اعمل زاى الناس ولا خلينى ولا دماغى :d

[fisha]

سلام عليكم

الحوار يا سادة ان انا عايز اشترى عربية و حسرت نفسى بعد تفكير فى الابيزا 94 و البونتو 94 انا مش هسالكم مين احلى و الكلام ده لان الكلام فى الموضوع ده كتيير و الى هيدور هلاقى و انا عارف كل واحدة ايه ليها و ايه عليها لاكن انا بكلم انى امشى ورا راى الناس و اجيب ابيزا عشان مثلا توافر قطع غيارها اكتر و صيانتها اسهل و منشرة اكتر و لا امشى ورا مزاجى و اجيب البونتو الى انا ميال ليها اكتر و هيا موتورها اقوى و شكلها احسن من جوا و من برا لاكن قطع غيرها هتتعبنى شوية و صيانتها هتتعبنى بردو شوية فا اعمل زاى معظم الناس ما بتعمل و امشى ورا الابيزا استسهال فى كل حاجة ولا اجيب البونتو عشان و ابقى جبت عربية الى انا نفسى فيها و مرتحلها

انا حبيت اتناقش و استفاد من اهل الخبرة لانها هتكون اول عربية ليا و انا شاب فى الجامعة

شكرا للى هيرد بس لو سمحتو الى يقولى رد يقولى حاجة هوا متاكد منها بلاش حوار سمعت

[aboomar22]

اقولك حاجة اهم من نوع العربية حالة العربية بص لو واحد مثلا معاه بونتو حالتها ممتازة اكيد هيقلك بونتو لكن لو واحد معاه بونتو على قدها يقولك دى عربية مقرفة وحاجتها غالية وكل شوية بتعطل ومشاكلها كتير والعكس الابيزا النضيفة هيقلك عربية هايلة وشبابى والمانى وشد وجرى وتكيفها حلو لكن لو تعبانه هيقولك تغور يعنى حاول تركز على الحالة لو الاثنبن حالتهم ممتازة انا هخطار ابيزا بس تكون 1300 او 1400 سى سى وربنا يوفقك فى حاجة كويسة وافتكر دايما ان العربية هتصونها هتصونك هتهينها هتهينك

[kareem_eg]

بص كلامي ده في حالة ان العربيتين ليهم نفس الحالة .. لمشي وري مزاجك .. عارف حتمشي ورا راي الناس اتفه مشكلة حتقابلك حتقول ااه ..منا يارتني كنت جبت الثانية .. الخلاصة لما الواحد بيكون مقتنع بحاجة اكيد حينبسط اكثر لو جابها و كمان حيصبر عليها .. ده رايي الشخصي و ربنا يوفقك
(ملحوظة بسيطة .. انا معرفش نوعين العربيات اللي انت قلت عليهم .. يعني كلامي مش مبني علي مقارنة بينهم )

[ahmed_shebl99]

سيدى الفاضل كما تفضل الاخوة فابالفعل حسب حالة العربية لكن ليس هناك اى وجه للمقارنة بين سيارة ايطالى وسيارة المانى اسبانى فالثانية افضل بكثير بالطبع واقصد الامان والثبات ماليش دعوة باسعار قطع الغيار او التوافر بس الابيزا حاجة لوحدها الناس مش بتستهل ولا حاجة انت بس نفسك فى البونتو عموما لو نفسك فيها هاتها ولو هتجيب ابيزا حاول 98 وتكون نضيفة يعنى بلاش حاجة عاوزة شغل

طبعا واضح انى راكب ابيزا 98 وكان قبلها جولف 2 مو 90
وكان الناس تقول قطع الغيار غالية اقولهم بس المانى المهم مطلعتش غالية ولا حاجة ودى اكتر عربات بحبها ومش عارف اركب اى عربية تانية وربنا يكرمنى واركب جولف 4

[fisha]

انا مش قادر اتفهم ان الابيزا افضل من البونتو مش راضية تخش دماغى مش عارف اقتنع :(

و خايف اجيب حاجة تقرفنى و تكرهنى فيها انا اكيد هتكون عندى اهم حاجة انى اجيب حاجة حالة نضيفة

شكرا لى اهتمامكو

[S O P H O S]

هات الحالة الاحسن مدام مستعمل