الناس بهدلونى.....منهم لله.. وحسبى الله ونعم الوكيل فيهم

[ابوالقاسم احمد]

منذ فترة وانا ببحث على مواقع النت لشراء سيارة لانسر بومة فى حدود 60 الف الى 70 ويوم الاثنين الماضى اتصلت باثنين منزلين اعلان الاول لانسر بومة 2008 عداد 108 الف ....................... المهم كلمت الراجل مرتين مرة الظهر ومرة بالليل واتفقت معه على روية السيارة يوم الثلاثاء الماضى( الو .. السلام عليكم انا احمد من الفيوم ال كلمتك الصبح بخصوص السيارة الانسر اهلا ازيك يا حبيى تمام ... انا عاوز اشوف السيارة بكرة لو يناسبك بكرة ماشى .... اه يا حبيى تعالى فى اى وقت بكره الصبح ماشى او الظهر .... تمام هقابلك بعد الظهر بس عاوز العنوان العنوان يا باشا ( شبرا -شارع الترعة البولاقية - 10 شارع المنزرة ) شكرا يا باشا نتقابل غدا سلام سلام- بينى وبين نفسى قولت اشوف اعلانين لو الاول ما وفقتش فية اشوف الثانى وبالفعل كلمت صاحب الاعلان الثانى الاستاذ معتز اعلانة ............. سيارة لانسر 2007 سوداء................... مطلوب 63 الف عداد 95 الف بس الرخصة منتهية....... قلت عادى نروح نشوف الحاله عاملة اية المهم كلمت الاستاذ معتز يوم الاثنين الصبح وايضا يوم الاثنين بالليل للتاكيد على انى هسافر بكره من الفيوم وهشوف العربية الو.. استاذ معتز ( اية الوقت ال يناسبك ..... رد على الاستاز معتز وقال يا باشا ممكن الصبح او الساعة 5 مساء المهم اتفقنا على المقابلة الساعة الخامسة العنوان يا باشا ...(.شارع النصر للثورة متفرع من شاره الهرم من ناحية ميدان الجيزة بجوار هيئة الكهرباء ) شكرا شكرا نتقابل بكرة ............... جهزت نفسى وتركت شغلى ونمت افكر واحلم طول الليل مش انا وبس دة كمان الاولاد والمدام بابا هيشترى بكرة العربية فى الصباح توكلت على الله وركبت من الفيوم وصلت رمسيس حوالى 11 ونصف ركبت المترو الى شبرا الخيمة افكر العنوان فيها روحت شبرا سئلت على شارع الترعة واحد قالى لاء شارع الترعة مش هنا تركب ميكروباس وتنزل فى مكان وتركب منة لشارع الترعه وفعلا وصلات الى شارع الترعة فى عز الحر والتعب ونزلت بالقرب من شارع المنزرة قولت اصلى صلاة الظهر بس اكلم الراجل فى الاول علشان يجهز حاله ( الو....... السلام عليكم انا احمد ال من الفيوم ال كلمتك امبارح بخصوص السيارة وانا موجود فى شارع الترعة ونص ساعة واكون عندك الراجل لاء............ الوقت ده ال انت جاى فيه السيارة مش موجوده...... لية كده يا باشا ......... حرام كدة طبعا فى سرى .... اصل العربية راحت الورشة علشان ترش الرفرف الامامى لانه مش عاجبنى .... قلت عادى مش اشكال الرفرف رد على وقال صراحة مش هينفع تشوف السيارة النهارة لو عاوز تشوفها انتظر للساعة 11 بالليل .... ساعتها قولت الله يخرب بيتك يا راجل بعد ما تمرمطنىمن ساعة الصبح وفى النهاية تقولى تعال بكرة منك لله ..................... رجعت مخنوق جدا ذهبت الى مسجد صليت الظهر وانتظرت الى العصر وبعد العصر خرجت قولت اذهب الى الاستاذ معتز ال فى شارع الهرم قولت فى نفسى ان شاء الله ربنا هيسهل هذة المرة ركبت المترو من محطة فى شبر مش فاكر اسمها ميسرة ولا مسرة المهم نزلت الجيزة فى اول شارع الهرم كانت حوالى الساعة اربعة وحاجة سالت على شارع النصر للثورة ........ قولت قبل ما اركب اتصل بالاستاذ معتز اتاكد منة على العنوان وفعلا اتصلت بية السلام عليكم.............. انا احمد ال كلمتك امبارح من الفيوم وانا الان واقف فى اول شارع الهرم.. رد مرحبا بك ....شكرا عاوز اجيلك ازاى........... رد على وقال ماشى بس انا مش فى شارع النصر للثورة انا فى شارع متفرع منة اسمة عمرو ابن ابى ربيعة ........ والسيارة لانسر سوداء موجودة فى اخر الشارع وانا منتظرك شكرا ياباشا........الى الامام ........ اسرع يا هذا ..........الحمد لله فى نفسى هشوف السيارة و المشوار مش هيضيع علي المهم فى حوالى ثلث ساعة وصلت الى اول شارع عمرو ابن ابى ربيعه الشارع مش طويل وصلت الى نهاية الشارع وفعلا شاهدت السيارة الانسر السوداء موجودة فى اخر الشارع ..جميل ... رائع ..ممتاز... هذا ما قالة العقل الباطن وقفت بجوار السيارة لحظة وجدت البواب قادم نحوى السلام عليكم...........وعليكم السلام........... بتاع مين السيارة السوداء دى ...........دى بتاع الاستاذ معتز عارضها للبيع ......قلت عارضها للبيع من زمان.............قال لاء من اسبوع..... طيب اية اخبارها.... قال دى عربية ممتازة صاحبها عاوز يبيعها علشان يشترى وحدة حديثة ........جميل فى نفس الوقت بدات ارن على الاستاذ معتز ال انا مكلمة من 20 دقيقة محدش بيرد نهائى امكن مشغول ..؟امكن........... رنيت كتير ... ماحدش بيرد خالص .....البواب ارسل بنتة الى الاستاذ معتز فى الدور الثالث نزلت وقالت ان الاستاذ معتز مش هيبيع العربية ...يا نهار اسود مش مصدق ..... المهم راح البواب بنفسة الى الاستاذ معتز واخبره ان فى واحد تحت عاوز يقابلك علشان يشترى السيارة رد علية وقال انا معرفش حد بالاسم دة ومش عارض العربية للبيع ...لما البواب نزل لقيته هو الاخر غير كلامة وقال انه مش هيبيع العربية ......رديت علية وقلت يا عم انت مش فى الاول قلت انه هيبيع العربية والان تقول انه مش هيبيع لية كدة ده انا مكلمة من 20 دقيقة واعطانى العنوان ال على اساسة اتيت .........استمر الجدال طويلا حاولت اقابل الراجل صاحب العربية معرفتش جلست اكثر من ساعة اتصل على الرقم ال كلمته مبيردش ارسلت كذا رسالة اخاطب نخوة ومرؤة علشان يقابلنى حتى لو مش هيبيع العربية ...........حزنت جدا جدااااااا............................... وقلت فى نفسى لو كان رجل محترم كان قابلنى وكان خرج باى حجة من البيع والنهاية قلت حسبى الله ونعم الوكيل فى الناس ال بهدلتنى وطلعت عينى . اقسم بالله هذا ماحدث معى يوم الثلاثاء الماضى والهدف ان يحترص الكل ويتاكد من صدق كلام الاعلانات واسف على الاطالة وشكرا لكم

[beshomilan]

متزعلش
كلنا حصل فينا الكلام ده
هو ده الشعب المصرى ودى طبيعته..بس ثق تماما ان كما تدين تدان

[ابو لؤى]

الحمد لله ان ربنا ظهرلك الناس قبل اى معامله ماليه ماتحزنش بالعكس ده انت المفروض تفرح وقريبا ان شاء الله تلاقى حاجه مناسبه وكويسه وربنا يعوض تعبك وصبرك خير بأذن الله

[4fun14]

الناس بقت قليله الذوق فعلا
وعموما الحمدلله على كل حال يمكن ربنا مش كاتبلك شر تشوفه فى العربيتين دول..ربنا بيسبب الاسباب يا باشا

[ABO MALEK]

لا تحزن لسه نصيب العربية اللى هتشتريها لم يأتى ....التمس لأخيك الف عذر.

[bmya]

والله ياباشا ده حال الشراء من النت غالبا صحبي برده حصل فيه كده يجي 4 مرات وكل مشوار انئح من اللي قبله وفي الاخر يروح اما انه مايقابلش صاحب العربيه او انه يلاقي حاجه تانيه خااااااااااااااالص غير العربيه المعروضه المصريين دول لا تاخد منهم مواعيد ولا تسمع منهم كلام
ربنا يعوضك بعربيه احسن منهم وخير

[mem]

انا عارف انك اتبهدلت فى الطريق والجو واللف
بس لا تحزن واكيد ربنا شايل لك حاجه احسن وهيعوضك
وبتعبك ده ربنا شال عنك شى اخر اكيد
وتاكد ان كما تدين تدان

[walidzakzok]

الناس بقت اخلاقها زبالة ومعندهاش دم

[EslaM_NagY]

لا حول ولا قوة الا بالله

امال لو مش جايلهم من سفر كانوا عملوا ايه !!

[mahmoud_afifi]

فعلا حسبي الله ونعم الوكيل حتى لو كان عندهم ظروف او غيروا رأيهم يبقى يحترموا الانسان الي جالهم من اخر الدنيا وتاخد واجب الضيافه ,يمكن منظرهم يبقى احسن شوية.
ماتزعلش ان شاء الله ربنا هيوفقك في عربيه احسن من الاتنين دول وبسعر احسن ان شاء الله

[M.Ayman]

معلش ربنا يكرمك بعرفيه احسن الف مره .... و ربنا يجازي الاتنين البهوات اللي عارفين انك جاي من الفيوم علشانهم و الاتنين معملوش خاطر لكده بس التاني ده اللي غريب قوي و مش مفهوم خالص !!!

[Khaled Lanos]

معلش يا باشا متدايقش نفسك واحتسب الأجر عند الله..إن شاء الله ربنا يرزقك بعربية حلوة وبنت حلال بس متستعجلش.
وحسبي الله ونعم الوكيل في الناس قلية الذوق اللي معندهاش دم دي..على الأقل انزل قابل الراجل ياخي اللي جالك من آخر الدنيا مش تبعت لو بنتك!

[hossam_elwani]

ملكش نصيب فيهم

نصيبك جاى لسه الصبر طيب

ولا عزاء للشخصيات دون الاخلاق

[mahmoud_anwar]

متزعلش نفسك انا لغاية ما اشتريت عربيتي خدتها من مشرقها ل مغربها وطلع عيني والله هحكي لك علي قصة ومن بعدها قولت يقطع النت علي النتيتي علي الناس الي عرضة عليه كلهم حرامية ونصبين وحتي الشيوخ منهم
انا اتفرجت علي النت علي عربية بي ام e30 وفتحة سقف وفبريكة دواخل واول مرة ترش من الزيرو قولت ياه هيا دي الي بحلم بيها اتصلت د عليا واحد والكلام ده كان في رمضان المهم انصلت السلام عليكم وعليكم السلام عايز اتفرج علي البي ام مكان حضرتك قالي قباء قولت له طيب ممكن حضرتك تقرب ليه المسافة اول خسر السويس بدل ما ادخل لي الاخر واحنا في رمضان والدنيا زحمة قالي والله اصل انا معتك قولت يابركة دعاكي ياما انا شكلي هقع واقف هجيب عربية بي ام مصر كلها هتكلم عليها المهم قولت له طب هتفرج عليها ازاي قالي اخوية هيفرجك عليها اروح يامعلم واتفرج وبعد مشوار العربية رشة في كل حته بقيت ابص لي الراجل اقولة دي فبريكة يقولي معرفش اقولة اخوك قالي فبريكة كلها قالي هو قالك كده اقولة اه قالي معرفش بقت سعتها احساسي كنت هفطر عليهم

[speed_magnum]

سبحان الله
ربنا لما بيحب عبده ويكون شايله حاجه حلوة
بيختارله الخير والاصلح
فانت ما تزعلش وربنا هيكرمك باذن الله