فكره وردت فى دماغى بخصوص الحراره

[aldesha989]

السلام عليكم ورحمة الله وبركاتة

انا اعتقد ان كلامى هيكون للعربيات القديمه لان الجديد بيطلع فيه stop وغالبآ بتعمل صوت

اانا عايز اعرف ازاى ممكن نعمل انذار صغير زى صوت جرس السرعه لما الحراره تعدى مستوى معين احنا نحدده بحيث اننا نأخد بالنا لما الحراره تعلى عن المعدل الطبيعى وليكن قبل الربع الاخير من المستوى بتاع الحراره علشان نتفادى اى حاجه تبهدل الدنيا فى الماتور ؟

الجرس فكرته سهله اى جرس صغير زى بتاع تليفوانات البيت حتى او اى حاجه مش هتفرق لكن الفكره ازاى نحطه على المؤشر لما يعدى خط معين يشتغل

[beshomilan]

هو هو نفس فكره انذار السرعة لما تعدى سرعة ال 120 فى عداد العربيه

[aldesha989]

الموضوع ده ما شفتهوش غير فى العربيات الجديده بس بتاع السرعه وده علشان الكمبيوتر هو اللى بيتحكم فيه لكن فى العربيات القديمه ايه اللى ممكن نعمله علشان نشغل الاتنين السرعه والحراره ؟

[mahmoud85]

ممكن حساس حراره او ثرموستات زي بتاع التلاجه يكون علي درجه حراره معينه
لما يشتغل يقفل دايره كهربيه فيها جرس
بس هتحط الثرموستات فييييييييييين

[aldesha989]

ممكن حساس حراره او ثرموستات زي بتاع التلاجه يكون علي درجه حراره معينه
لما يشتغل يقفل دايره كهربيه فيها جرس
بس هتحط الثرموستات فييييييييييين

ممكن نعمله زى اللى على الكوعه بتاعت المروحه اللى بيشغل المروحه لما درجه الحراره تعدى ال 90 ممكن نجيب ثرموستات بيشتغل على 110 مثلآ او على 100 وبدل ما نوصله بالمروحه نوصله جوا العربيه بأى جرس بس فكره حلوه محتاجه تظبيط

[mahmoud85]

ممكن نعمله زى اللى على الكوعه بتاعت المروحه اللى بيشغل المروحه لما درجه الحراره تعدى ال 90 ممكن نجيب ثرموستات بيشتغل على 110 مثلآ او على 100 وبدل ما نوصله بالمروحه نوصله جوا العربيه بأى جرس بس فكره حلوه محتاجه تظبيط

بس المشكله الترموستات الجديد ده هتحطه فين ؟ احنا عاوزين حاجه تقيس الحراره فقط ودي ممكن تلاقيها عند اي حد بتاع الكترونيات

[Elawany13]

من سنة ولا اتنين عملنا موضوع زى ده
وللأسف محدش عرف يعمل حاجه

[Muahmmad Honda]

متابع

[beshomilan]

الموضوع ده ما شفتهوش غير فى العربيات الجديده بس بتاع السرعه وده علشان الكمبيوتر هو اللى بيتحكم فيه لكن فى العربيات القديمه ايه اللى ممكن نعمله علشان نشغل الاتنين السرعه والحراره ؟

انا عربيتى اكسيل 96 وتعتبر قديمه وفيها انذار السرعة..اعتقد ان المازدا عندك احدث منى

[aldesha989]

انا عربيتى اكسيل 96 وتعتبر قديمه وفيها انذار السرعة..اعتقد ان المازدا عندك احدث منى

مع ان فيا كمبيوتر لكن الظاهر مش شغال والانذار بتاع السرعه مش شغال

[aldesha989]

دلوقتى احنا لو حطينا ثرموستات زى اللى على الكوعه بتاع المروحه اللى لما بيوصل درجه معينه بيشغل المروحه
هل لو حطينا واحد بعديه او قبليه يشتغل على درجه حراره اعلى بشويه هينفع ؟

والباقى سهل توصيلات كهرباء وسماعه بطلع صوت صفاره فى الكابينه وممكن نخليها تقلب انوار ومراجيح بس هل الفكره دى نافعه ؟ ولا هتأثر على حاجه فى دورة التبريد اننا نحط اتنين ثرموستات ؟

[aldesha989]

بس المشكله الترموستات الجديد ده هتحطه فين ؟ احنا عاوزين حاجه تقيس الحراره فقط ودي ممكن تلاقيها عند اي حد بتاع الكترونيات

الثرموستات اللى محطوط على كوع المايه اللى قبل الردرياتير او شوف عندكم مثلآ محطوط مكانه فين اللى هو لما درجه الحرار توصل 90 بيشتغل ويشغل المروحه اول لما يوصل 90 بيوصل كهرباء هل لو حطينا واحد زيه بعديه او قبليه بدرجه حراره اعلى منه هنقدر نعملها ولا هنلعب فى حاجه غلط انا شايف انه مافيهوش ضرر لسبب انه مش هيمنع وصول مايه ولا اى حاجه هى مجرد قطعه تانيه هتتحط بين كوعه المايه اللى طالعه من الردرياتير فوق وهتوصل كهرباء لما توصل درجه الحراره مثلآ 100 او 110 زى ما احنا نختار علشان نعرف نبتدى نبطل امتى

لان فى الغالب معظمنا لما بيبص مش بيركز فى الحراره اوى وانا واحد منكم مره اتفاجأت بالدخان الابيض والمايه اللى بتغلى فا هتبقى فكره حلوه انها تدينا انذار على الاقل نقف بدرى شويه قبل مرحله الخطر

[mahmoud85]

انا صيف شتا مش بنزل عيني من علي العدادات .. بس ده ما يمنعش اني اتفاجأ بعداد مره يستهبل
عموما ربنا يعدي الشهرين دول علي خير سواء عالعربيه او في البيوت لان الصيف ده هوت هوت هوت والكهربا اكيييد هتقطع

[aldesha989]

انا صيف شتا مش بنزل عيني من علي العدادات .. بس ده ما يمنعش اني اتفاجأ بعداد مره يستهبل
عموما ربنا يعدي الشهرين دول علي خير سواء عالعربيه او في البيوت لان الصيف ده هوت هوت هوت والكهربا اكيييد هتقطع

لسه كانت قاطعه من شويه

[mahmoud85]

لسه كانت قاطعه من شويه

انت من اسكندريه ؟ ده الاسكندرانيه عملو معايا احلي واجب ونفخوني ... كل ما اسال حد علي مكان يوصفلي وصف غلط لحد ما ضاع اليوم من غير ما اطلع شهاده مخالفات ههههههههههههههه ربنا يسامحكم