تعمل ايه لو واحدة جت من يمينك وطلعت قدامك وعملت حركة مش كويسة؟؟؟؟؟؟؟؟

[المنسي]

انا اللى حصل معايا امبارح اول مرة اتحط فى الموقف ده اللى حصل ان كان معايا زوجتى واولادى وكنا رايحين لناس مستنينا عند مول العرب بس على الجنب اللى فيه جامعة مصر للعلوم والتكنولوجيا المهم انا عديت الصينية بتاعة ميدان جهينة وماشى بمتوسط سرعة 60 وكنت واخد الحارة الشمال قبل الملف اللى قدام مول العرب غلشان الف واروح عند الجامعة وفجاة لقيت عربية سودا تقريبا افيو او اوبترا بقت قدامى هيه جت من يمينى وطلعت قدامى انا ولا فبالى خالص وفجاة ببص على الل سايقها لقيت واحدة ست وتقريبا كانت بتشتم وفجاة فتحت ازاز شباكها وعملت حركة بصباعها طبعا انا الدم غلى فى عروقى وكل ده انا مش فاهم ايه اللى خلاها تعمل كده المهم انا باخد الملف وانا فى الشمال وهيه داخلة معايا الملف على الواسع فرحت داخل وبلف وهيه طبعا بتلم وش عربيتها فالاكصدام عندى لصق فى الرفرف الورانى عنده وفجاة لقيتها فتحت الازاز تانى وبتقوللى ارجع ورا قلتلها مش راجع ورا اطلعى تانى المهم هيه بقت تشتم وانا كمان بشتم بس ده كل اللى حصل طبعا زوجتى بتقوللى انت غلطان علشان انا اتماديت معاها وبتقوللى مادام واحدة زى دى تعمل حركة زى دى ايه اللى يخليك تقاوح معاها



انا لغاية دلوقتى مش عارف ايه اللى خلاها تفتح ازاز شباكها وتعمل الحركة دى مع انى مش فاكر ان عملت لها حاجة وفرضا انى كنت عملت حاجة او زنقت عليها بس والله العظيم انا ممكن اكون عملت حاجة ضايقتها بس اكيد مكنتش واخد بالى فايه اللى يخليها تعمل حركة زى دى وتانى حاجة لما انا اخدت الملف على الضيق وهيه اخدته على الواسع كان مين المفروض اللى يعدى الاول هل اللى واخد الملف على الضيق ولا اللى واخد الملف على الواسع

اعذرونى انى طولت عليكم بس تعملو ايه لو وقعتو فى نفس الموقف

[kokowasfy]

انت غلطان عارف لية علشان منزلتش اديتهة بلجزمة الاشكال دى متنفعش معها الا قلة الادب بس انتا معظور معاك علتك لكن لو كان حصل معاية الموقف دا كنت قلعت الجزمة و اديتها بيها فوق دمغها انا اسف على الالفاظ دى لكن معلش فى حجات الواحد بيطلع عن شعورة فيها

[eleanor]

زوجتك معاها حق لان اللى عمل كده لو راجل هاتعرف تتكلم معاه انما دى ست ومش محترمه يعنى عندها من البجاحن ما لا يملكه الرجال
والمثل بيقولك ان غلبك راجل سلط عليه ست

[zangry]

انسانة قليلة الادب وغير محترمة مش عارف لو مكانك هعمل اية !

الشعب المصري بقي بيستهبل اخر استهبال في كل حاجة

[rahmanboud]

إذا خرج العيب من أهل العيب ميبقاش عيب ودى ست مش محترمه أصلا يعنى المفروض تكبر دماغك وما

تنزلش نفسك لمستواها وزوجتك معاها حق فى إنك تتجاهلها من الأساس .

[emad_2020]

ولا تزعل نفسك فى الشارع المصرى دلوقتى اشكال اكتر من كدا
انا مره كنت راجع من الشغل كنت فى الباص الخاص بلشركة وكان جنبى بنتين مش عايز اوصف شكلهم المحور كله كان بيتكلم عليهم من منظرهم شكلهم كان شارب المهم البنت رمت العربية قدام ميكروباص وكنت هتخبطه السواق بيكلمها وبعد كدا مشيت وارحت مخرجة ايدها وعملت حركة الراجل ميقدرش يعملها بصراحة مفيش اخلاق ولا تربيه

[dede_dodo88]

البرود التام هو الحل الأمثل للتعامل مع الناس دي.. تعامل معاهم كأنهم مش موجودين..
لكن هتدخل معاهم في مشادة كلامية و تنرفز نفسك فأنت كده بتنزل لمستواهم و أنت اللي هتبقى خسران..

[beshomilan]

واحده مش تعبانه فتمن العربيه تفتكر مش هتعمل كده!!
واحده مدلعة وبابى بيصرف عليها مش هتعمل كده؟؟

انصحك اخى وبشده ابعد عن العصبيه وخصوص وانت معاك عيلتك ومتعملش زيي لما مسكت فتكسجى من مده ورحنا القسم عشان نفس السبب اللى بتحكيه ومستفدتش اى حاجه وحكيت الموضوع هنا

لو حد عمل زى ماهى عملت..اعمل نفسك مخدتش بالك واستغفر الله وكمل طريقك وولا كأن فيه حاجه حصلت ويفضل تسيبها تسبقك وتغيب عن نظرك احسن

[محمد يوسف]

تقريبا الحركة دى بقت منتشرة..أنا برضه شفتها فى شارع جامعة الدول راجل شكله محترم فيه ست رمت عليه شكلها غشيمة بس هو ما استحملش وفضل يديها كلاكس وراح طالع بسرعة من جنبها وعمل الحركة دى بصباعه..أنا كنت مذهول بصراحة بس واضح انها بقت عادة عند المصريين

[speed_magnum]

موقف عااااااااادي جدا في ظل الانهيار الاخلاقي
كل يوم بتعدي علينا اشكال اللي بيشتم واللي يعمل حركه بايده واللي يزنق عليك وبسبب او من غير سبب
......
خليك باااااااارد في التعامل
.......
وربنا يسترها معانا ومعاك

[Maged_Samy]

معلش يا استاذ منسى البلد دلوقتى بقت للاسف الاخلاق فيها شبه معدومة ، انا من شهر شفت واحد فى وسط البلد فى الاسكندرية سايق عربيه لادا وواحد ست كسرت عليه فشتمها (اظن انه توبيخ بسيط لان كان معاه زوجته منقبه ومظنش انه ممكن يقول لفظ خارج ) و فى لحظة لقيت الست بتكسر على اللادا و واحد نزل من عربيه الست وجرى ورا اللادا وفتح باب السواق ووقف العربيه وراح ضارب الراجل بمطواه فى وجهه قدام عينى ولولا ان الناس بتوع حرس البنك المواجه للحادث طلعوا رجالة جداً ووقفوا العربيه لانه ركب والست كانت هتجرى بس الواد جرى ورمى المطواه بعيد ورجع تانى والظابط جه وركب معاهم وطبعاً فى الاخر اية ؟ مشاجرة وخلاص ....
ربنا يسترها على الجميع

[Mohamed Bander]

احسن حاجه نك تتجنب الاشكال دى ،، كان ممكن لو قربت منها ممكن تلبسك قضية تحرش او هتك عرض لانها جايز تتبلى عليك بالباطل ،، وساعتها الشارع كله هيبقى معاها عليك

[mohamed_selim]

معلش التربيه بقت عمله نادره

[mamo1700]

يا رجاله صلوا علي النبي لما توصل السفاله اني واحد معاه فيرنا كاتب عليها (مستني مني ايه + رسمه حركه الصباع ) ممكن حد يفهمني ايه قله الادب دي !

[Karim Ibiza]

يا راجل كبر مخك

أحيانا الواحد لما بيكون قافل زجاج العربية ومشغل التكييف بيبقى منعزل عن العالم الخارجى وتركيزه بيقل لأن أصوات الكلاكسات والكاوتش والمواتير بتاعت العربيات اللى حواليه بتقل
فممكن تكون حضرتك من غير ما تقصد قفلت عليها أو ماشى قدامها على مهلك أو واخد حارتين وهى مش عارفة تعديك ولا تمشى وراك طالما دخلت معاك الملف

وده طبعا ميدهاش الحق انها تعمل كده ولا يمنع انها مش محترمة بس مكانش المفروض ترد عليها او تعمل عقلك بعقلها لأنها طالما هى بالجراءة دى فتأكد ان الموضوع لو كان تتطور كنت انت اللى كنت هتزعل