جلبة المقص

[abokoko]

فى جزأ فى الجلبة - الكاوتشة - على وشك يتقطع
والجزأ كانه حلقة او وش للجلبة
هل يجب تغيير الجلبه
ولو هغير
هل هيتغير طقم الجلب كله
وهل الجزأ ده ممكن يكون هو السبب فى طقه غير ثابته

[hassanin_lada]

متابع

[abokoko]

معلشي اعدت رفع الصور ووضعت
لون احمر على الجلبه
ولون اصفر على القطع

[aldesha989]

المقصات مصيبه بس لما تحل المقص خليك يبصلك على البيض بتاعه لو البيض مش كويس غير المقص كله افضل ولو بتسمع صوت كركره مع المطبات يبقى البيض بالسلامه الجلب تخلى المقص يزيق معاك واكيد اى حاجه فى العفشه تخلى العربيه مش ثابته

[abokoko]

الجلبة لسه ما تقطعتش
والجزأ اللى هيتقطع كانه وش للجلده او دائرى لها

الغريب انى كنت بظبط زوايا هذا الاسبوع
ومن قبلها بحوالى شهر عملت تزييت للعفشة عند الميكانيكى
وكلاهما لم يخبرنى بخصوص الجلبة

؟؟

[mohammed dodda]

انا كان عندى صوت طقة بسمعها فى المطبات كتير فى شهر 3 اللى فات روحت اشتريت طقم جلب مقصات روسى(8 جلب) كل واحدة كانت زى حديدة اسطوانية كده مغلفة بكاوتش اسطوانى ولما العفشجى ركبهم ادانى مقصين من الاربعة وقالى روح اديها بنط لحام عند بتاع شكمانات ومن ساعتها صوت الطقة راح بس مش تماما.. ساعات بسمعه كل فين وفين

[abokoko]

ممكن اعرف الاسعار
الجلب / اللحام وسببه ايه وفى انهى جزئيه / الميكانيكى
شكرا

[abokoko]

هل معنى كده ان اغير الجلب كلها
مش الجلبه اللى هتتقطع بس
؟؟؟

[hassanin_lada]

الجلبه الواحد ب 10 جنيه

يفضل تغير ال 8 (4 يمين و 4 شمال) عشان كله يبقي زي بعضه

الطقم ب 80 والتركيب 30 جنيه

[shaikh_tamer]

انا كان عندي في عربيتي 128 مشكلة في المقصات و العفشجي قالي غيرهم كلهم, غيرت 3 مقصات اتنين خلفي و واحد امامي., كان كل واحد فيهم فيه شرخ, بصراحة انا حسيت اني اتسرعت بتغيرهم لان الشرخ كان بسيط و مش كبير في المقصات الثلاثة, المقص الخلفي كلفني 110 و 220 للجوز و الامامي 75 و تركيب الواحد 30 جنيه غير تربيط العفشة و زبط الزوايا, هو انا انضحك عليا يا جدعان خصوصا اني مكنتش اعرف انه ينفع الحمهم؟

[abokoko]

يمكن عملت الصالح واللى فيه الخير انك غيرتهم واشتريت دماغك من
احتماليه عدم جوده اللحام او خلل فى اللحام او اللحام مش مضبوط
الجديد احسن

[mohammed dodda]

ممكن اعرف الاسعار
الجلب / اللحام وسببه ايه وفى انهى جزئيه / الميكانيكى
شكرا

...أولا طقم الجلب كان ب90 جنيه روسى أشتريته من محل قطع غيار عندنا متخصص لادا...ثانيا سبب اللحام ان فيه مقصين من الاربعة الفتحة اللى بتركب فيها الجلبة كانت اوسع من الجلبة تقريبا مش عارف ليه ولما روحت للحام العفشجى وصانى امسك ازازة ميه وابقى جنب اللى بيلحم اول ما اشم ريحة شياط أكب ميه على طول عشان كاوتش الجلبة ميتحرقش !.. ثالثا مصنعية اللحام 20 جنيه والعفشجى كان بيغيرلى حاجات تانية غير جلب المقصات ( 2 بيض دركسيون- جوز كاوتش ميزان) و الراجل نزل العفشة قدام كلها وشافلى السوست والمساعدين ومصنعيته كانت 150 جنيه ! بس للأسف كان يوم جمعة واضطريت اشترى بيض الدركسيون من عنده وانا اكره اشترى حاجة من صنايعى..

[mohammed dodda]

يمكن عملت الصالح واللى فيه الخير انك غيرتهم واشتريت دماغك من
احتماليه عدم جوده اللحام او خلل فى اللحام او اللحام مش مضبوط
الجديد احسن

...أكتر حاجة اكرهها جدا شغل التلصيم فى العربية...انا عندى اوقفها واسيبها خربانة لحد اما ربنا يكرم واشترى الجديد عن انى استنصح على العربية..