]

انا النهاردة كنت فى سوق السيارت قلت اشوف الدنيا هناك عامله ليه فيه عربيات كويسه ولا
المهم فى اول السوق قبل ما توصل تشوف ان التجار كل لى رايح ولى جاى تبيع تبيع يقف معاه وطبعا ينزل العربية الارض ولو خلص معاه امين توكيل على طول والعربية وصحبها بيعمل توكيل يكون نزلت على جوه السوق وفى ناس تبعهم بتبيع فيها طبعا بسعر عالى لفيت السوق علشان اشوف حاجة كويسة ويكون صحبها راجل عادى عايز يبيع قليل جدا يعنى من الاخر تحس ان التجار هما لى فى السوق علشان كدا جبت من الاخر وعلى البيت ولا سوق ولا تجار

[ahmedhilmy]

كلامك سليم فعلا علشان كده مش بحب انزل السوق لا فبيع و لا شرا النت ارحم ربنا يوفقك للي فيه الخير

[S O P H O S]

فعلا السوق بقي كده

[mohammed dodda]

شوية العواطلجية اللى مسميين نفسهم دلوقتى تجار المستعمل هم افراز طبيعى للبطالة وركود البلد يعنى مهنة من لامهنة له..كرهوا الناس فى بيع وشراء العربيات وطبعا الزيرو ياقلبى لاتحزن....عملوا للعربيات الزبالة قيمة وسعر باختراعات زى: رشة حزام- كاسيت وفرش الفابريكة ههههههه- الاستبن منزلش-...الخ....ربنا يخدهم ويريحنا منهم

[emad_2020]

كمان فى حاجة لحظتها ان التاجر عايز عربية فيها رخصة سارية علشان لو غير كدا هيكون فى مرور وشهادة بيانات هو عايز يخلص فى اقرب وقت يشترى ويبيع على طول فى يومها
فى واحد تاجر اشترى عربية كانت عامله 47 وبعد كدا وانا بلف شفتها سئلت كام قال 55 يا ابن الحرامى

[sab3aawy]

بيع وشراء الاعلانات افضل ١٠٠ مرة وبشرط قبل ما تروح تشوف العربية تطمن بالتليفون ان مافيهاش توكيلات وقبل ما تبص عليها تشوف رخصتها واثبات شخصية لمالكها

[sword00]

والاسعار على النت عاليه برضه
تحس ان الناس بتنزل السوق تسمع اول كلمه من التاجر فى عربيه زى بتاعته ويطلب نفس الثمن فى عربيته

[emad_2020]

بيع وشراء الاعلانات افضل ١٠٠ مرة وبشرط قبل ما تروح تشوف العربية تطمن بالتليفون ان مافيهاش توكيلات وقبل ما تبص عليها تشوف رخصتها واثبات شخصية لمالكها

كلام مظبوط
استاذ سبعاوى شكرا على مرور حضرتك وحشتنا كتير

[emad_2020]

والاسعار على النت عاليه برضه
تحس ان الناس بتنزل السوق تسمع اول كلمه من التاجر فى عربيه زى بتاعته ويطلب نفس الثمن فى عربيته

طبيعى يقول سعر عالى علشان هو عارف انك هتفاصل معاه علشان كدا بيعلى السعر كمان فى مشكلة انو يكون حاطط موصفات حلوه كتير وبعد ما تخبط مشوار له متلقيش اى حاجة من لى اتشرح

[hossamalsadik]

هوا ده حال السوق من زمااان
بس بردو ممكن تلاقى عربيه مع صحبها هناك بس قليل عارف
طبعا النت أريح وهوا التطور الطبيعى لسوق السيارات

[el diesel]

تجار وسوق don’t mix

[monamize4]

كتير من اللى ع النت بيبقوا اساسا تجار من اللى بنقابلهوم ف السوق
و كتير من اللى ع النت بيبقوا كدابين و اسعارهم خيالية
,
,
فعلا زى ما قال الاخ المحترم ان تجارة السيارات بقت مهنة من لا مهنة له

[michohat]

نزلت السوق من اسبوع سمعت اسعار غريبة
وايه مواقع اللي ع النت
كونتاكت كارز سمعت ان التجار مغرقينه

[rahmanboud]

دول مش تجار دول شوية مرتزقه لا عندهم دين ولا أخلاق إذا كنت عايز تبيع عربيتك يخسف بيها الارض وبعد شويه يبيعها بنفس حالتها يقول فيها شعر - ربنا يهديهم وعلشان الواحد ميكونش ظالم صوابعك مش زى بعضها في منهم بس قليل جدا ناس تعرف ربنا وبتحب تاكل بالحلال وبيكون أمين فى البيع والشراء .

[amr011111]

روحت مع اخى السوق
تلاقى التاجر لو معرفتوش من هيئته تعرفه من طريقه كلامه
موديل كا.... (من غير نطق الميم)
على كا.... ( من غير نطق الميم برضه )