ايه رايكم في لادا سمارا المحيره !

[A3SAR]

السلام عليكم
وانا بدور علي عربيات لقيت لادا سمارا
مكتوب انها ناعمه جدا مش زي اللادا العاديه
وطبعا شكلها جميل شبه المازدا القديم والاسكودا القديم
وتقريبا مفيهاش مشاكل الا مشكله الحراره اللى هي موجوده في اللادا عموما
انا عايز اعرف ايه سبب ان العربيات دي مش منتشره اوى
واسعارها مش غالي يعني في حدود 15 الف جنيه تجيب عربيه موديل 1990 !
ايه السبب وايه رايكم فيها ؟

[A3SAR]

ياريت حد يرد عليا ؟.

[i_Am_Legend]

اتكل على الله واشتريها ..عربية زى الفل ..كانت معايا وممتااااااازة

[A3SAR]

i_Am_Legend
انا اصلا قريت موضوعك كله وانت كنت بتشتري من حمدي لادا
وعرفت التفاصيل وكنت بتسأل واحد صاحبك وقتها عليها
بس انت ليه بيعتها وبالامانه ايه العيوب اللى ممكن تظهر فيها
ولو حبيت ابيعها بعد شويه هاتعب ولا لا ؟

[nesr6060]

انا الصراحه شايف ان فى الرينج بتاعها فى احسن منها بس انا لو هقولك خدها هقولك احسن حااجه فيها عفشتها وصاجها غير كدا شايفها سلحفاه ماشيه على الارض مدرعه زى السلحفه وبطيئه زيها

[A3SAR]

طيب ايه احسن منها ؟؟
انا دورت كتير ومش لاقي تقريبا احسن منها ..
علي فكره انا يهمني ان العربيه تجيب 120 بس واكيد هتجيبهم يعني عادي
المهم انها تكون ثابته
لو انت عندك سبب مقنع انها سلحفه ياريت تفيدني وشكرا اوى لاهتمامك

[i_Am_Legend]

انا الصراحه شايف ان فى الرينج بتاعها فى احسن منها بس انا لو هقولك خدها هقولك احسن حااجه فيها عفشتها وصاجها غير كدا شايفها سلحفاه ماشيه على الارض مدرعه زى السلحفه وبطيئه زيها

لا ياباشا مش بطيئة خاااااااااااالص...انا كنت بجرى بيها مع ابيزا زى اللى مع حضرتك..وكنت بشد بيها مع اى حد..بتجرى جامد جداااااا....وموتورها مش ضعيف...وفى منها 1300 و1500..وهى مبنية على شاسية جولف 2

[i_Am_Legend]

i_am_legend
انا اصلا قريت موضوعك كله وانت كنت بتشتري من حمدي لادا
وعرفت التفاصيل وكنت بتسأل واحد صاحبك وقتها عليها
بس انت ليه بيعتها وبالامانه ايه العيوب اللى ممكن تظهر فيها
ولو حبيت ابيعها بعد شويه هاتعب ولا لا ؟

انا مابعتهاش لعيب فيها...انا بعتها علشان ربنا اكرمنى بمبلغ..واشتريت بعدها اونو..وبعدين لانشيا ديدرا..وبعدين الفا روميو 146 وبعدين الفاروميو 156 وبعدين الفا روميو 146 تااانى :)

[nesr6060]

انا عارف يا باشا انها على شاسيه جولف 2 وده السبب اللى خلانى انى اقول عفشتها جامده وشاسيها جامد
بس يا باشا العربيه سحبها ضعيف جدااااااااا والتسارع بتاعها مش اوى يمكن السبب فى ده ان جسمها تقيل عليها علشان كدا قولت انها زى السلحفاه تقريبا تقدر تقول زى النيفا بس اسرع منها شويه ومعتقدشى برده ثباتها اوى فى الغرز لان البودى بتاعها ميساعدهاش تاخد غررز على فكره انا كت ناوى اجيبها قبل الابيزا بس بجد معجبتنيش حسيت ان انا راكب 128 معدله ضد السخونه والعفشه احسن
فالصراحه انا شايف ان فى فئه العربيه دى فى الاحسن منها زى الابيزا ال سيسم بورش اللى قبل ال 93 والبيجو 205 ولون فى ناس هتقول ان اللادا سمارا احسن من البيجو 205 بس انا شايف البيجو 205 بجنوط اكبر شويه هتبقى اجمد
هى الادا سمارا الميزا الجامده فيها امشى بيها فى شوارع مصر ولا يهمك ولا هتشتكى منك فى عفشه ولا حاجه والتوكتوك اللى يزعلك شيله بيها ولو فى عمود نور مضايقك خش فيه ولا يهمك بس موتورها انا شايفه ضعيف عليها وشايف ثباتها الصراحه مش اوى فلو ناوى تجرى وتشد مع غيرك مانصحكشى بيها

[A3SAR]

شكرا علي الردود