عايزة اخترع جهاز تتبع لقطع غيار السيارات ....

[friendship7897]

الحرامية دول مخلوش حاجة إلا وسرقوها
أنا مرايتي اليمين أتسرقت
بس مش عارفة دي بتتباع ولا بتتعمل
ولو بتتباع يا ترى الأصلي منها منين وبكام ؟
أنا عربيتي شيفوليه لانوس 2010
أفيدوني سريعاً لأني حاسة أني مش عارفة أسوق
بجد الله يكون في عون اللي عربيته أتسرقت
دا أنا متنكدة جداً علشان حتة مرايا ، ربنا يصبرهم
ويكفيكم ويكفينا شر السرقة
اللهم آمين

[Elawany13]

أنا سمعت ان فيه مرايات كبيرة بتتقص وتتلزق

[MohammedAladel]

منا برضه قلت إيه العنوان الفاكس دا .... بص الحل أنك فعلا فى العربية تحطيلك جهاز تتبع ويبقى فيه جى بى أس مركزى واحد فى العربية وواحد فى البيت فوق البيت وتعملى شبكة وايرليس على نطاق الجمهورية مثلا أو تتعاقدى مع أم نبيل ... وتحملى التردد بتاع شبتكتك عندها .... ويبقى معاكى فى العربية جهاز لا سلكى وفى البيت لا سلكى وفى الشغل لا سلكى

يعنى من الآخر كله لا سلكى

[د.محمدعبدالعال]

بتتعمل وتتقص على قد زجاج المراية عند بتوع المرايات وتتلزق بسيليكون

[ysamerlabib]

في واحد في شارع دمشق بيقص المرايات ويظبط الفوكس بتاعتها زي الاصلي بالظبط

[m_elkhishin]

الموضوع ابسط مما تتخيلي.طالما عربيتك لانوس

روحي اي محل قطع غيار بيبيع قطع لانوس، وقوليله عاوزة كف مراية يمين اصلي gm
انا معرفش سعره كام حاليا ، بس ايام ما كنت في مصر في 2009 كان تقريبا ب 25 جنيه

ملحوظة: انا مش متاكد في اختلاف بين الدايو لانوس وشيفروليه لانوس ولا لا

[ابو لؤى]

جايز يكون حد خبطها ف الداخليه دى اتكسرت وراح لاممها من الارض ورميها

[friendship7897]

أنا سمعت ان فيه مرايات كبيرة بتتقص وتتلزق

بتتعمل وتتقص على قد زجاج المراية عند بتوع المرايات وتتلزق بسيليكون

في واحد في شارع دمشق بيقص المرايات ويظبط الفوكس بتاعتها زي الاصلي بالظبط

هي دي الفكرة اللي كانت حضراني بس مكنتش متأكدة من وجودها أساساً
بس يا ترى عمليه ومريحة للعين ؟!
الله أعلم

[friendship7897]

منا برضه قلت إيه العنوان الفاكس دا .... بص الحل أنك فعلا فى العربية تحطيلك جهاز تتبع ويبقى فيه جى بى أس مركزى واحد فى العربية وواحد فى البيت فوق البيت وتعملى شبكة وايرليس على نطاق الجمهورية مثلا أو تتعاقدى مع أم نبيل ... وتحملى التردد بتاع شبتكتك عندها .... ويبقى معاكى فى العربية جهاز لا سلكى وفى البيت لا سلكى وفى الشغل لا سلكى

يعنى من الآخر كله لا سلكى

ما هو العنوان مش فاكس ولا حاجة أهو
ما أنت عملت أختراعات كلها ( لا ) سلكي
يعنى ممكن الموضوع دا يكون موضوع للأبتكار - ههههه
بس أجمل حل التعاقد مع أم نبيل - رغم أني معرفش أم نبيل
بس ممكن حل تاني ( مش أتعاقد ) أقعد بعد الساعة الواحدة ليلاً مع أم كريمة ( البوابة بتعاتنا )

[Akram]

بتتباع لوحدها عند بتوع قطع الغيار بـ 20ج و تركيبها كبس

[أبو يوسف]

انا برده لسة سارقين الاريال بتاع الراديو من يومين , وبسأل عليه لاقيته بـ 70 جنيه ( ليه مش عارف ) - ماتريكس

[friendship7897]

الموضوع ابسط مما تتخيلي.طالما عربيتك لانوس

روحي اي محل قطع غيار بيبيع قطع لانوس، وقوليله عاوزة كف مراية يمين اصلي gm
انا معرفش سعره كام حاليا ، بس ايام ما كنت في مصر في 2009 كان تقريبا ب 25 جنيه

ملحوظة: انا مش متاكد في اختلاف بين الدايو لانوس وشيفروليه لانوس ولا لا

ربنا يطمنك
لو كدة فعلاً الموضوع بسيط
وأنا ميالة أكتر للعرض دا بأنها تكون قطعة غيار مش مراية عادية
ملحوظة : أعتقد إن اللانوس في الدايو زيها زي اللانوس في الشيفروليه
وربنا يوفقك في غربتك ويهيئ لك الخير دايماً

[friendship7897]

جايز يكون حد خبطها ف الداخليه دى اتكسرت وراح لاممها من الارض ورميها

ما شاء الله - أنت عندك حسن النية
بس لو كان كدة بجد ياريتوا ما لممها ولا رمها
علشان أنا مضايقة أني أتسرقت
لكن لو إستهلاك بني أدم معدي بين العربيتن غبي يبقى So What

[mado83]

ربنا يعوض عليكى وماتضيقيش
انا امبارح نزلت من الشغل لقيت حد راسملى خريطه العالم على الكبوت بمفتاح وكله خرابيش وغويطه
مع العلم انى شغال فى المطار يعنى مافيش عيال صغيره بتلعب ولكن العيال الكبيره الله لا يسامحهم بقه

[friendship7897]

بتتباع لوحدها عند بتوع قطع الغيار بـ 20ج و تركيبها كبس

أ / Akram أستاذ ورئيس قسم في قسم الدايو والشيفروليه
كدة أنا أطمنت إنها موجودة عند بتوع قطع الغيار
وياريت تكون بالسعر دا
لأن فيه ناس قالت لي أنها ممكن توصل لـ 100ج
وأحنا في نصف الشهر اللي هو زي آخر الشهر وزي أول الشهر