إعـــــــلان

Collapse

.

,
See more
See less

الحقو دا طلع 5 لتر فى اليوم اشتغالة

Collapse
X
 
  • Filter
  • الوقت
  • Show
Clear All
new posts

  • الحقو دا طلع 5 لتر فى اليوم اشتغالة

    السلام عليكم ورحمة اللة
    بععععععد وقت طوييييييييل من التفكير و الاشعات و حتى القرارات الى كانت بيطلعوها عن البنزين وال5 لتر فى ايوم دا كلو طلع فرقعة يشوفو الشعب هيعمل اية فا طلع مصدر منسئوا بيقول اية ان الكروت الذكية لتحديد الكمية و حصهرا عشان متتبعش فى السوق السودا صراحة انا احترت مع البلد دى اللة يصلح حالك يا مصر قولو يارب

  • #2
    ياعم مش اشتغاله ولا حاجه
    كل الحكاية ان تحديد الكميات هيتأجل شوية
    لما الشعب يهدى شوية
    [SIGPIC]http://www.nilemotors.net/Nile/signaturepics/sigpic82537_6.gif[/SIGPIC]

    [URL="http://www.nilemotors.net/Nile/248610-o-oo-oo-o.html"][SIZE=4][COLOR=RoyalBlue][COLOR=Magenta]◄O*oo[/COLOR] غرائب [COLOR=Red]&[/COLOR] وعجائب مدهشة فى عــــــــ [COLOR=Blue]الســيارات[/COLOR] ــــــــــــــــــالــــم[COLOR=Magenta] oo*O►[/COLOR][/COLOR][/SIZE][/URL]

    Comment


    • #3
      لسه شوية وهيطبق فرأي

      Comment


      • #4
        ان شاء الله هيمشوا فمظاهرات 6/30 و مش هيطبق و لا حاجه قولوا امين
        [SIZE=2][img3]http://im77.gulfup.com/mVDw3c.png[/img3][/SIZE]

        Comment


        • #5
          يعملوا اللى يعملواه هما حرين هما اللى هايشيلوا فى الاخر لو احسنوا الناس هاتحبهم ولو اساءو الناس هاتكرههم وتقرفهم فى عيشتهم

          بيقوللك نتيجه تطبيق نظام الكروت لصرف الوقود للمحطات
          طلع ان فيه 200 محطه وهميه مسجله على الورق فقط وبيتصرفلها وقود !!!!!!!!!!!!!!!!!!!!!

          ياحلاوه
          انا مصمم علي بلوغ الهدف ...اما ان انجح واما ان انجح

          Comment


          • #6
            هو كل اللى فى الموضوع انهم الاول هيطبقوا نظام الكروت على محطات البنزين عشان يقللوا السرقة والكلام دة فى الشهر الحالة

            وشهر 7 هيتم تطبيقة على السولار

            وشهر 8 هيتم تطبيقة علينا

            يعنى هما هيتاخدوا واحدة واحدة , يعنى من الاخر النظام دة هيتم تطبيقة علينا من شهر 8 على حسب كلام المسؤلين
            [CENTER][SIZE=6]SEMSEM KANE سابقا[/SIZE][/CENTER]

            [img2]http://nileup.com/up/uploads/nilemotors_13635570671.jpg[/img2]

            Comment


            • #7
              المشاركة الأصلية كتبت بواسطة elawany13 مشاهدة المشاركة
              ياعم مش اشتغاله ولا حاجه
              كل الحكاية ان تحديد الكميات هيتأجل شوية
              لما الشعب يهدى شوية
              +1
              هما بس لازم يؤجلوا الموضوع شويه لحد ما يطبقوا نظام الكروت في الاول علشان الناس تسيبهم يجربوا براحتهم

              Comment


              • #8
                المشاركة الأصلية كتبت بواسطة kokowasfy مشاهدة المشاركة
                السلام عليكم ورحمة الله
                بععععععد وقت طوييييييييل من التفكير و الاشعات و حتى القرارات الى كانت بيطلعوها عن البنزين وال5 لتر فى ايوم دا كلو طلع فرقعة يشوفو الشعب هيعمل اية فا طلع مصدر منسئوا بيقول اية ان الكروت الذكية لتحديد الكمية و حصهرا عشان متتبعش فى السوق السودا صراحة انا احترت مع البلد دى الله يصلح حالك يا مصر قولو يارب
                مش اشتغاله ولا حاجه الموضوع كله معمول على مراحل مش اكتر بس ربنا يهديهم ويزودوا الـ 5 لتر دول لحسن 5 لتر دي متعملش حاجه خالص
                [SIZE=3][COLOR=Sienna]أنا سعيد انك سألتني السؤال د[/COLOR][/SIZE][SIZE=3][COLOR=Sienna]ه[/COLOR][/SIZE][SIZE=3][COLOR=Sienna]:star1:[/COLOR][/SIZE][SIZE=3][COLOR=Teal]
                [SIZE=5][COLOR=Teal]محمد كُريم[/COLOR][/SIZE][/COLOR][/SIZE]

                Comment


                • #9
                  المشاركة الأصلية كتبت بواسطة midooo_119 مشاهدة المشاركة
                  ان شاء الله هيمشوا فمظاهرات 6/30 و مش هيطبق و لا حاجه قولوا امين
                  حتى لو مشيوا برضوا هيطبق وهو كده كده كان هيتعمل من زمان من ايام حسني لولا بس الثوره مدتهوش فرصه وايام المجلس العسكري كان في كلام عليه والاخوان جم بيكملوا اللي قبلهم بدأوه ولو مشيوا اللي هييجي هينفذه برضوا
                  [SIZE=3][COLOR=Sienna]أنا سعيد انك سألتني السؤال د[/COLOR][/SIZE][SIZE=3][COLOR=Sienna]ه[/COLOR][/SIZE][SIZE=3][COLOR=Sienna]:star1:[/COLOR][/SIZE][SIZE=3][COLOR=Teal]
                  [SIZE=5][COLOR=Teal]محمد كُريم[/COLOR][/SIZE][/COLOR][/SIZE]

                  Comment


                  • #10
                    يا جماعة احنا مشكلتنا الرئيسية في مصر هي الدعم وخصوصا دعم الطاقة وانا شايف انها حاجة كويسة انهم يعملوا 5 لتر في اليوم وبعد كده بالسعر العالمي لان دعم الطاقة ده والله هو اللي جايبنا ورا هو ودعم العيش والتموين والكلام ده والله لو اتلغى هيبقى احسن كتير

                    Comment


                    • #11
                      نظام الكروت حيشتغل فعلا لمده سنه على الملاكى ولكن بدون حد اقصى لعدد اللترات

                      وبعد السنه حيتم تطبيق نظام 150 لتر فى الشهر
                      [SIGPIC][/SIGPIC]

                      Comment


                      • #12
                        انا اكتر حاجه بتخنقني في حوار الدعم ده انه حتى الاجانب والسفارات واي حد بيحوط بنزين مدعم معانا حاجه تييييييييييييييييييييييييييت
                        يعني دلوقتي البلد مليانه ليبيين وطبعا كلهم نازلين بعربيات مواتيرها 2000 وانت طالع ويجي يحوط بنزين مدعم من فلوسنا ايه الهبل ده والسفارات طبعا كلها عربيات مرسيدس e &s وجيبات وحاجات 6 سليندر ويجوا يحوطوا بنزين مدعم وطبعا اخونا الخلايجه اللي بيدروسوا هنا طبعا الموستناج والكورفت والبلاوي السوده دي ويجي يحوط بنزين مدعم ليه يعني
                        سبحان الله وبحمده سبحان الله العظيم

                        Comment


                        • #13
                          المشاركة الأصلية كتبت بواسطة kazamodia مشاهدة المشاركة
                          يا جماعة احنا مشكلتنا الرئيسية في مصر هي الدعم وخصوصا دعم الطاقة وانا شايف انها حاجة كويسة انهم يعملوا 5 لتر في اليوم وبعد كده بالسعر العالمي لان دعم الطاقة ده والله هو اللي جايبنا ورا هو ودعم العيش والتموين والكلام ده والله لو اتلغى هيبقى احسن كتير
                          اتفق معاك في حاله واحده
                          لما الحكومه توفر بدائل للمواصلات الادميه عشان الواحد يسيب عربيته وينزل اي مكان بمواصلات تحترم ادميته واللي عاوز بعد كده يركب عربيته هو حر بقى يدفع بنزين براحته من غير دعم
                          لكن في الوقت الحالي العربيه مش رفاهيه خالص ده الناس بتبهدل نفسها وبتورط نفسها في اقساط وخلافه ويمكن كمان بياخدوا من قوتهم عشان يرحموا نفسهم من المرمطه والبهدله وقلله الأدب وقله القيمه اللي بيشوفوها في المواصلات تروح الحكومه كمان تلغي الدعم عشان تضغط على المواطن اكتر واكتر
                          وبعدين طالما هيلغوا الدعم عن البنزين يبقى المفروض كمان يلغوا الجمارك ويخفضوا الضرائب على السيارات لانهم كانوا بيتخدوا بحجه دعم البنزين مش كده ولا ايه ؟؟؟؟
                          ولا لحد هنا والحكومه مخدتش بالها
                          وبعدين 5 لتر دي الواحد يعمل بيهم ايه دي متوصلنيش الشغل رايح جاي كل يوم
                          [SIZE=3][COLOR=Sienna]أنا سعيد انك سألتني السؤال د[/COLOR][/SIZE][SIZE=3][COLOR=Sienna]ه[/COLOR][/SIZE][SIZE=3][COLOR=Sienna]:star1:[/COLOR][/SIZE][SIZE=3][COLOR=Teal]
                          [SIZE=5][COLOR=Teal]محمد كُريم[/COLOR][/SIZE][/COLOR][/SIZE]

                          Comment


                          • #14
                            الكلام على الكارت الذكى اللى بيقصده صاحب الموضوع اظن انه بيقصد الكارت الذكى اللى تم تطبيقة بالفعل على عدد من المحطات وهو كارت ناقل الوقود اى السيارة اللى بتنقل البنزين او السولار لما بيملىء السيارة بتتسجل الكمية على كارت ذكى مع السائق ولما بيفرغها فى المحطة بتتسجل على الكارت انه سلمها لاى محطة والكمية وكده لكن هيبقى نظام غير فعال حتى تطبيق المنظومة كاملة لان ممكن السيارة تسلم البنزين او السولار للمحطة بالكارت لكن على الورق فقط وتروح تبيعة بره او المحطة تستلم بالفعل وبرضه تبيعه بره

                            Comment

                            Working...
                            X