مساعده ضروري وعاجله بخصوص مقاس كاوتش وجنوط

[modo88]

السلام عليكم
حابب استفسر بس عن مقاس الكاوتش
انا عندي هوينداي اكسنت 99 ومقاس الكاوتش 13/175/70
وعايز اركب جنوط 16 ايه المقاس اللي يناسبها في الكاوتش؟
ياتري مقاس 16/195/45 موجود ؟ وهل دا الصح ولا مقاس ايه المظبوط؟
ياريت ضروري لاني هاشتري بكره

[modo88]

الله يصلح حالكم الي يعرف يدلني لاني بكره هاشتري محتاج النصيحة :d

[eslamsubaru]

اولا : مقاس ال 16 لو هيركب عندك و علشان يكون مظبوط هيكون : 16/45/195 و ده صعب تلاقيه ..
ثانيا و ده الأهم : الأفضل لعربيتك الجنوط ال 15 علشان تحافظ على العفشة بتاعتك و دى نصيحة أخوية ..
و المقاس المظبوط هيكون : 15/50/195 و ده افضل مقاس للعربية و مش هيعمل أى مشكلة و مش هيأثر على عداد السرعة ..
فى حاجة كمان لازم الجنوط اللى هتجيبوا مقاساته تكون : 15x5.5 أو 15x6 و ال offset بتاعه يكون من 45-50 و تشوف مقاس صواميل العجل عندك كام : هل همة 4 و لا 5 و المسافة اللى ما بين كل 2 متقابلين كام .. و بعد ما تجيب الجنوط انشاء الله لازم تطلع على خراط علشان يعملك حاجة اسمها الرينجات للجنوط : دى عبارة عن حلقة دائرية بتركب بين فراغ الجنوط الداخلى و الشفة الدائرية اللى بتكون فى طنبورة العجل و دى مهمة جدا علشان الجنوط حمله يكون على الطنبورة و مش على المسامير بس و الا مع الوقت هتلاقى المسامير ممكن تنكسر و العربية هتلاقيها بترعش منك على السرعات..
الأفضل بجد ال 15

[Ahmed Nasser]

بص لو جنط 16 يبقى 205\40\16
ودة مستحيل فى البلد بتاعتنا
غير انة هيحك فى الرفرف
اما اللى هيعمل معاك شغل
195\50\15

[modo88]

شكرا وفي انتظار باقي الاراء

[mado83]

حرام عليك يابوب تركب 16 اخرك تركب 15
واحد صاحبى ركب جنوط ال13 وكانت بتخبط فى الرفرف كمان امال لو ركبت ال16 هتعمل ايه