ببص من الشباك مالقيتش الميكروباسات

[janagabr]

ات جود مومنت
وانا بشرب كوباية الشاي بتاعت كل يوم العصر ببص من الشباك مالقيتش ولا ميكروباس ولا اتوبيس ولا ميني باس ولا موتوسكل ولا تاكسيات
لقيت الملاكي بس اللي ماشي في الشارع
والغريبة اني ماسمعتش اصوات الكلاكسات ولا كلمه رمسيس رمسيس رمسيس
فقولت يا واد انزل شوف فيه ايه
ومن فرحتي نزلت بالشبشب والشورت والفانلة الحمالات
لقيت واحد صاحبي نازل جري علي عربيتة ولابس الجالبية قولتله في ايه ياعم قالي النهاردة الحكومة منعت المواصلات وانهاردة يوم المالاكي بس الحق خدلك لفة

قومت واخد اسرتي الجميلة وعربيتي الحلوه والحمد لله كنت مفولها وقولت انهاردة هنستمتع بالسواقة مش هنروح نوادي ولا كافيهات هنقضي اليوم كله لف بالعربية وهنشوف جمال مصر من غير ما حد يزمر ولا يقف يحمل في نصف الطريق ولا سواق تاكس يتخانق علي الاجرة ولا الحوارات ده
وكنت فرحان جدا بالسواقة ومشغل التكيف بتاعي واتعرفت علي امكانيات عربيتي واكتشفت حاجات في العربية مكنتش بتظهر قبل كده عشان الزحمة
يا جدعان ده العربية طلعت بتسحب سحب وانا اللي كنت ظالمها
وقولت ياه لو الحكومة تمنع العربيات ده من المشي في الشوارع ده السواقة هتبقي عالم تاني
وفجأة لقيت نفسي بعرق وبسخن والتكيف وقف قولت اكيد البنزين خلص
لقيت بنتي الصغيرة ناطه فوق دماغي وبتقولي اصحي يابابا الكهرباء قطعت
اتاريني كنت نايم عطشان عشان المياة قاطعه امبارح
بس موضوع ان الملاكي بس اللي يمش ده فكرة جامدة
علي فكرة الشتيمة حرام

علي الرغم من كرهنا لوسائل المواصلات العشوائية وما تسببه من ازمة في الشوارع المصرية الا انها تساعد ملايين من الناس في تقضيه مصالحهم وانتقالاتهم لعدم امتلاكهم سيارات
فنحمد لله علي نعمه علينا
فغيرنا اقصي طموحه ان يركب فقط سيارة بدون تكيف
فنتمني من الله ان يغفر لنا تقصيرنا في حمده علي نعمه علينا

مش عارف الموضوع قلب دين في الاخر ليه

[reda elgohary]

فكرة جامدة موووت بس تبق نظام حارات يعنى حارة للملاكى وحارة للنقل ونص حارة للموتوسيكل وهكذا وكل واحد يمشى ف حارته .

[akmm]

فكرة جامدة موووت بس تبق نظام حارات يعنى حارة للملاكى وحارة للنقل ونص حارة للموتوسيكل وهكذا وكل واحد يمشى ف حارته .

ممكن بس هنعوز شوارع مش اقل من 40 متر عرض ؟؟؟؟؟؟؟؟؟؟؟؟؟؟؟؟؟؟

[mohammedabdallh]

[El Prince]

أطغاث احلام فى مملكة المنام

و اديك صحيت غلى الميه و الكهرباء المقطوعين

الآن يا عزيزى - الفوضى هى سمة هذا الزمان

[mesaharaty]

والله حسيت من كمية التفاؤل اللى فى الموضوع إنه حلم لذيذ

[hassanin_lada]

ضحك السنين

بس كلها احلام

{وح كمل نوم بقي اهو النور جه :d

[Imhotep]

رأيى ترجع تانى تنام عشان الحياة فى الاحلام احلى :-)
اما اخش انام انا كمان :-)

[rahmanboud]

مش عارف أكتب تعليق - أفرح بالحلم الجميل ولا أحزن على الواقع المر والفوضى العشوائيه

بالله عليك يا شيخ إوعى تنام تانى وإنت عطشان

و إذا إضطريت تنام وإنت عطشان يبقى تحلم حلم ممكن يتحقق

[kazamodia]

والله بقا انا معايا عربيتي لسه شاريها جديد وفي رأيي انهم يمنعوا العربيات الملاكي او يفرضوا عليها ضريبة لدخول الاماكن الحيوية عشان الناس تتنشط شوية ويركبوا مواصلات عامة وده هيقلل من الاسراف في البنزين على الفاضي وهيحل ازمة الوقود جامد

[LORD.ADeL]

العطتش حلو مفيش كلام
الله يرضي عليك ياباشاا والله ياريت
احلام اليقظة

[S O P H O S]

جميل التفاءل والله

[medo111]

والله بقا انا معايا عربيتي لسه شاريها جديد وفي رأيي انهم يمنعوا العربيات الملاكي او يفرضوا عليها ضريبة لدخول الاماكن الحيوية عشان الناس تتنشط شوية ويركبوا مواصلات عامة وده هيقلل من الاسراف في البنزين على الفاضي وهيحل ازمة الوقود جامد

والناس تستخدم رجليها ويخسو شويه والامراض تقل والمستشفيات تفضي واستهلاك الادويه يقل والكهربا والبنزين والدوله ميبقاش عندها عجز

[monamize4]

الكوميديا السوداء :)

[el diesel]

جرعة أمل :)