اشتريت تيوتا 2008 وعندي شوية استفسارات معلش

[romioromio]

السلام عليكم يا اجمل منتدي في الدنيا

انا لسه مستلم امبارح ياريس 2008 عامله 190الف كيلو

1_انا لسه مشتري العربيه امبارح لسه مستلمها يعني
وانا ابيض شويه

انا سمعت ان العربيه لما تزودها ميه خضرا او حمرا علي القديمه ممكن تخرم الردياتير
لان المياه الخضرا لو شال طبقة الصدا اللي جواه او حاجه زي كده حيتخرم اخرام كتير

يعني من الاخر احط مياه من الحنفيه او اغير المياه وخلاص

وازاي اغيرها

2_عربيتي 2008
التكييف بتاعها تلاجه
لكن ضغط الهواء ضعيف شويه عن الطبيعي
يعني تلج لكن الضغط ضعيف شويه

فكرته من الفلتر خلعت درج التابلوه ولقيت تحته مفيش فلتر اصلا
وانا قريت ان الياريس بتيجي من غير فلتر وانت ممكن تركبلها
بس الكهربائي قلي ممكن لو ركبت فلتر يضعف الهواء شويه

وقاللي ضغط الهوا ممكن يكون التلاجه عليها تراب او حاجه زي كده
ولازم تفك الطبلون وتتغير
بس ضربلي رقم جامد
وانا بقي لسه شاري وصارف عيها
ومش طالبه


3_انا كنت متعود اسوق اوتوماتيك
هي مانوال والدبرياج بتاعها لازم تدوس لحد الاخر عشان تدور الكونتاكت
هو ده كده طبيعي

4_اخر حاجه بقي اعمل ايه واغير ايه في العربيه وكده
يعني الزيوت احط كم لتر او كم صفيحه وافضل نوع زيت ايه وكل كم كيلو

5_ اهم سؤال بقي
انا بمشي بالعربيه قليل جدا لاني شغال طول اليوم
والعربيه ممكن افضل راكنها يومين ولا حاجه
هل كده ممكن تبوظ لان سمعت ان الركنه بتبوظها
وازاي احافظ علي الموتور من الركنه
وشكرا


واي نصيحه من فضلكم عشا احافظ عليها

[romioromio]

كمام كم سؤال

انا قربة الردياتير مكانها في الاول زي الصوره دي
بس مش عارف احدد منين الفل
لانها غويطه اوي ومش شايف


تاني حاجه مستوي الزيت زي الصوره ده
هو كده تمام ولا ايه و ازاي احددها



ء


والف الف شكر

[dr_abooody]

الف الف مبروك ربنا يباركلك فيها

الزيت كويس جدااا مظبوط

موضوع الدبرياج دة اعتقد موجود منة في عربيات اوروبية كتير و دة عادي

اما بخصوص التكييفانا سامع ان اليارس التكييف بتاعها كهربا يعني مش بيحمل على موتور العربية بس بردة عايزين حد يفيدنا اكتر

اما بخصوص مياة الرديا تير بيكون في قربة بلستيك كدة بتوصل المياة للردياتير من غير ما تفتحية دة ممكن تزوديها عادي بس تكون العربية باردة و لو سخنة يبقى تزوديها و هي دايرة انا على طول في الالنترا بزود مياة خضراء بلاش المياه العادية عشان الصدأ . لو لو هتحطي مياه عادية يبقى لازم تكون مقطرة

و القربة الغويطة دة مرسوم عليها رمز المساحات تبقى مياة المساحات لكن قربة الردياتير مش شايفها بصراحة عشان ما اتعملتش مع اليارس قبل كدة

و اي استفسارات تحت امرك

[Abo.Omar]

الف الف مبروك ربنا يباركلك فيها

الزيت كويس جدااا مظبوط

موضوع الدبرياج دة اعتقد موجود منة في عربيات اوروبية كتير و دة عادي

اما بخصوص التكييفانا سامع ان اليارس التكييف بتاعها كهربا يعني مش بيحمل على موتور العربية بس بردة عايزين حد يفيدنا اكتر

اما بخصوص مياة الرديا تير بيكون في قربة بلستيك كدة بتوصل المياة للردياتير من غير ما تفتحية دة ممكن تزوديها عادي بس تكون العربية باردة و لو سخنة يبقى تزوديها و هي دايرة انا على طول في الالنترا بزود مياة خضراء بلاش المياه العادية عشان الصدأ . لو لو هتحطي مياه عادية يبقى لازم تكون مقطرة

و القربة الغويطة دة مرسوم عليها رمز المساحات تبقى مياة المساحات لكن قربة الردياتير مش شايفها بصراحة عشان ما اتعملتش مع اليارس قبل كدة

و اي استفسارات تحت امرك

على فكره صاحب الموضوع ولد

[akmm]

على فكره صاحب الموضوع ولد

الف مبروك .... لصاحب العربيه

[Abo.Omar]

لما حضرتك بتبارك ل .... صاحب لعربيه عامل اقتباس منى انا ليه ؟؟؟

[romioromio]

شكرا جزاكم الله خير

طب بالنسبه للتكييف ضغطه واطي شويه
وبالنسبه للركنه الطويله للعربيه هل هناك ارشادات معينه

[mhf_77]

قربة الميه بتاعة الريداتير بص عليها من زاويه عكسيه ( متبقاش واقف فى مواجهة مع صدر العربيه - لأ اقف فى عكس الاتجاه ده بس ورا عند الرفرف بحيث تكون كاشف الاربه من ورا) هتلاقى خطين عليها من بره الخط الاول اللى تحت المفروض الميه متنزلش عنه والخط اللى فوق المفروض وانت بتزود الميه متعلاش عنه وغالبا هتلاقى على الخط اللى فوق حرف f
اما بالنسبة للركنه فلو البطاريه جديده ممكن تكتفى انك تدورها فى مكانها مره كل اسبوع لمدة ربع ساعه وتمشى بيها كل اسبوعين 1000/500 متر مثلا عشان الكاوتش ولو البطاريه مش هتستحمل تدورها اكتر من كده حسب ما شحنها هيفضل معاك

[Ahmod]

الف مبروك يا دكتور العربية ربنا يباركلك فيها ويكفيك شرها وان شاء الله تتبسط منها

هي عربية جميلة ومريحة واستهلاك بنزين معقول كمان العربية حمالة اسية ماشاء الله مش هتقول معاك لاء في حاجة ربنا يحفظهالك ان شاء الله

بالنسبة لرقم 1 : موضوع الماية طبعا ماينفعش انك تحط ماية من الحنفية

انت لازم تشتري ماية حمرا بتتباع عند البنزينات عادي !! الكلام ده هنا في مصر مش عارف بقى في السعودية بتتباع فين

بس هتلاقي نوعين واحدة خضرا والتانية حمرا انت هتشتري الحمرا

والعلامة انت بص للعربية كدة من الجمب وفي ايدك كشاف هتلاقي كلمة Full مكتوبة على القربة حاول تبص بس عليها في النور وانت تشوفها وده الحد اللى المفروض الماية تكون واصلاله

انا بالنسبالي من ساعت ماشتريت العربية كل اللى بعمله اني بزود على الماية اللى موجودة لما تنقص وهي مانقصتش الا مرة واحدة ومن ساعتها المستوى تمام

بس بالنسبة لان حضرتك جايبها مستعملة كمان ماشية كم عالي !!!! فيستحسن انك تغيير الماية بالكامل وتنظف دورة التبريد ودي بتروح لاي حد بتاع راديتر تقوله ينظفلك دورة التبريد وتبقى شاري معاك جركن الماية الحمرا بحيث لما ينضف ويشيل الماية الموجودة هيحط الجديدة علطول

لكن مش هيجرى حاجة لو زودت على القديمة يعني انت افتح القربة كدة وبص على الماية لقتها نضيفة زود فوقها لحد العلامة وهيبقى تمام ! حسيت ان فيها شوائب يبقى غيرها

--------

حضرتك تقصد ان التكييف ضغطه ضعيف يعني المروحة ضعيفة ؟؟ انت عند حضرتك اربع مستويات للمروحة

هل لما بتجبها على 4 بيبقى برضوا الهوا ضعيف ؟

----

موضوع الدبرياج مش عارف لان عربيتي اتوماتيك بس اعتقد ده الطبيعي بتاعها

بالنسبة للزيوت فممكن تحط موبيل 1 او شيل الترا اي زيت لزوجته تكون مابين 5-40 هيشتغل مافيش مشكلة

وده موضوع فيه الصيانات اللى هتبقى محتاجها للعربية

http://www.nilemotors.net/Nile/302757-a.html

http://www.nilemotors.net/Nile/314834-a.html

والركنة ماتقلقش مش هتأثر في حاجة المهم ماتزودتش عن اسبوع / 10 ايام من غير ماتتحرك بالعربية عشان البطارية ماتنمش منك

[romioromio]

الف شكر لحضراتكم جميعا

1_بالنسبه للتكيف انا لما اشغله علي اربعه بيكون تمام وكويس وبارد
لك انا كت باجر ياريس كتير اوي نقفس الموديل وكان معايا ليجانزا كان لما تضغط علي اربعه كان الهواء بيندفع صارووووخ

يعني اللي اقصده الهواء طالع ضعيف حبيتين
كمان العربيه مفهاش فلتر تكييف اللي بيبقي تحت درج التابلوه ده
فمش عارف كده بقي المروح ضعيفه ولا التلاجه متوسخه اللي هيا السربنتينه يعني

2_بالنسبه للركن انا مش بركنها للدرجه بس مش بسييط للشغل مشاوير كده
فمش قصدي البطاريه
لكن واحد قاللي لو ممشتش كتير وفتحت الموتور حيقفل منك وتتجمع كربون وحاجات كده مفهمتهاش
ولا الكلام ده كله غلط

وشكرا جزيلا

[romioromio]