القيادة في مصر ليست سيئة كما تدعون

[kimotop]

حب فيها لما تشبع
ويا سلام لو ربنا كرمك بعربية زيرو

وبعد شوية تلاقي ربنا كرمك بشغل يومي في منطقه طريقها متكسر

غويركب معاك كل يوم واحد غلس

وكل لما تقوله الطريق متكسر

يقلك اعتبرها مرجيحه يا اخي

##؟!!%@@grrrrr!!!

هههههههههههههههههههههههههههههههههههههههههههههههههه هههههههههههههههههههههههه
ثواب يا اخي

[CryptonX]

و هو مين قال ان السواقة في مصر سيئه
ده كان زمااااااان

دلوقتي السواقه في مصر كارثيه
و قد تسبب امراض القلب و الرئه و انسداد الشرايين

المفروض يحطوا الستيكر اللي علي علب السجاير علي الرخص و الزجاج الامامي و الخلفي للسيارات

مقدرتش معملش حاجة :)

[hossam_elwani]

السلام عليكم

مين قال ان القيادة في مصر سيئة و ان الشوارع رديئة ؟

كون يعني الاسفلت مكسر و مليان مطبات غير مطابقة للمقاييس العالمية و التكنولوجية و الادمية ؟
دا رزق ياعم ايوة رزق العفشجي وعياله ! يعني الناس دي تروح فين لما الشوارع تبقى حرير ... تسرق ؟

وفيها ايه يعني لما الناس تمشي في الشارع زي السيرك ومفيش حارات ولا سرعات و عسكري المرور زية زي مدرب القرود في السيرك و ماسك عصاية وبيقول " اللللي هووب " تروح الناس كلها مطنططة ؟ عاااادي اعتبره ترفيه اتش دي يا اخي !

وفيها ايه لما الناس متديش اشارات وتزنق على بعضها وكله يرمي بوزة والي صاجة اقوى يعدي ؟ مفهاش اي حاجة دي طبيعة الحياة " البقاء للاقوى "

وفيها ايه لما تمشي في شارع فيه تكاتك بتمشي في كل الاتجاهات جنب وقدام واحيانا فوق عربيتك ؟ ايه يا عم عمرك ما لعبت بلاي اسيتشن ؟ اعتبره بلاي استيشن ثري دي يا عمنا

وايه يعني لما تمشي محترم وتتشتم علشان انت ماشي محترم بسرعة محترمه ؟ ثواب يا عم حد لاقي

ومفهاش اي حاجة خالص ان سواقين الميكروباصات معظمهم ضريبة مخدرات او ناس غير اسوياء نفسيا ؟ ايه المشكلة يعني مش احسن ما يقفوا على النواصي يعاكسوا البنات !

وايه المشكلة لما تقف في الزحمة بالساعات وعاملي فيها بورم وجايبلي عربية مش عارف الف وكام سي سي او حتى الفين وكام سي سي وهورس باور وبتاع وعايش الخيال ؟ اتعلم يا اخي الصبر والتواضع وان كلنا سواسية الي راكب سيات زي الي راكب رولز رويس كلنا واقفين في اشارة واحدة مبحلقين في الفراغ .

عرفتوا بقى ان السواقة في مصر ليها الكثير والكثير ولسه الكثير من الفوائد العظيمة التي غابت عني المهم احنا مش حاسين بالنعمة الي بين ادينا والي بتصقل شخصيتنا وتعلمنا الصبر والحكمة مش فرافير زي البلاد التانية الناس الياي السوفاج الي بتمشي على حرير وتوصل في معادها .

وفي النهاية
مصري بيحب بلده مهما كانت والي جاي احلى ان شاء الله

بعد الدباجه دى كلها اشك ان بكره احلى

[horas3000]

مقدرتش معملش حاجة :)

هههههههه
كبرها بقي و اطبعها و انزل علق في الشوارع
بس ضيف القياده في مصر
لان بره الوضع مختلف

[mostafaenany]

اعتبره ابوك يا اخى :d

الكلمة دى بتودى طرة على فكرة

[horas3000]

مقدرتش معملش حاجة :)

هههههه سبتها هنا
لقيتها عندي علي الفيس بوك

https://www.facebook.com/photo.php?fbid=10151664948510351&set=a.102934560350.119923.548710350&type=1&ref=nf

[CryptonX]

يارب نعرف نبطلها بس :)

[M.Ayman]

ههههههههه ده النص المليان في الكوباية

ما النص اللي كان مليان فضي خلاص الناس لما عرفوا ان النيل اتغير مجراه عشان سد النهضه " اتوغوشوا " قاموا شربوه تحسبا لعطش قادم ولا حاجه يلا ربنا يسترها علينا ان شاء الله

[S O P H O S]

هههههه ومين قال كده بس

[Saeed-Taha]

ياعم طيب سيبك من القيادة نفسها
قولى كدا بعد ما بتقود ولو لاقدر الله وصلت بالسلامة بتعرف تركن ؟
ولو ركنت الحمدلله
بترجع تلاقى العربية سليمة وكل حاجة طبيعية ؟ :d

[mem]

إن شاء الله بكرة يبقي أحسن

[kimotop]

ههههههههههههههههههههههههههههه
شكرا على اثراء الموضوع

[rahmanboud]

هى دى تدريبات الصاعقه علشان نزداد صلابه وعزيمة وصبر ويكون عندنا مقدرة لمواجهة اللى جاى ويجعله عامر