ايه هي عربيتك وايه مميزاتها وعيوبها بأمانة

[Elawany13]

ماروتى 2010
المميزات
موفرة ف البنزين ﻻن الموتور 800 3 سلندر
بتجرى لحد 130
التسارع حلو
حلوه ف الزحمة ﻻن حجمها صغير
واسعه من جوه بالذات عن الشاهين
العيوب بقى
الشنطة صغيرة جدا جدا
الثبات فى الضياع خصوصا لو على سفر (تبقى ماشى فى صﻻح سالم يجى شوية هوا يودوك الدائرى)
قطع الغيار مش منتشره عند كل الناس

بتجيب طقم جبرياج بسرعه

باشا
مش فاهم تقصد ايه بإن الماروتى واسعه من جوه عن الشاهين !!!!
ده انا بشوف اللى قاعد جنب السائق بيكون كتفه لازق فى السائق

[bassemhoho]

لانسر شارك 2008
المميزات
الوسع الداخلي
الثبات تحفه
عاليه من الارض حتي مع الركاب
التنظيم الداخلي
التكييف مش بتحس حاجه في السحب
الشكل الخارجي
بتجمع السرعه بسرعه
استهلاك البنزين كويس 200-220 كم في الصفيحه
العيوب
الشنطه ديقه جدااااا لان الجنط كبير واخد منها جزء كبير ( كنت بفكر اركب غاز عشان مشاكل البنزين الشركه عملت فحص ملقوش الشنطه تاخد غير الانبوبه الصغيره جدا مقاس 40 )
قطع الغيار متوفره بس غاليه
مش كل الناس تفهم فيها
الجنط كبير 16 غالي شويه

[el diesel]

بسم الله الرحمن الرحيم
عربيتى
ألفا روميو 146
موديل 1996

المميزات
1- انتاج ايطالى صرف
2-عربية سابقة جيلها بحاجات كتير جدا " باور- انجيكشن - سنتر - تكييف امامى وجانبى و خلفى للكنبة - ايموبلايزر " فيه منها abs بس مانزلتش مصر كتيير
3- ثبات وهمى اقسم بالله غرز 140/150 وماتحسش بحاجة
4 - قطع غيارها متوفرة دلوقتى جديد واستيراد
"قبل كده كان فيه مشكلة فى توافر قطع الغيار "
واسعارها اقل بكتير من قطع غيار الكورى اللى مغرق البلد
4 - مشاكلها الميكانيكية و الكهربية يعتبر مفيش يعنى تعمل سرفيس كامل وتنام عليه سنة وتغير زيت وبنزين فقط لا غير
5- العربية سحبها غبى وبتشد بطريقة تخوف "1600 سى سى
110 والحمد لله بتعلم على عربيات كتير انتاج السنة دى :)
6- عدم انتشارها ده فى حد ذاته انا شايفه ميزة انك تبقى راكب عربية مفيش منها 2 فى نفس المنطقة او تبقى مفيش غير عربيتك فى المحافظة وده للمحافظات البعيدة شوية
بعكس اما تبقى راكب عربية موديل السنة وجمبك هيا هيا بس شغالة تاكسى
العيوب
1- انخفاض مقدمة العربية وده مش عيب لأن العربية ده تصميمها بحيث انها تقابل اقل قوة دفع هواء مقابل ليها وتصميم العربية اساسا ماخوذ من عربية سباق
وللاسف الطرق الداخلية هنا فى مصر زبالة لكن لو ماشى بيها على طريق سفر " سخنة - صحراوى " تلاقى احلى اداء

2-انخفاض العمر الزمنى للمواتير بتاعتها"مواتير بوكسر "يعنى نقدر نقول 150 الف كيلو وتغير موتور لكن ده مش مشكلة لأن الموتور بيجى كله على بعضه استيراد ب3000 جنيه و بيتسقط فى ساعتين زمن وبيجى عامل 30 الف كيلو من بلده :)

3- قلة عدد الميكانيكة اللى شغالين فيها لكن الحمد لله احنا جمعناهم "7" ومعروفين عناونيهم واماكنهم وتوزعين على القاهرة
بس كده و صورة العربية فى التوقيع :)

[أبو يوسف]

هيونداى ماتريكس

المميزات :
عائلية جداً - واسعة جداً
شكلها حلو
قطع غيار رخيصة ( برة التوكيل طبعاً )
صيانتها مش غالية
تكييف + بور + فوانيس شبورة + عالية من على الارض

العيوب :
عفشة سيئة
الحوض ضيق جداً

[Mr_SelvesteR]

كيا سبكترا اوتوماتيك 1600 سي سي
المميزات :
العربية بسم الله ما شاء الله صاج قوي العربية واسعة
السحب حلو ... التكييف حلو لو مظبوط
الثبات جميل بصراحة لحد 160/170 مش بحس بحاجة وباخد غرز بس انا مركب جنط 15

العيوب :
قطع الغيار غلسة شوية
الشكمان بتاعها صوتو عالي ... يعني وحش للي بيحب العربية هادية وهي بتبقي هادية علي السرعات الثابتة انما الكيك داون اكنك مركب ديفل صوتو رخم
العربية حاسسها فقيرة شوية في الكماليات
يعني باور_ فوانيس شبورة _مرايات كهربا _تكييف _ازاز الكهربا _ حاجات كلها عادية ...

[4fun14]

سيارتى لانوس 1 99
المميزات:
1-ناعمه.
2-تكييف جميل
3-سواء صالونها الداخلى او تصميم السياره بحس انه الاجمل فى فئته خاصه انه نفس الشكل من 15 سنه تقريبا
4-قطع غيارها مرطرطه والصنايعيه شاربينها
5-ثبات جيد حتى 130
6-اعاده بيعها وسوقها اكثر من ممتاز
---
العيوب:
1-مع التكيف عزم العربيه بيقل لدرجه تخنق
2-الفرامل ضعيفه
3-بتحتاج صيانه تكيف بصورة متكرره خاصه انها مفهاش فلتر تكيف
4-صاجها ضعيف"بس دى مش بتقلقنى اوى لان اكصداماتها هايله"

[mous6fa]

موضوع جميل جدااا .. والأجمل إن كل واحد بيتكلم بحياد عن المميزات والعيوب ..
بالنسبالي كان معايا أكتر من عربية وهتكلم بترتيب تنازلي :

1- شيري qq مو 2004 .. 850 سي سي
المميزات :
إستهلاك بنزين داخل البلد ممتاز (12 كيلومتر/لتر) .. طرق سريعة حوالي (15 كيلومتر/لتر)
قطع غيار تعتبر متوفرة ومتعتبش أوووى فيها + رخيصة (جوز مساعدين أمامي 350 جنيه - خلفى kyb 250 جنيه) وهو ده اللى غيرته فيها من يوم ما جبتها لحد ما بعتها (إستعمال 8 شهور)

حجم رائع فى الركن والزحام وبتاخد 4 أشخاص بدون تأثير كبير ع قوة عزم الموتور بعكس سيارات تانية ركبتها كانت بتتأثر بعدد الركاب اللى معايا ..

أوبشنز كتير بالنسبة لسعرها ..

تسارع ممتاز + سرعة قصوى حوالي 140 كيلومتر عند rpm 5000 للغيار الخامس

حقن ألكتروني + ميكانيكا غير معقدة وأي حد كان يقدر يشتغل فيها ..

صالون حجمه ممتاز مقارنة بالماروتي والعربيات الصغيرة من نفس الفئة

ما شاء الله فعلا العربية تتميز بقلة وندرة الأعطال .. إستعمال 8 شهور خروج يومي لمشوار حوالي 30 كيلو فى زحام القاهرة ..

أغلب قطع غيارها مشتركة مع الدايو ماتيز

تقفيل داخلي ممتاز وخامات ممتازة .. يعني مفيش مكونات ضعيفة بتتكسر ولا بلاستيك ردىء بالتابلوه

العربية لولا إنها صيني كانت تستاهل يكون سعرها أعلى من كده مقارنة بالأوبشنز اللى فيها والتكنولوجيا اللى فيها ..

تكييف معقول وتبريده معقولة مقارنة بموتورها الصغير .. يعني كان بيعمل شغل كويس لو شغلته فى المشاوير الداخلية .. لا أنصح بتحميل الموتور فوق طاقته على الطرق السريعة بتشغيل التكييف
العيوب :

صاج ضعيف .. الرفارف الأمامية كانت منبعجة للداخل بسبب إن حد يجي يركن "جسمه" ع الرفرف ..

وزنها خفيف ع الطريق وبتطير طيرااااان فوق المفصلات الخربانة بتاعة الدائري .. بس مش خفيف للدرجة المميتة بتاعة الأتوس 1998 اللى ركبتها سنين وكنت بعاني من وزنها الخفيف .. ولكن وزنها عامل شغل جامد مع الموتور الصغير بتاعها وبيحقق تسارع رهيب وإستجابة رهيبة ..

عربية عاوزة إستخدام ناعم مش غشيم .. وانا عشان شاب بعتها لإني خوفت أبهدلها تحت رجليا لإن سواقتي عنيفة شوية .. ولكن كانت بتلبي جميع متطلباتي ..

شكلها مش كل الناس بتحبه .. بناتي شوية

عفشة خفيفة كنت بحس بأي زلطة ع الطريق ... ولكن عالية ع المطبات وعمرها ما أحتكت فى المطبات مهما كنت محمل ناس معايا ..

بعض قطع الغيار بتكون عزيزة شوية أو غير متوفرة وبتضطر تستناها لحد لما تيجي من الميناء .. عربية والدي qq برضو وقعد أسبوعين مستني سيرفو فرامل ولكن أخرة ما زهق ركب سيرفو دايو ماتيز وأشتغل فيها زي الفل ..

2- سيات ابيزا 1994 .. 1300 سي سي
مميزات:
ثبات رائع - وزن تقيل ع الطريق بيديك ثقة رهيبة فى الملفات - صاج ناشف وتقيل - موتور عزمه كان عظيم بالنسبة لوزن السيارة - شكلها برستيج ومازالت تحتفظ برونقها بالرغم من انها موديل قديم - قطع غيار متوفرة جدااا وأسعارها معقولة جداا سواء جديد أو إستيراد (فانوس امامي الإزاز بتاعه أتكسر جبت وش الفانوس بـ 30 جنيه فقط !!!!) - تكييف تلاجة

عيوب:
إستهلاك بنزين خراب بيوت (بالنسبة للعربية اللى كانت معايا وحالتها) - مش سهل تلاقي منها حالة كويسة أو مش مطحونة - كاربراتير مش أنجكشن - العربية موديل قديم وبالتالي هتبقى زبون دائم عند الصنايعية لإن كل يوم عاوز تشد فيها حاجة سواء ميكانيكا او عفشة أو كهربا

3- فيات بونتو 2001 .. 1300 سي سي
مميزات:
شكل لذيذ وحديث - أوبشنز متطورة - ثبات رائع جدااااا ع الطريق - إستهلاك بنزين معقول
عيوب:
قطع غيار غالية بصورة مبالغ فيها - العربية أغلب أعطالها بتكون فى الكونترول أو الكومبيوتر بتاعها (لازم كهربائي يكشف بالكومبيوتر عشان يعرف يحدد ايه العطل ويقولك هو كهربا ولا ميكانيكا عشان متدوخش مع الصنايعية)

4- سوزوكي ماروتي 2006 - 800 سي سي
مميزات:
حجم صغير فى الركن والمناورات - إستهلاك بنزين إقتصادي بصورة إسطورية - قطع غيار رخيصة جدااا ومتوفرة وأي صنايعي بيفهم فيها لإنها كاربراتير وميكانيكا بدائية بعض الشىء
عيوب:
صالون داخلي صغير جدااااااااااا - مش اى حد هيبقى مرتاح فى سواقتها خصوصا لو كان طويل أو جسمه شديد لإنها مناسبة أكتر للبنات والستات - هيكل العربية ضعيف جداااااااا والتخانة بتاعة الأبواب مضحكة جداااا - تسارع متواضع والسرعة القصوى حوالي 120 كيلو وتحس إنها هتنفجر منك

5- دايو نوبيرا 2006 .. 1600 سي سي
مميزات:
عربية كبيرة وعائلية وبرستيج وفخمة - قطع غيار متوفرة بالعبيط وأسعارها معقولة جدا جدا - أى حد بيفهم فيها - تسارع ممتاز وثبات رائع وسرعة قصوى إنتا وشطارتك (أنا شخصيا وصلت بيها لحد 150 ومقدرتش أكمل وخوفت) - إعادة بيع ممتازة - عربية مناسبة جدااا للسفر والطرق الطويلة أكتر من إنها تكون سيارة للمشاوير الصغيرة

عيوب:
إستهلاك بنزين كبير - عفشة سيئة - فرامل سيئة جدا - صاج مش قوى بما فيه الكفاية

6- هيونداي أتوس 1998 .. 1000 سي سي
مميزات:
قطع غيار متوفرة بدون مشاكل - تسارع ممتاز - عملية جداا جدااا - صالون داخلي واسع ومريح ويشيل 5 أفراد بدون مشاكل - إستهلاك بنزين جيد جداا - حمالة أسية وأستحملت معانا 4 سنين بدون أي مشاكل وكل اللى كنا بنعمله فيها صيانات دورية أو تغيير قطع غيار إستهلاكية زي تيل الفرامل والمقصات والكبالن والخ الخ الخ

عيوب:
خفيفة جدااااااا ع الطريق وأعتقد غير أمنة فى السفر خصوصا فى فصل الشتاء لو في رياح شديدة - غير أمنة فى الملفات العنيفة لإن أبعادها شاذة جداااا - شكلها مكلكع كده وتحس إن صعب تظبطها أو تروشها

أتمنى أكون أضفت شىء للموضوع الجميل ده

[mazagngi2010]

مازدا 323 تمانينات
مزايا:
-موتور عفى جدا وسحبه عالى ..سهل تعلم على اى حد فى اول 3 غيارات و هات 170 مرتاح بس سيطر عليا يامعلم
-عربيه اعنماديه بغباء.. اركب دور اهرى روح
-مابتسخنش خالص انسى الهرى بتاع الفيات
-قطع غيارها رخيصه وموجوده والاحلى بالنسبه لى بوديها للميكانيكى المتخصص بتاعها وبيكون عنده كل قطع الغيار بتاعتها ترييح دماغ
-عربيه رخيصه
-كرعها 80 90 92 شغال بس ال 92 بيعفرتها بزياده
-عفشه بسيطه بس مش قويه زى ال 32
عيوب
-ممكن يكون العيب ده عندى او اللى بيركب بلى حمار (بغير بلى كل 4 شهور يعتبر ببلاش )
-اجرى زى مانت عايز بس غير عفشتها بسوست ناشفه :( علشان تثبت شويه
-واطيه وانت سايق تحس انك قاعد على الارض !!
-بحس انا العربيه دى هى الفيرنا بتاعت زمان اجرى زى مانت عايز بس حاول توقفها

[mado83]

الاكسيل
مميزاتها:
تجميعها حلو ماشاء الله
عربيه واسعه من جوه وشنتطها واسعه
سهله فى الصيانه وقطع غيارها مش غاليه جديده واستيراد
بيتسقطلها موتور لانسر البطه
عيوبها:
صاجها خفيف
واطيه جدا ولو ركبتلها علايات بتدبدب
بتنط من ورا ومش ثابته بعد ال110 فى الغرز (عكس المازدا كانت ثابته فى الغرز)
شرخ عند الركبه اليمين فى كل العربيات
تكييفها يعتبر مش موجود الا عربيات قليله

[ahmedalaahosny]

باشا
مش فاهم تقصد ايه بإن الماروتى واسعه من جوه عن الشاهين !!!!
ده انا بشوف اللى قاعد جنب السائق بيكون كتفه لازق فى السائق

فعلا ده انا بحمد ربنا انى رفيع لما اى حد مليان بيركب جنبى شوية شوية وهيقعد على رجلى (ماروتى 99)

[AlGazar2]

نوبيرا 2 2002
مميزاتها
واسعه جدا - بتستحمل بغباء - موتور شديد - قطع غيار فى كل حته و رخيصة جديد و استيراد - اى حد بيفهم فيها
ثبات عالى جدا لو العفشة سليمة و حلو لغايه 140:160 لو العفشه فيها حاجات بايظه
اعتمادية عاليه

عيوبها
بتستهلك بنزين كتير فى الزحمه - صوت الى معايا رخم جدا و عالى اوى - حساسة اوى للزيت الى بيتحط فيها

[omaroof]

1- كورولا 2010
عربيه ممتازة - استهلاك بنزين مافيش - ناعمه جدا - واسعه ومريحه
عيوبها : عزل ضعيف وده اكبر عيب فيها موش شايف لها عيوب اخرى بصراحه

2- لانسر بومه 2013 رياضية
عربيه حلوه موش حاقدر اقول اكتر من كدا
عيوبها : استهلاك بنزين موش عاجبنى والكل بيقول عشان اسبورتس

[kimotop]

كان معايا فيات 128
المميزات لا يوجد

العيوب
العيوب لا يوجد بها اي مميزات

[aymanabdelwhab]

كان معايا فيات 128
المميزات لا يوجد

العيوب
العيوب لا يوجد بها اي مميزات

هههههههههههههههههههههههههههههههههههههههههههههههههه ههه .. مسخره

[gym1974]

كان معايا فيات 128
المميزات لا يوجد

العيوب
العيوب لا يوجد بها اي مميزات

والله العظيم اول مرة اضحك بجد من فترة كبيرة ربنا يسعدك يا سيدى وتجيب مرسيدس