اشتري ايه ب 15 الف جنيه ؟

[A3SAR]

السلام عليكم
انا اسمي احمد ولسه جديد هنا والمنتدى اكثر من رائع ومفيد جدا
وانا بصراحة معايا 15 الف جنيه وعايز اشتري بيهم عربيه صغيره
وانا لقيت عربيات كتيره اوى طبعا كلها مستعمله في الحدود دي
زي اللادا القديم
وستروين ax
وريجاتا حاله مهلوكه
وايضا مازدا 323
وفيه انواع تانيه كتيره
واخيرا والاهم هي سياره الشعبيه 128
وكنت محتار جدا فيها لانى لقيت كله بيشتكي من الشاسيه بتاعها
وان معظم السيارات في السوق منها مشروخه
ودي طبعا كارثه حقيقيه خصوصا علي ارواحنا في السفر وخلافه
رغم انى مرتبط بيها لانها مناسبه وسوقها شغال
الا ان موضوع الشاسيه ده يخوف
ياريت النصيحة الجاده والمفيده اشتري ايه
ومنين مع العلم انى من مدينه طنطا الغربيه
شكرا جزلا

[NourElmansy]

افضل الخيارات اللي انت قولتها : لادا .

[samyyousef]

انا قترح عليك عربية ربما لن يشاركني الراي فيها احد

مرسيدس شمامة

[أحمد جودة]

أولا أهلا وسهلا بيك فى نايل موتورز

وبعدين أنتا قولت كل حاجة إلا الحاجة المهمة (( أنتا عاوز العربية علشان اية ))) بمعني

هتروح بيها الشغل مثلا
مشوارك شكله اية مشوار طويل طريقك كويس ولا مكسر
استخدامك ليها بشكل يومي ومستمر وهتعتمد عليها فى كل مشواريك

لو الاجابة بنعم هقولك للاسف حاول تعمل زي منا عملت وتستني شوية
علشان تقدر تجيب حاجة معقولة لان الـــ 15 الف هيجيبو عربية صغيرة
ومعتقدتش انك هتعتمد عليها فى السفر ولا الخدمة الشاقة

الـــ 15 ممكن يجيبو فيات (( 127 --- 125 --- 128 ---- ريتمو )) أو فولكس بيتلز موديل قديم
مش هتلاقي طبعا مازادا بالسعر دة وهتلاقيها كويسة
المازدا 323 على ما اعتقد الكويس منها يعدي العشرين الف
معلش لو كان ردي هيسببلك نوع من الاحباط بس فكر بشكل منطقي علشان متندمش يبقي اشتريت بلــ 15 عربية مش هترضي طموحك أنا فضلت اكتر من 3 سنين واخد قرار بالشراء وفضلت منتظر لحد مجمعت مبلغ وجبت حاجة معقولة الوحش اللي واقف تحت دة

تقبل خالص تحياتي ومتابع معاك ردود باقي الاعضاء

[SYD]

اهلا بيك في نايل موتورز

لادا 79-83

والله المستعان
،
،

[beshomilan]

بص انا شايف الريتمو جميله جدا
وكمان الريجاتا فيه منها ب 17 الف بحاله كويسه
عندك الماروتى موديل قديم كويسه برضه
والسيتروين ax بيشكروا فيها اوى

[aboomar22]

مازدا 323 هاتش باك دفع خلفى وموتور 1500 وعربية جيدة وسعرها فى الحدود دى

[A3SAR]

العربية هروح بيها الشغل كل يوم
وهاسافر بيها اخر الاسبوع اسكندريه كفسحه عشان عندي طفله صغيره
وخايف من 128 لانها ضعيفه واحنا هنا شوارعنا كلها مطبات وكل يوم يحفروا علشان الميه والكهربه ..... الخ
--------
الستروين جميله بس سوقها نايم وكمان مشكلتها في قطع غيارها
والمازدا 323 بحبها جدا بس صعب الاقي حاجه ب 15000 بس اقل حاجه عشرين الف
هل من مقترحات اخرى غير الفيورا لانها بناتي و 128 لانها ضعيفه واللادا مع والدي موديل 2003 وعربيه خشنه جدا ..
انا اسف ان السؤال ده دايما متكرر من الناس بس فعلا احنا في حيره لاننا عايزين فكره جهنميه :d
شكرا

[mazagngi2010]

خد بتاعتى :)

[A3SAR]

انت بتبيع ؟

[truss]

فولكس بيتل حالة جيدة

[samyyousef]

ممكن كابريس كلاسيك بس بشرط يكون فيها غاز...يوجد منها معروض على كونتاكت كارز
حاتتحمل كبر حجمها لكن ستحصل على قوة و راحة و تكييف

[A3SAR]

كابريس كلاسيك صعبه اوى في الشوارع الضيقه كمان ضرايبها كتيره اكيد عشان السي سي ومتهيلي سوقها تقيل جدا
شكرا ليك