انصحوني ... عايز اسافر من الكويت الى مصر بالسيارة

[essamsultan780]

السلام عليكم ورحمة الله وبركاته
اخواني اعضاء المنتدى الكرام .. انصحوني عايز انزل بالسيارة من الكويت الى مصر ... هل الطريق امن والبلد ولا اعمل ايه ؟ مع العلم انى نزلت قبل كدا وكانت الرحلة زي الفل
وشكرا جزيلا

[abogooda]

مصر لسه بخير ارجع وتوكل على الله نصيبك مكتوب فى مصر او فى اى بلد اخر
ترجع بالف سلامه

[SpeeRace]

انا قريبى عملها السنه اللى فاتت زى اليومين دول (( قبل رمضان علطول )) وكانت الرحله زى الفل .. أهم حاجه تركز أوى عالطريق وتمشى عالخريطه وتسأل كل شويه عشان التوهه بتسويحه .. وده اللى حصل معاه
أهم حاجه برضو اتأكد من عربيتك تمام التمام .. هو قريبى كان نازل بـ مرسيدس عيون (( مش عارف موديلها ))
بس هى كان لونها أبيض هههههههههههههههههههه

[د.محمود صلاح]

المشكلة كلها من بداية دخول مصر .. بالذات لو عربيتك 4x4

[أحمد عبدالله]

استخير

[el diesel]

بص هو والدى دايما يقول مثل كدة " شرا العبد ولا تربيته " "هين قرشك ولا تهين نفسك "
طبعا انت ادرى بحالة العربية و بحالتك الجسدية اذا كنت قادر على السواقة المدة الكبيرة دى
وتمنياتى برحلة سعيدة وتوصل مصر بالسلامة

[esam_ayad]

يا باشا أنا مدرس هنا في الكويت.
وزملائي بالكامل لغو فكرة النزول بالعربيه السنه دي وراحو حجزوا ليهم ولعائلاتهم.
والسنه اللي فاتت في بلطجيه ثبتوا زملائنا علي الطريق السريع وأخدوا منهم العربيه وشنط السفر.

[hossam_elwani]

رأيى بلاش تنزل من اساسه هو فيه ايه حلو فى مصر !!!!!!!!!!!!!!!

[الطنطاوي]

الطريق آمن وما فيش فيه مشاكل
المشكلة في مصر نفسها والمكان اللي انت هاتنزل عليه
بس على اي حال النزول بالطائرة ممكن يكون أرخص و أريح لو حجزت بدري

[chicobon]

الطيران ارحم اكيد و راحة بال

[essamsultan780]

بشكركم شكرا جزيلا للمداخلات ولمساعدتي ، وارجوا من الله انه يوفقنى للخير .. والحقيقة انا لسه متردد وربنا يعمل ما فيه الخير

[الطنطاوي]

في منتدى اسمه المسافرون العرب ادخل على بوابة مصر وشوف تجربة الناس

[horas3000]

انت ادري بظروفك بس يفضل بلاش
الامن معدوم في البلد و لو حصلك حاجه محدش هينفعك
ده غير ان الحاله صعبه اليومين دول و غالبا هتبقي مطمع و الشيطان شاطر و الحراميه مش راحمين

طبعا انت عارف لو العربية حصلها حاجه و مرجعتش انت ملزم بدفع جماركها بالكامل
فابعد عن الشر احسن

و تيجي بالسلامه
و لو ميفرقش معاك انت تشوف اهلك و كده
اطلع علي حته تانيه احسن لك

[horas3000]

اهو مجبتش حاجه من عندي

http://www.nilemotors.net/Nile/357973-a.html