بنهــــا مشلــــولة ..

[Egyzizo]

مدينة بنها بطرقها الرئيسية والجانبية وحواريها ، مشلولة الآن شلل تام
الناس مبطلين العربيات فى وسط الشارع وفارشين جنبها ..
وجوه غريبة وناس شكلهم مش مطمئن فى شوارع بنها
البنات اللى نازلين شغلهم رجعوا بيوتهم بسبب مضايقات الغرباء
ماحدش عارف يروح ولا ييجى.

اللى له مشوار فى بنها النهارده يقعد فى بيته أحسن.

السبب هو قطع الطريق الزراعى على الاتجاهين عند مفارق المنصورة بالكاوتشات المحترقة بفعل المئات من أهالى قرية مسجد الخضر لأن أحد السائقين من تلك القرية تم خطفه بسيارته ، ووجدوا السيارة ولم يجدوا السائق فاعتقدوا بمقتله ..
فتم تحويل مرور الزراعى كله إلى داخل بنها.

[horas3000]

ربنا يستر

[S O P H O S]

ربنا يعديها علي خير

[lamada]

عمار يا مصر

[yousefsemsem]

مقفوله من الساعه 9 صباحا

[Imhotep]

و يا ترى ايه موقف الشرطة من المشهد ده و لا مركبين الوش العبيط كالمعتاد. . . يا ريت عشان يتنحرروا شوية حد يبلغهم ان فى حد من مكتب الارشاد مزنوق فى الزحمة دى

[Egyzizo]

مافيش شرطة خالص داخل المدينة ..
حتى شرطة المرور اختفت
الإشارة الرئيسية اللى عند كوبرى بنها والتى انت لا تخلو من جنود المرور ليل نهار ، اختفوا منها تماماً وكله ماشى معاكس وعربيات كتير بتخبط فى بعضيها ..

الحالة باختصار "مكرونة اسباجيتى" على رأى واحد صاحبنا

[mohammedabdallh]

يارب سترك ورضاك

[Dr.Mostafa Anwar]

لسه داخل بيتنا حالا ... من 11 صباحا إلى 6 مساءا

والحمد لله رجعت من الطريق ولم أكمل بس بعد ما وصلت بنها وقعدت جواها 4 ساعات كاملين محاول أشوف طريق أعدي منه وأكمل طريقي ما حصلش ... و ساعتين كاملين بأحاول أخرج منها وأرجع للطريق الزراعي في إتجاه القاهرة لحد ما ربنا كرم

وساعة في الطريق للقاهرة بعد الوقوف حتى طوخ في زحام خانق بسبب دخول العربيات من الطريق المتوقف في الإتجاه بتاعنا

حاجة قمة الكوميديا السوداء

[kazamodia]

الطريق الزراعي ده كل اسبوع لازم يتقطع مرة .. والله شعب جاهل فعلا

والشرطة حدث ولا حرج .. ايام العكسر كانت بصراحة بتتفتح بعديها ب نص ساعة دلوقتي بيعدوا بالايام

مع ان قطع الطري ده من الكباءر يعني زي شرب الخمر والزنا بس الناس بتاخد بالمظاهر بس .. اهم حاجة جلابية قصيرة ودقن طويلة !!

ضاعت مصر وضاع اسلامنا !

[Ahmed Amin]

انا عال طريق دلوقتي. لسه معدي قليوب. لما اوصل ناحية بنها هبقي اكتب الجديد.

[Imhotep]

و يا ترى ايه موقف الشرطة من المشهد ده و لا مركبين الوش العبيط كالمعتاد. . . يا ريت عشان يتنحرروا شوية حد يبلغهم ان فى حد من مكتب الارشاد مزنوق فى الزحمة دى

مافيش شرطة خالص داخل المدينة ..
حتى شرطة المرور اختفت
الإشارة الرئيسية اللى عند كوبرى بنها والتى انت لا تخلو من جنود المرور ليل نهار ، اختفوا منها تماماً وكله ماشى معاكس وعربيات كتير بتخبط فى بعضيها ..

الحالة باختصار "مكرونة اسباجيتى" على رأى واحد صاحبنا

انا كنت متوقع كده برضه عشان كده كتبت التعليق بتاعى ده من قبل ما حد يقولنا هم موجودين و لا لأ . . . رببنا ينتقم منهم و من اللى مشغلهم على اللى بيسيبوه يتعمل فى الناس بدون ذرة ضمير فى الشغل. . . انا مش فاهم ازاى مدينة كاملة تتساب كده و الناس منها لنفسها و كل اللى على مزاجه حاجة يعملها حسبنا الله و نعم الوكيل فيهم و فى اللى مشغلهم

[hilal]

الطريق الزراعي ده كل اسبوع لازم يتقطع مرة .. والله شعب جاهل فعلا

والشرطة حدث ولا حرج .. ايام العكسر كانت بصراحة بتتفتح بعديها ب نص ساعة دلوقتي بيعدوا بالايام

مع ان قطع الطري ده من الكباءر يعني زي شرب الخمر والزنا بس الناس بتاخد بالمظاهر بس .. اهم حاجة جلابية قصيرة ودقن طويلة !!

ضاعت مصر وضاع اسلامنا !

تصحيح أخي الكريم ، ما ذكرته ليس من الكبائر
نص حديث الصحيحين:
اجتنبوا السبع الموبقات، قالوا: وما هن يا رسول الله؟ قال: الشرك بالله، والسحر، وقتل النفس التي حرم الله إلا بالحق، وأكل الربا، وأكل مال اليتيم، والتولي يوم الزحف، وقذف المحصنات الغافلات المؤمنات.

[Ahmed Amin]

انا خرجت من القاهرة الساعه ٦ ونص والطريق كان معقول ومفيش زحمة ف طلعة القليوب علي عكس المعتاد. واضح ان اللي عرف قعد في القاهرة او سلك في القطر.
دلوقتي ٧:٣٠ وفاضل ١١ كيلو علي بنها والطريق واقف كلياً. العربيات بتزحف.
استغفر الله العظيم يارب.

[Egyzizo]

طبعاً أنا أخذتها من قصيرها ومارحتش شغلى فى بنها بعد الأنباء دى ..
بس ليا 2 زميلات ، معايا فى الشغل ، واحدة المفروض تسلم الشفت وتروح والتانية المفروض تستلم منها.
اللى المفروض تستلم نزلت من بيتهم ماعرفتش تركب حاجة طبعاً ، مشيت شوية ، تعرضت لمضايقات من أشكال غريبة (بلطجية ومبرشمين) على حد وصفها، رجعت جرى وطلعت بيتهم تانى.
واللى مفروض تروح محبوسة فى الشغل لغاية دلوقتى خايفة تنزل

فيه أخبار عن تثبيت عربيات وحوادث سطو فى وضح النهار وان هناك الكثير من الأشكال الواطية تجول فى الشوارع.