الفرق على المدى الطويل بين الكراسى الناشفه والكراسى الطريه المريحه

[hossam_elwani]

كنت عايز اعرف ياشباب على المدى الطويل هل فعلا الكراسى الناشفه فى الجلوس زى الى فى الكروز عندى او زى الى فى الاوكتافيا بتعمر وبتصمد على المدى الطويل والفوم الى فيها مابيريحش بسهوله فى مقابل كده قلة فى الراحه فى الجلوس لمسافات طويله ولا ده كلام مش صح؟؟

انا ملاحظ ان كرسى الالنترا والسيراتو والكارينز الجديده والقديمه اكثر راحه من الاوكتافيا او الكروز او حتى الفولكس ياريت الى معاه اى عربيه من دول يقول انطباعه ورأيه

وسؤال للى جرب فرش من جينز كار هل جينز كار عنده وسيله لتطرية الفرش يجعله اكثر راحه قبل تركيب الفرش الجديد سواء جلد او قماش ؟؟


تحياتى للجميع

[youssef_u]

انا والدي مش بيقدر يقعد اكتر من ساعتين على كرسي الصني عشان ناشف ، والمشكلة اني خلاص ركبت فرش يعني لو هروح عند جينر كار هيحتاج يفك الفرش الجاهز و الاصلي و مش هيرجع زي الاول تاني

[M I D O]

متابع .. واحب اضيف ان الكراسي الناشفة دي هل ليها تاثير علي الواحد بدنيا وهل في فرش مبطن ممكن يتحط علي الكراسي عشان تبقي طرية شوية ومريحة اكتر

[adelghanem]

فى انواع من الجلود المستورده النضيفه متبطنه من الخلف باسفنج (ملزوق فيها من الخلف) ودى مريحه وطريه جدا .انا مفصل واحد وكلفنى 1400 جنيه بخياطه دوبل .بس ده فى الصعيد مش عارف فى الاسكندريه فين وبكام .
ملحوظه: شوف مكان الالم فى اعلى او اسفل الظهر وفصل شلته صغيره او شلته رقيقه ناعمه ممكن تحل المشكله

[hossam_elwani]

فى انواع من الجلود المستورده النضيفه متبطنه من الخلف باسفنج (ملزوق فيها من الخلف) ودى مريحه وطريه جدا .انا مفصل واحد وكلفنى 1400 جنيه بخياطه دوبل .بس ده فى الصعيد مش عارف فى الاسكندريه فين وبكام .
ملحوظه: شوف مكان الالم فى اعلى او اسفل الظهر وفصل شلته صغيره او شلته رقيقه ناعمه ممكن تحل المشكله

طيب والنوع ده اسمه ايه او صناعته ايه ؟؟

ومتره بكام ؟؟

[adelghanem]

والله مش فاكر ..سيبنى يومين وانا حأسألك عليه ....من عيونى

[bassemali]

متاااااااااااااااااابع

[adelghanem]

انا سألت الصنايعى قالى انه النوع النضيف هو الالمانى وبعده الامريكى والتيوانى ,
وسعر المتر 60 جنيه من القاهره ,بس مرضيش يقولى المكان فى القاهره فين يعنى لاوع فى الكلام
دى الخلاصه..واى خدمه ولو عرفت اى حاجه تانيه حاقولك

[Hondawy_2008]

يا جماعة مفيش أحسن من " دوس " متفرع من عباس العقاد قبل البنزينة اللي في الآخر هو غالي شوية بس فبريقة بصراحة

[p r i n c e]

متابع

[mr_green]

على حسب خبرتى الكرسى الناشف بيفضل ذى ما هو - بعيد عن العربيات الصينى عشان مجربتهاش - و أنا سوقت كثير ناشف و غير ناشف و ببيدل عليهم لسنوات و مفيش فرق - بالعكس الناشف بيريحنى أنا شخصيا أكثر بس فى ناس تانية بتحب الكرسى الطرى أكثر - بتختلف من شخص لآخر

لو عايز تطرى الكرسى من غير تعب كثير ممكن تروح لأى حد يعملك شلته أو مخدة صغيرة تكون رفيعه + بنفس لون فرش العربية و يعملها بشياكة و نضافة عشان متكونش ذى بتاعت التاكسى مثلا و بكده مش هاتحتاج تفك و تعمل فرش جديد

[hossam_elwani]

انا سألت الصنايعى قالى انه النوع النضيف هو الالمانى وبعده الامريكى والتيوانى ,
وسعر المتر 60 جنيه من القاهره ,بس مرضيش يقولى المكان فى القاهره فين يعنى لاوع فى الكلام
دى الخلاصه..واى خدمه ولو عرفت اى حاجه تانيه حاقولك

شكرا على ردك الكريم

ومتابع الردود من خلال تجارب الواقع

[bassol2000]

بالنسبه ليا الكرسي الناشف بحبه عن الطري .. بالبلدي كده بحس انى راكب العفشه .. مش راكب على شلته !!

[hossam_elwani]

بالنسبه ليا الكرسي الناشف بحبه عن الطري .. بالبلدي كده بحس انى راكب العفشه .. مش راكب على شلته !!

غريب اوى الكلام ده

الكرسى الطرى بيقلل احساسك بالمطبات الصغيره

وكمان مريح اكتر فى المسافات الطويله

[bassol2000]

غريب اوى الكلام ده

الكرسى الطرى بيقلل احساسك بالمطبات الصغيره

وكمان مريح اكتر فى المسافات الطويله

مش عارف بحس انه بيديلك Feedback احسن بكتير من الكراسي الطريه .. و ده احسن لو حابب تجري شوية بالعربيه او تاخد غرز عالعاصي و كده بتبقي عارف عربيتك وضعها ايه