إعـــــــلان

Collapse

.

,
See more
See less

اتخانقت مع سواق تاكسى ورحنا القسم

Collapse
X
 
  • Filter
  • الوقت
  • Show
Clear All
new posts

  • اتخانقت مع سواق تاكسى ورحنا القسم

    انهارده الضهر الساعة 2 ونص كنت فى نفق احمد بدوى فشبرا وفى اتجاهى طالع كوبرى اكتوبر

    سواق تاكسى شاهين سته حوالى 60 سنه ماشى ومحتكر النفق لوحده والنفق بياخد عربيتين جنب بعض وكل ما اجى جنبه يكسر عليا

    جيت بعد النفق كلكستله جامد فوقف وبيقولى ايه هو انت مبتشوفش والنفق بياخد عربيه واحده ووووووو.....المهم رديت عليه وشتمنا بعض ووقفنا السكه وشتمنى وجاى ماشى قمت شتمته جامد فوقف ونزلى وانا نزلت ومسكنا فبعض بس زق فقط وطبعا الطريق واقف ورانا

    وبعد شويه زق فبعض قام داخل التاكسى وجايبلى مفك وجاى عليا وفيه ناس كانت واقفه لقوا الموقف هيتطور جم حاشونا وانا اتجننت بقى لما لقيت المفك فأيده فرحت عربيتى وهجيب رول كرتون مقوى جامد جدا وكل ده قدام قسم مهمشه بالظبط فلمحت امين الشرطة جاى فقفلت الباب ومطلعتش حاجه

    وطلب الامين الرخص بتاعتى وبتاعته وقلنا اركنوا على جنب واتفضلوا معايا وانا لما جه الامين قلتله شايف اللى فأيده اعمللى محضر اثبات حاله وتعدى

    المهم دخلنا القسم لظابط بنجمين استقبلنا بابتسامه وقللى ايه اللى حصل وانا كنت منفعل جدا فقاللى اهدى مفيش حاجه وحكيتله وحكاله سواق التاكسى كل واحد اللى حصل وقعد يهظر معانا وقاللنا ياجماعة الموضوع مش مستاهل وطالما انتوا بخير خلاص وهكذا

    وعملنا مذكرة تصالح ومضينا عليها احنا الاتنين واعتذرنا لبعض وخلاص مشيت

    وبعد ماخرجت قلت ايه اللى انا عملته ده؟؟انا اتجننت؟؟الموقف مش مستاهل كل ده؟؟ليه وقفتله من الاول وليه شتمته وليه نزلتله وليه وليه؟؟

    وفعلا اكتشفت انى الغلطان فكل حاجه وانا اللى ابتديت المشكله ولو كان عندى صبر مكنش حصل كل ده وربنا ستر ان السواق معملش حاجه بالمفك اللى فأيده وانى لسه عايش وربنا يسامحنى على اللى قلته وعلى قلة ادبى وانى عطلت الناس كلها بسبب غبائى وتهورى اللى ملوش اى مبرر

    لفت نظرى ان الظابط بيقول للسواق من حسن حظك انك اتخانقت مع حد محترم وصبور جدا لانه لو حد تانى بعد ماشافك رفعت عليه المفك كان جاب سكينه او كوريك وخلص عليك وقتها وعيالك تتيم ومحدش هيستفاد حاجه فخللى بالك مش كل الناس زيه

    دلوقتى انا ليا استفسار..مذكرة التصالح دى نقطة سودا فى تاريخى؟؟يعنى ليها محكمة او حاجه زى كده؟؟ولو جيت اسافر برا ممكن تسببلى مشكله ويبقى كأنى سوابق؟؟محتاج رد على السؤال ده اوى لحسن قلقان جدا وانا عمرى مادخلت اقسام

  • #2
    ياباشا مفيش فيها حاجة دا محضر تصالح عادى جدا
    الدنيا بالمال والاخرة بالاعمال
    [EMAIL="ladanilemotors@yahoo.com"][/EMAIL]

    Comment


    • #3
      المشاركة الأصلية كتبت بواسطة beshomilan مشاهدة المشاركة
      انهارده الضهر الساعة 2 ونص كنت فى نفق احمد بدوى فشبرا وفى اتجاهى طالع كوبرى اكتوبر

      سواق تاكسى شاهين سته حوالى 60 سنه ماشى ومحتكر النفق لوحده والنفق بياخد عربيتين جنب بعض وكل ما اجى جنبه يكسر عليا

      جيت بعد النفق كلكستله جامد فوقف وبيقولى ايه هو انت مبتشوفش والنفق بياخد عربيه واحده ووووووو.....المهم رديت عليه وشتمنا بعض ووقفنا السكه وشتمنى وجاى ماشى قمت شتمته جامد فوقف ونزلى وانا نزلت ومسكنا فبعض بس زق فقط وطبعا الطريق واقف ورانا

      وبعد شويه زق فبعض قام داخل التاكسى وجايبلى مفك وجاى عليا وفيه ناس كانت واقفه لقوا الموقف هيتطور جم حاشونا وانا اتجننت بقى لما لقيت المفك فأيده فرحت عربيتى وهجيب رول كرتون مقوى جامد جدا وكل ده قدام قسم مهمشه بالظبط فلمحت امين الشرطة جاى فقفلت الباب ومطلعتش حاجه

      وطلب الامين الرخص بتاعتى وبتاعته وقلنا اركنوا على جنب واتفضلوا معايا وانا لما جه الامين قلتله شايف اللى فأيده اعمللى محضر اثبات حاله وتعدى

      المهم دخلنا القسم لظابط بنجمين استقبلنا بابتسامه وقللى ايه اللى حصل وانا كنت منفعل جدا فقاللى اهدى مفيش حاجه وحكيتله وحكاله سواق التاكسى كل واحد اللى حصل وقعد يهظر معانا وقاللنا ياجماعة الموضوع مش مستاهل وطالما انتوا بخير خلاص وهكذا

      وعملنا مذكرة تصالح ومضينا عليها احنا الاتنين واعتذرنا لبعض وخلاص مشيت

      وبعد ماخرجت قلت ايه اللى انا عملته ده؟؟انا اتجننت؟؟الموقف مش مستاهل كل ده؟؟ليه وقفتله من الاول وليه شتمته وليه نزلتله وليه وليه؟؟

      وفعلا اكتشفت انى الغلطان فكل حاجه وانا اللى ابتديت المشكله ولو كان عندى صبر مكنش حصل كل ده وربنا ستر ان السواق معملش حاجه بالمفك اللى فأيده وانى لسه عايش وربنا يسامحنى على اللى قلته وعلى قلة ادبى وانى عطلت الناس كلها بسبب غبائى وتهورى اللى ملوش اى مبرر

      لفت نظرى ان الظابط بيقول للسواق من حسن حظك انك اتخانقت مع حد محترم وصبور جدا لانه لو حد تانى بعد ماشافك رفعت عليه المفك كان جاب سكينه او كوريك وخلص عليك وقتها وعيالك تتيم ومحدش هيستفاد حاجه فخللى بالك مش كل الناس زيه

      دلوقتى انا ليا استفسار..مذكرة التصالح دى نقطة سودا فى تاريخى؟؟يعنى ليها محكمة او حاجه زى كده؟؟ولو جيت اسافر برا ممكن تسببلى مشكله ويبقى كأنى سوابق؟؟محتاج رد على السؤال ده اوى لحسن قلقان جدا وانا عمرى مادخلت اقسام
      اولا السبب الاساسي سواق التاكسي اللي ماشي في حارتين هو اللي غلطان ، ثانيا للاسف الواحد بيبقي مضغوط جدا في الشارع و لحد دلوقتي ده عاملي مشكله اني ببقي حد تاني في العربيه و انا سايق ممكن ابقي نازل رايق و مبسوط و موقف واحد ينرفزني و يخليني بخانق دبان وشي ، علي العموما انا غالبا لما بتنرفز قوي و ممكن اعمل مشكله او اشتم حد بارد في الشارع بفكر في اللي حصل و بحس اني افورت و ان هو اه بارد و رخم و غلطان بس ميستحقش كل الانفعال ده -ربنا يرحمنا بجد لان الموضوع مبقاش ضغط من الشارع بس هي تحس ان السواد اللي بنعيشه في كل حاجه تعليمك شغلك بيتك حالتك الاقتصاديه ... الخ بيتجمع و يطلع في المواقف دي - ..... ردا علي سؤالك لا مظنش ان ده بيمثل اي حاجه و بيتهيألي عادي يعني ده حتي محضر تصالح مش عدم تعدي مثلا
      [CENTER][INDENT][SIGPIC][/SIGPIC]
      [/INDENT]
      [/CENTER]

      Comment


      • #4
        احنا اعصابنا بقت مشدودة بشكل مبالغ فيه جدا
        و اي موقف صغير تلاقيه كبر في لحظة
        ده بسبب الاحوال السياسية و الاقتصادية للبلد
        [mshosh2]http://www.4shared.com/photo/lCkSz74F/morsee.html[/mshosh2]

        Comment


        • #5
          ابقى بس طول بالك بعد كده مفيش حاجة مستاهلة و انت لو هتقعد تعمل كده على كل موقف و غلاسة سواقة مش هتخلص و هيجيلك الضغط فكبر دماغك احسن مفيش حاجة مستاهلة و بخصوص المحضر عادى كأن لم يكن

          Comment


          • #6
            اولا السبب الاساسي سواق التاكسي اللي ماشي في حارتين هو اللي غلطان ، ثانيا للاسف الواحد بيبقي مضغوط جدا في الشارع و لحد دلوقتي ده عاملي مشكله اني ببقي حد تاني في العربيه و انا سايق ممكن ابقي نازل رايق و مبسوط و موقف واحد ينرفزني و يخليني بخانق دبان وشي ، علي العموما انا غالبا لما بتنرفز قوي و ممكن اعمل مشكله او اشتم حد بارد في الشارع بفكر في اللي حصل و بحس اني افورت و ان هو اه بارد و رخم و غلطان بس ميستحقش كل الانفعال ده -ربنا يرحمنا بجد لان الموضوع مبقاش ضغط من الشارع بس هي تحس ان السواد اللي بنعيشه في كل حاجه تعليمك شغلك بيتك حالتك الاقتصاديه ... الخ بيتجمع و يطلع في المواقف دي - ..... ردا علي سؤالك لا مظنش ان ده بيمثل اي حاجه و بيتهيألي عادي يعني ده حتي محضر تصالح مش عدم تعدي مثلا
            احنا اعصابنا بقت مشدودة بشكل مبالغ فيه جدا
            و اي موقف صغير تلاقيه كبر في لحظة
            ده بسبب الاحوال السياسية و الاقتصادية للبلد
            فعلا انا لحد دلوقتى انا مش عارف ليه كل ده
            بس فعلا انا بحاول اكون فحالى بس بتلاقى الناس سيئة جدا
            وبصراحة البلد مخلية الواحد قرفان منها وتعبان اوى وكل ما افتح الاخبار اتغم وظروفى الماديه ومشاكلى الشخصيه كل ده اتجمع فى الموقف ده
            بس بجد حاولت اكون بارد واقفل الزجاج واشغل التكييف واعللى الكاسيت وامشى على جنب ومليش دعوة بحد ورغم ذلك الاقى حد بيرمى عليا او ماشى ورايا بيقلب نور والطريق فاضى حواليا وتحس ان الناس كلها متفقة عليك لا وكمان قلة الصبر دى سيئة والعصبيه اسوأ

            Comment


            • #7
              ابقى بس طول بالك بعد كده مفيش حاجة مستاهلة و انت لو هتقعد تعمل كده على كل موقف و غلاسة سواقة مش هتخلص و هيجيلك الضغط فكبر دماغك احسن مفيش حاجة مستاهلة و بخصوص المحضر عادى كأن لم يكن
              فعلا كلامك صح..واتمنى بس موضوع المحضر ده يبقى منظر بس

              Comment


              • #8
                برضه حضرتك بتقول ان السواق سنة حوالى 60 سنة وطبعا السن ليه حكمه ومتعرفش الراجل طول النهار شغال على عربيات تعبانة وطول النهار فى الزحمة والحر بتبقى الاعصاب مشدودة ومتعرفش برضه ايه الظروف اللى عنده يعنى دائما التمس لاخيك العذر انا لو مكانك ونازل اتخانق ولقيته راجل كبير فى السن هتراجع واقول لولا انك راجل من سن والدى ---العبارة دى كفيلة انها تنهى الموضوع --ومعلش متضايقش نفسك كلنا بيحصل معانا كده وادى احنا بنتعلم

                Comment


                • #9
                  يا باشا انت لازم تهدى على الاخر انت لو فكرت فى كل حاجة غلط بتحصل هتمسك فى اى حد تقابلة.

                  انا ببقى زيك كدة كتير و اقول ما ببدأ اسخن بفضل اقرأ قرأن عشان اهدى لان كل حاجة حوالينا مستفزة
                  المشكلة ان اللى بيغلط بيبجح ودة ملوش علاج للاسف

                  من كام يوم ميكروباص رمى عليا جامد فا انا رميت شوية على اللى جنبى بس كنت بعيد بعدها لقيتة جنبى فى اشارة اعتذرت له و لسة هنطق راح شاتم اقسم بالله ما نطقت بس لمجرد انى حسيت انة مفيش فايدة فى فئة كبيرة من الشعب دة

                  Comment


                  • #10
                    للاسف نوعيه الطريق لوحدها تكفي انها تعصب اي انسان يعني طريق مكسر وعمال يدغدغ في عربيتك طبعا كلنا بنكون علي اعصابنا ... سيبك بقا من سلوكيات الناس وخصوصا السواقين ساعات بكون في قمه الغضب مش عشان السواق عمل حركه كده ولاكده لا ابدا عشان انا مش غضنفر وعضلات وسبع اتوبيسات في بعض عشان انزل اجيبه من قفا امه وادبه
                    ربك يفك عننا وييسر احوالنا
                    [SIZE=4][COLOR=Blue]سنـــحيا كـرامـا
                    [/COLOR][/SIZE]

                    Comment


                    • #11
                      محدش يقولى اسباب اقتصاديه وسياسية
                      هو شعب فقيع وانانى لاقصى درجه وبصراحه انا بعتبر نفسى وانا سايق كأنى بلعب يوجا انى بمرن نفسى على ضبط النفس عشان مش عاوز اموت بالضغط
                      واللى عاوز يكسر على يتفضل اللى يكلكسلى مفيش مانع
                      دعونى فى سلام!!!!!

                      Comment


                      • #12
                        طب كويس انه مفك

                        انا اول امبارح واحد متشرد ملهوش اى لزمه راكب مكنه والمكنه بتاعته بطلت منه الكلب وريح على عربيتى

                        بيقولى مش تأخد باله قولتله ياعم انا جيت جنبك

                        قالى ياعم خد بالك وبيخبط على الازاز قولتله ايه ياعم بقولك ما جيتش جنبك راح رامى المكنه وجاى جرى عليا وفتحلى مطوه

                        :d

                        انا ضربت منه المطوه لانه كان هينزلها على وشى اللى ربنا يشله فى عينه وايده ورجله ولسانه وقالى جرى ايه يابن الم....* وعايز يدينى بالدماغ كل ده فى كلمه ابن اللى يلا مش مهم

                        انا كل اللى عملته انى زعقت ولطشت ايده ولطشت كتفه لما كان عايز يدينى بالدماغ

                        كانت كلها دفاع عن النفس والناس سحبته والموضوع ما اخدتش اكتر من تلات دقايق

                        افهم من كده ايه ؟

                        انا اقسم بالله لولا انى فى منطقى لكنت طلعت عليه بالعربيه وخليته يطرش دم بس للاسف فى منطقتى وهبقى ملطشه البلطجيه بعد كده علشان كده اقسم بالله هديت نفسى رغم اللى حصل وما جيتش جنبه
                        سبحان الله وبحمده سبحان الله العظيم

                        [SIGPIC][/SIGPIC]

                        Comment


                        • #13
                          الحمد لله محصلش حاجه
                          وخير هدي نفسك بس انا عارف السواقه بتتعب بسراحه بسي حاول تبقى هادي شويه
                          ولا متقلقش ولا الهوا مفيش اي اي اي حاجه وثانيا اساسا انتا الي عامل محضر مش هوا وبعديها تصالحتوا وخلصت
                          مفيش اي حاجه متقلقش ولا ليك سجل اساسا
                          [CENTER][FONT=Comic Sans MS][SIZE=2]Rap is away to show your Emotions,Rap is big and Endless like oceans,Rap make it easier to show your feels,Rap is alife style and one of my needs[/SIZE][/FONT][/CENTER]

                          Comment


                          • #14
                            الأعتراف بالحق فضيلة ان شاء الله تطول بالك وتبقي صبور وزي مالظابط قال للراجل انه محظوظ انت كمان محظوظ انك موقعتش في واحد محشش ضربك بحاجه ولا موتك

                            Comment


                            • #15
                              واضح انك عصبي ، بس لازم تعذر الناس ، ده سنه كبير ولا يصح ان تشتمه ، ويمكن ظروفه المادية اصعب من ظروفك ، وطول النهار والليل ماشي في شوارعنا المقرفة ، انصحك بالصبر وعدم العصبية
                              والحمد لله على سلامتك
                              وداعا

                              Comment

                              Working...
                              X