موت 4 بسبب توك توك مستهتر

[kokowasfy]

السلام عليكم ورحمة اللة و بركاتة
انا حزين جدا من المنظر الى انا شفتة
انا اعتقد المنظر دا مش هنسا فى حياتى
اللة يرحم جميع اموتنا الى حياتهم راحت
هدر
نبدا الموضوع
انا كنت ماشى فى شارع اسمة ترعة المنصورية
اكيد ممكن كتير يعرفة و انتا و ماشى فى الشارع دا بتلاقى محططات كتييييير ابورواش وكرداسة و مدخل كفر حكيم انا و ماشى على الساعة 7 ونص تقريبا الطريق دا لسة متسفلت جديد و المكروبصات و الملاكى بيطيييييييير فية انا كنت بمشى فية على 180 بليل بس انا خلاص مش هعمل كدا تانى فا اتفجئت وانا ماشى لقيت صوت طراااااااااااااااااااااخ و ازاز بيطير انا كنت بعيد حوالى 300 متر من المكان فا المفجائة صاحب الميكروباص المستهتر كان طااااااير و لقا توتوك جاى عكس فى وشة ملحقش يتفدا هب ام لبس فية متهيالى لبس فية على مثلا 100 فا التوكتوك من قوة الخبطة طاااااار واللة العظيم طار و قعد يتقلب و الناس الى فيى بيعد عنناا يارب اتعجنت واللة اتعجنت تخيلو من قوة الخبطة الميكروباص الكبينة اتعجنت تخيلو بقا توك توك جرالو اية و التوك توك كان راكب فية 3 و عيل صغير اللة يرحمهم جمعيا وشكرا ليكم
و اسف على الاطالة و ارجوكم ارجوكم خلو بالكم و اللة يكفينا شر الحوادث

[شاهين - بنز]

أنا برضو كنت حلبس في توكتوك ماشي عكسي على طريق إسكندرية الصحراوي بعد بوابات إسكندرية وربنا سترها في آخر لحظة ربنا يخلصنا من آفة التكاتك دي

[Fo1Fo]

أنا برضو كنت حلبس في توكتوك ماشي عكسي على طريق إسكندرية الصحراوي بعد بوابات إسكندرية وربنا سترها في آخر لحظة ربنا يخلصنا من آفة التكاتك دي

هل فى بديل للتكاتك ؟ مترو أنفاق مثلا يمشى فى العشوائيات ؟ ولا ميكروباسات ؟ ماينفعش . دى بتمشى فى حتت ماتمشيش فيها الدواب وفى مسارات ومسافات ما ينفعش يحل محلها حاجه . لاقيت الحل نجيب لكل مواطن توك توك ايوا توك توك بس ملاكى كده ها نقضى على الصبيه المستهترين اللى سايقين تكاتك والتكاتك اللى ها تمشى هاتبقى ملونه أخضر وأصفر وزهبى ملاكى بقى طب وبعدين الصبيه دول ها يشتغلو ايه ؟؟ الحل موجود نقعدهم فى البيت ونديهم بدل تشرد لو حد عنده حل ياريت يقول عليه لأن الواحد خلاص قرف من هذا الكائن وأنا ماعنديش استعداد أعمل خناقه كل يوم مع صبى من دول

[kokowasfy]

أنا برضو كنت حلبس في توكتوك ماشي عكسي على طريق إسكندرية الصحراوي بعد بوابات إسكندرية وربنا سترها في آخر لحظة ربنا يخلصنا من آفة التكاتك دي

ربنا يستر عليك ويحميك من شر التكاتك

[kokowasfy]

هل فى بديل للتكاتك ؟ مترو أنفاق مثلا يمشى فى العشوائيات ؟ ولا ميكروباسات ؟ ماينفعش . دى بتمشى فى حتت ماتمشيش فيها الدواب وفى مسارات ومسافات ما ينفعش يحل محلها حاجه . لاقيت الحل نجيب لكل مواطن توك توك ايوا توك توك بس ملاكى كده ها نقضى على الصبيه المستهترين اللى سايقين تكاتك والتكاتك اللى ها تمشى هاتبقى ملونه أخضر وأصفر وزهبى ملاكى بقى طب وبعدين الصبيه دول ها يشتغلو ايه ؟؟ الحل موجود نقعدهم فى البيت ونديهم بدل تشرد لو حد عنده حل ياريت يقول عليه لأن الواحد خلاص قرف من هذا الكائن وأنا ماعنديش استعداد أعمل خناقه كل يوم مع صبى من دول

المشكلة مش فى التك توك المشكلة فى الى سايق التوك توك لازم يعرفوا ان الشوارع دى ليها احترام و اصول سواقة مش خش يمين يخش امشى عكس امشى اللة يستر طريقكم

[youssef_u]

توكتوك ماشي عكس؟ يبقا يستاهل

[yousefsemsem]

والله اللتكاتك ديه حاجه فظيه يوم شم النسيم علي طريق اسكندريه الزراعي من اول ماتطلع من طنطا والله بسبب توكتوك عربيه جامبو محمله خشب دخلت فيه وهو ماشي عكسي وميكروباص لبس في الخشب من ورا اتدمر وميكروباص التونايه ده جه علي جنبه والله المنظر كان فظيع وقفت وبدانا نطلع الناس وعدلنا الميكروباص اللي مقلوب علشان اللي فيه ينزله الحمد لله ان محدش حصله حاجه واللي يغيظك بقي ان في نايس هربت بتاع التوكتوك وطلعوله التوكتوك وماشوه والظابط جه جري طلع وراه عسكري وناس جريت ورا لغايه لما جابوه كان ممكن تكون الخساير اقل من كده لو بتاع التونايه مكنش كابس علي المكروباص لان بتاع الميكروباص كان بيفادي الجامبو لقي التاني اللي اتقلب ده لازق في ضهره وكله بسبب توكتوك لفيت ورجعت تاني وقولت ماانا رايح في حته

[emad_2020]

ربنا يرحمهم يارب
انا عن نفسى بكره التوك توك موت وعن نفسى لو ماشى بوسع له اصلا لى سايق بيكون يا عيل صغير يا بلطجى يا شارب مع احترامى لبعض الناس المحترمة منهم

[ashourashour]

محدش يغلط في التكاتك بس لمرسي يزعل منه

التكاتك بيسوقها اطفال الشوارع .. يعني السفاله والانحطاط

وبلد بايظه محدش بيسأل عن اي حاجه

والله انا شايف ان الحل

اللي يعمل حاجه غلط يضرب بالنار

واولهم اللي يمشي عكس .

[Samir Elshahawy]

ربنا يأخد الميكروباصات علي التكاتك علي النقل و أي واحد مستهتر
هما دول سبب الفوضي في الشوارع و اي واحد مستهتر لاتترحم عليه لأنهم أفسدوا في الارض و عاثوا فيها خرابا و فوضي

[Ahmed Nasser]

ربنا يستر طريقنا جميعا

[أحمد عبدالله]

التكاتك والميكروباصات مشكلة محتاجة حل

[S O P H O S]

لا حول ولا قوة الا بالله

[p r i n c e]

ربنا يستر طريقنا و يبعد عنا الحوادث