استفسار عن سيارات المعاقين

[anwarfawzy]

السلام عليكم ورحمه الله وبركاته انا معاكم جديد فى المنتدي وعجبني جدا المنتدي فقررت انى اشترك فيه انا عندي اعاقة فى ايدي اليمين ومعرفش ان وانا كنت بملى الاستمارة ان فى تحيد الجمرك المهم انا مكتوبلى انى انا اجيب العربيه من بوررسعيد فانا عرفت ان فى جمرك فى مدينه نصر ممكن اروحه ولا لا ولوو مش نفع انهي المعارض الحلوة اللى فى بورسعيد والاسعار كام دلوقتي لن انا عامل حسابي من 30 الى 40 الالف واسف على الاطاله وارجو من اهل الخبره انا يفدوني لنها اول مرة ليا وشكرا ليكم جميعا

[beshomilan]

اهلا بيك ونورت منتدانا العزيز
والعضو ابو يوسف ممكن يفيدك اوى فى الموضوع ده لان هو اللى ليه تجارب فى الموضوع ده

[anwarfawzy]

beshomilan اشكرك على الرد والنور نورك ونور الاعضاء وشكر على اهتمام حضرتك وياريت اعرف اتواصل مع العضو ابو يوسف قريبا ان شاء الله

[yousefsemsem]

حضرتك تروح بورسعيد افضل لان الاستثمار مليان هناك عربيات وخصوصا بوابه 1 الاسعار هناك عاليه عمتا ب30 الي 40 يجبولك نوبيرا او دايو لاسيتي اللي هي شفروليه اوبترا الماتركس عامله من 45 الي 50 وانت بقي وشاطرتك العربيه برضه الالنترا 2002 الي 2004 ممكن تخلص هناك من 40 الي 45 بس برضه انت وشاطرتك في الفصال وربنا يكرمك بحاجه كويسه
اهم شيء لما تروح تجيب تجيب في نفس اليوم ماتسبش العربيه لانهم ولاد لذين بيقلبوها

[rompo10]

اهلا بيك معانا في المنتدي

[anwarfawzy]

انا والله ماعارف اقولكم اية على المعلومات الغاليه دي ربنا يباركلكم على المعلومات المهمه دي وانا متشكر جدا والله على السرعه فى الرد والاهتمام وانا ليا الشرف انى معاكم فى المنتدي