هجيب عربية جديدة اجيب اية؟

[maio_do]

بسم الله الرحمن الرحيم

السلام عليكم ورحمه الله وبركاته

هشترى عربية جديدة باذن الله بس محتار بين
لانسر بومه او قرش

هيواندى النترا

كيا سيراتو

اى واحدة من التلاتة فى حدود 150 الف زيرو محتار الصراحه ومايل للانسر علشان يابانى بس فى نفس الوقت النترا شكلها جامد اية رايكوا ؟

[maio_do]

والنيسان الصنى يا رجالة اخبارها اية شكلها حلو وسعرها كويس جدااا

لو هنقارن بينها وبين الانسر والالنترا اية الفرق

[2CODE]

لانسر - عربية شكلها قديم من سنة 9 العبره ببلد التصنيع شوف الانسر اللي نازله عندك دي اتصنعت فين وشوف خامتها محدش من اللي اشتراها جديد ركبها وقال عليها كلمة كويسه وادخل شوف التقارير غير كده تروح فين في اشكال اليومين دول ؟ فلوانس النترا سيراتو ريو استرا الجيل الجديد من التصاميم ضيع اللانسر تماماً

تعالا للنيسان صني - مفيش كلام فرامل زباله اقل شئ يقال ونيسان بتسحب عربياتها علشان تغير (ماستر الفرامل) للعربية طيب لما الفرامل في العربية بايظة عايز ايه في العربية ؟ عربية بتمشي مش بتقف !!!!!!

طلع الاتنين اللي فوق من المقارنة خالص

[micho129]

النترا

[Dr.Solom]

سيبك من اللانسر عربية قدمت و فقيرة
السيراتو الشكل الجديد ب 185 الف
اعتقد الانترا هاتكون اختيرا مناسب
والبيجو 301 برضه ممتازه

[youssef_u]

تعالا للنيسان صني - مفيش كلام فرامل زباله اقل شئ يقال ونيسان بتسحب عربياتها علشان تغير (ماستر الفرامل) للعربية طيب لما الفرامل في العربية بايظة عايز ايه في العربية ؟ عربية بتمشي مش بتقف !!!!!!

يا راجل يا طيب ، مشاكل فرامل الصني هي ( تيل ردئ ، صفاره بسبب صاجة بتتركب في الضمان ) و مشكلة الماستر دي ان مشوار الدواسه طويل في السرعات القليله . لكن اداء الفرامل لا يعلى عليه واكتر من ممتاز

[p r i n c e]

لو مكانك هتفرج على بيجو 301 و ستروين c-elysee بس طبعا دا لو ميفرقش معاك سعر إعادة البيع أو مش ناوي تغيرها قريب
طبعا سعر إعادة بيع فالضياع

[p r i n c e]

و هتبقى وفرت مش اقل من 40 ألف
السيراتو الجديدة معدية و سعرها أعلى من المبلغ اللي مع حضرتك بكتير
و البوما قدمت يراجل حرام تشتري عربية ف 2013 بنفس الشكل اللي بتنزل بيه من عشر سنين.. مش هتحس بأي تميز...
الإلنترا طبعا تحفة فنية مقدرش اتكلم عليها و انصحك بيها لو معجبكش الستروين ولا البيجو
و بالتوفيق و مبروك مقدما

[kimotop]

الالنترا شكلها مودرن وجديد ومنتشرة وشفتها كتير في السعودية ومصر

[maio_do]

لانسر - عربية شكلها قديم من سنة 9 العبره ببلد التصنيع شوف الانسر اللي نازله عندك دي اتصنعت فين وشوف خامتها محدش من اللي اشتراها جديد ركبها وقال عليها كلمة كويسه وادخل شوف التقارير غير كده تروح فين في اشكال اليومين دول ؟ فلوانس النترا سيراتو ريو استرا الجيل الجديد من التصاميم ضيع اللانسر تماماً

تعالا للنيسان صني - مفيش كلام فرامل زباله اقل شئ يقال ونيسان بتسحب عربياتها علشان تغير (ماستر الفرامل) للعربية طيب لما الفرامل في العربية بايظة عايز ايه في العربية ؟ عربية بتمشي مش بتقف !!!!!!

طلع الاتنين اللي فوق من المقارنة خالص

تمام يا معلم فعلا العربية شكلها قديم جدااا بس قلت يابانى وهتبقى عربية محترمة لانى ركبت كريستالة 99 واحترمت الانسر منها

فيه فرق فى الشكل غير عادى طبعا وخصوصا انى شاب ويفرق معايا بس قلت لو عربية مريحة يبقى خلاص

الصنى زبالة بكل كلام الناس انا دخلت على تقرير واحد عشرين الف فى المنتدى وبعد مقريتة مش هشتريها
طبعا

[kazamodia]

خليك في البومة عربية 100 %وبتحط فلوسك في حاجة مضمونة ويوم ما تبيع تلاقي 100000 مشتري يعني اكنك جايب العربية ببلاش لانك هتبيع بنفس السعر بعد كام سنة .. وقطع غيار على الرصيف .. واديك شايف الانترا بتتسرق ازاي وثثباتها ضايع

[maio_do]

سيبك من اللانسر عربية قدمت و فقيرة
السيراتو الشكل الجديد ب 185 الف
اعتقد الانترا هاتكون اختيرا مناسب
والبيجو 301 برضه ممتازه

السيراتو فعلا رفعت رفعه غريبة وصلت ل 198

والالنترا برده وصلت لحد 180 الف

البيجو صعبة شوية علشان اعاده البيع وقطع الغيار اللى نار

شكلها هترسى على الالنترا

[maio_do]

يا راجل يا طيب ، مشاكل فرامل الصني هي ( تيل ردئ ، صفاره بسبب صاجة بتتركب في الضمان ) و مشكلة الماستر دي ان مشوار الدواسه طويل في السرعات القليله . لكن اداء الفرامل لا يعلى عليه واكتر من ممتاز

كلامك سليم بس ناس قالت التابلوة والكاوتش والتكييف فى الزحمة شكل العربية فيها مشاكل او فقيرة كتير الواحد هيدفع فوق ال 100 الاف يجيب عربية تريحه

ربنا يباركلك فيها ويكفيك شرها

[maio_do]

و هتبقى وفرت مش اقل من 40 ألف
السيراتو الجديدة معدية و سعرها أعلى من المبلغ اللي مع حضرتك بكتير
و البوما قدمت يراجل حرام تشتري عربية ف 2013 بنفس الشكل اللي بتنزل بيه من عشر سنين.. مش هتحس بأي تميز...
الإلنترا طبعا تحفة فنية مقدرش اتكلم عليها و انصحك بيها لو معجبكش الستروين ولا البيجو
و بالتوفيق و مبروك مقدما

السيراتو اتجننت مش عارف على اية

البومة فعلا قديمة جدااا بس تخيل انك تحترم ماركة من عربية موديل 99

الستروين والبيجو حلوين جدااا بس المشكلة فى اعادة البيع

بفكر فعلا فى الاخر انها هترسى على الالنترا

[maio_do]

الالنترا شكلها مودرن وجديد ومنتشرة وشفتها كتير في السعودية ومصر

فى السعودية اللى لسه متخرج بيجيبها عادى جدااا اول مبيشتغل يجبها من غير اى ضمان هى والاكسنت ويسدد بالقسط المريح اللى جايلة من شغله عادى

عموما شكلها هترسى عليها باذن الله