منين ازود مياه في ردياتير الياريس

[romioromio]

ارجو المساعده
كيف اشيك علي مستوي مياه الردياتير في الياريس
لان كان عندي سياره من قبل وكان هناك قربه للمياه بعيد عن الردياتير
وكنت اعرف منها مستوي الماء منها

ومنين ازود ماء ان نقص
واعرف منين هو ناقص او زايد
شكرا

[aldesha989]

ما اعتقدتش ان الياريس من غير قربه مايه هتلاقيها برضه فيها قربه مايه لان الردرياتير مقفول ملهوش غطاء

هتلاقى قربه المايه متخطط عليها امتى تكون المايه full او ناقصه لو ناقصه هتلاقيها بعيد عن الشرطه بتاعت full

تانى حاجه القربه قريبه من الشفافيه والمفروض المايه اللى تزودها تكون الوان خضرا او حمرا او زرقاء علشان تبان معاك حتى لو بليل علشان تقدر تحدد مستوى القربه

[Ahmod]

الياريس الماية بتاعتها لونها احمر

هتفتح الكبوت هتلاقي قربة الماية في النص بالظبط تقريبا

وفيه زي علامة كدة بتوضح ال Low / Full والمفروض انها تكون واصلة للشرطة بتاعة ال Full وماتزدش عن كدة

لو قليلة حضرتك هتشتري ماية حمرا وتزودها

[Ahmod]

ودي صورة توضح لحضرتك اكتر

السهم بيوضح لحضرتك مكان قربة الماية والحد اللى المفروض تكون الماية وصلة لحد عنده

[S O P H O S]

زي ما وضح الدكتور احمد
وياريت متزودش الميه للاخر وحاول تتباع الميه علشان لو بتنقص بأستمرار
ممكن يكون في سبب لكده

[romioromio]

الف شكر لكم جميعا يا اجمل منتدي
وشكرا للدكتور احمد
علي فكره انا برده دكتور واسمي احمد


اخر سؤال بقي
1_انا لسه مشتري العربيه امبارح لسه مستلمها يعني
وانا ابيض شويه

انا سمعت ان العربيه لما تزودها ميه خضرا او حمرا علي القديمه ممكن تخرم الردياتير
لان المياه الخضرا لو شال طبقة الصدا اللي جواه او حاجه زي كده حيتخرم اخرام كتير

يعني من الاخر احط مياه من الحنفيه او اغير المياه وخلاص

وازاي اغيرها

2_عربيتي 2008
التكييف بتاعها تلاجه
لكن ضغط الهواء ضعيف شويه عن الطبيعي
يعني تلج لكن الضغط ضعيف شويه

فكرته من الفلتر خلعت درج التابلوه ولقيت تحته مفيش فلتر اصلا
وانا قريت ان الياريس بتيجي من غير فلتر وانت ممكن تركبلها
بس الكهربائي قلي ممكن لو ركبت فلتر يضعف الهواء شويه

وقاللي ضغط الهوا ممكن يكون التلاجه عليها تراب او حاجه زي كده
ولازم تفك الطبلون وتتغير
بس ضربلي رقم جامد
وانا بقي لسه شاري وصارف عيها
ومش طالبه
ايه رايكم

[aldesha989]

الف شكر لكم جميعا يا اجمل منتدي
وشكرا للدكتور احمد
علي فكره انا برده دكتور واسمي احمد
اهلآ وسهلآ بحضرتك

اخر سؤال بقي
1_انا لسه مشتري العربيه امبارح لسه مستلمها يعني
وانا ابيض شويه

الف مبروك :) ربنا يديلك خيرها ويكفيك شرها احنا كلنا كده فى الاول

انا سمعت ان العربيه لما تزودها ميه خضرا او حمرا علي القديمه ممكن تخرم الردياتير
لان المياه الخضرا لو شال طبقة الصدا اللي جواه او حاجه زي كده حيتخرم اخرام كتير

يعني من الاخر احط مياه من الحنفيه او اغير المياه وخلاص

انا اول مره اسمع المعلومه دى لكن لو حطيت ماية حنفيه هتبوظ مفعول المايه التانيه
ولو غيرتها هتبقى حرية شخصيه انك تغسل دورة التبريد وتحط مايه جديده خالص دى حاجه حلوه مش حاجه وحشه لكن بعد كده هتزود بس مش كل شويه هتروح تغسل دورة التبريد وتحط مايه جديده طبعآ

وازاي اغيرها

2_عربيتي 2008
التكييف بتاعها تلاجه
لكن ضغط الهواء ضعيف شويه عن الطبيعي
يعني تلج لكن الضغط ضعيف شويه

ده عادى ومش مشكلة مدام بيسقع معاك كويس مش مهم الهواء على وشك لان الهواء على الوش بيضايقك كفايه انها تسقع وتبرد جو العربيه وخصوصآ فى الزحمه

فكرته من الفلتر خلعت درج التابلوه ولقيت تحته مفيش فلتر اصلا
وانا قريت ان الياريس بتيجي من غير فلتر وانت ممكن تركبلها
بس الكهربائي قلي ممكن لو ركبت فلتر يضعف الهواء شويه

وقاللي ضغط الهوا ممكن يكون التلاجه عليها تراب او حاجه زي كده
ولازم تفك الطبلون وتتغير
بس ضربلي رقم جامد
وانا بقي لسه شاري وصارف عيها
ومش طالبه
ايه رايكم

مدام هى نازله من غير فلتر فملهوش لزوم تكتم الهواء اكتر لان مدام الهواء ضعيف فالفلتر مش هيعمل حاجه زياده

والف مبروك عليك تدوبها فى عرق العافيه

[romioromio]

الف شكرا
جزاك الله خير