إعـــــــلان

Collapse

.

,
See more
See less

بلطجية الحسين !!

Collapse
X
 
  • Filter
  • الوقت
  • Show
Clear All
new posts

  • #16
    المشاركة الأصلية كتبت بواسطة mostafaenany مشاهدة المشاركة
    بص هى مش الثورة السبب عشان منضحكش على نفسنا
    بس الشعب لما صدق لقى فرصة عشان يبين حقيقته و انسى اى حد يقول اصل الشعب المصرى متحضر بطبعة و محترم و متدين
    دة كلام فارغ.
    السفالة كلها ظهرت اول ما بقى فى مساحة لكل واحد يعمل اللى عايزة
    +1111111111111111

    كلام سليم

    وده كله نتاج المربع الخطير

    جهل

    مرض

    فقر

    قلة دين

    Comment


    • #17
      لا كان فى ثورة ..ولا دياوله . !! دى شوية مظاهرات باعداد كبيرة اختلط فيها الحابل بالنايل .. حتى تنحى مبارك وبقيت قواعد نظامه كما هى تنتقم من الشعب .!! وطبعا اللى اداهم الفرصة حكام أكثر ضعفا ورخاوة فى مواجهة الفساد (سواء المجلس العسكرى او الاخوانجى اللى بيحكمنا بالصدفة ) .. وداخلية بقيت كما هى بظباطها الفاسدين ضعيفى البنينان وضعيفى التدريب . (ناهيك عن العساكر والامناء )



      كويس انك رجعت بيتك بدون خسائر

      Comment


      • #18
        المشاركة الأصلية كتبت بواسطة Fo1Fo مشاهدة المشاركة
        وأدى مثل تانى : الزمان الساعه 10.5 مساءا المكان امام فرع حلوانى الجهاد فى المعرض الدائم أمام جهاز مدينه 6 أكتوبر جيت داخل أشترى حاجه ومافيش اساسا بشر فى هذا المكان فى هذا التوقيت لاقيت عيل طالع من وسط الشجر بيقولى أمسحلك العربيه يابيه ؟ قلتله أمسحها ( يابنى ) بالحرف الواحد قلت بسترززق قالى بس انا باخد فى المسح 10 جنيه ؟ قلتله كــــ............. ديــــــ............... أم اللى يقولك امسح العربيه وشيلنى زنب ومشيت الناس اللى زى دولت وغيرهم كتير معجبين اوى بالثوره علشان ماحدش بيقولهم انتم بتعملوا ايه
        انت غلطان الواد دة كان المفروض تشيلة تحطة فى شنطة العربية و تسيبه فى اقرب متحف
        ١٠ جنية لما ينططوه

        Comment


        • #19
          العيب فى الشعب واخلاقه الفاسدة الى سببها التعليم الفاشل الى بنتعلمة
          والى السبب فية مبارك لان نظام التعليم الفاشل دة من ايام مبارك ......... وجية مرسى كمل على نفس النظام لانه محاولش يغير حاجة
          كل حاجة فى مصر ماشية نفس الطريقة القديمة مع فرق انه لم يعد هناك شرطة ولا امن ولا يحزنون
          مفيش حاجة اتغيرت غير ان الشعب طلع اسوء ما فية لانه معدش فى رادع لة ومعدش بيخاف من حاجة
          للاسف وللاسف وللاسف احنا محتاجين دكتاتور تانى لان الشعب معدش يمشى غير بكدة
          شعب عايز يتحكم بقانون الطوارئ ويضرب على قفاه فى أقسام الشرطة غير كدة مينفعش
          تقولة خد كرامتك وحقوقك الانسانية وكن محترم ............ يقولك لأ احنا فى ثورة وكل واحد يعمل الى هو عاوزة
          [B] ليت الشباب يعود يوما[/B]

          Comment


          • #20
            و هيا ايه علاقة الثورة بى تصرفات ناس عايزة الحرق و كمان الحوار ده من زمان مش جديد
            [SIZE="3"][CENTER]Love Cars[/CENTER][/SIZE]

            Comment


            • #21
              المشاركة الأصلية كتبت بواسطة AHMED12345678 مشاهدة المشاركة
              للاسف للاسف للاسف احنا محتاجين دكتاتور تانى لان الشعب معدش يمشى غير بكدة
              شعب عايز يتحكم بقانون الطوارئ ويضرب على قفاه فى أقسام الشرطة غير كدة مينفعش
              كان نفسى كلامك يكون غلط

              لكن

              للأسف للأسف للأسف

              كلام حضرتك صح
              ...
              [SIGPIC][/SIGPIC]

              Comment


              • #22
                احنا شيلنا شويه بلطجيه فى الشرطه وجيبنا شويه بلطجيه من الشعب ما فرقتش كتير

                اللى احنا فيه برضه واستمر فى القول انه مش بسبب الشرطه ولا زفت

                انا بركن قدام محل فى العجمى طلعلى الجزار صاحب المحل وقالى مش هينفع تقف واتعاركنا مع بعض هو بكلمه وانا بكلمه ورفع عليا سكينه وخلصت بتدخل الناس
                الشعب كله زى الزفت واكتر ناس ظاهره وسطينا الناس اللى شكلها وحش مش فى خلقها لكن شكلها وحش من البرشام والبودره والحشيش والمطاوى اللى وخداها فى وشها ولوحت بوقها

                لسه من يومين واحد ملهوش اى لزمه فتح عليا مطوه فى الشارع وفى عز الضهر وهو اللى خبطنى بالموتسيكل بتاعه والموضوع ما استغرقش اكتر من تلات دقايق بالظبط وكان فعلآ هيضربنى بالمطوه لولا رعاية ربنا ليا وسرعه تصرفى انى لطشت ايده بعيد وزقيت دماغه لان كمان كان عايز يدينى بالدماغ

                اشباء البنى ادمين اللى عايشه وسطينا دى اللى موجوده من زمان ولكن كانت بتخاف شويه من الشرطه وكانت تترعب لو شافت مخبر معدى ما يرفهوش لان معظم المخبرين منهم اصلآ وما يفرقوش عنهم حاجه

                للاسف كل اللى احنا فيه ده مش مننا اللى وصلنا لكده هو مبارك وعيلته وسنينه وعياله والحاشيه

                خلى الشعب كله بلطجى نفوسنا ضعيفه ووحشه ما حاولش يصلح حاجه وخربها زياده ما حاولش يصلح الشرطه

                --------- شرطه فى العالم هى مصر

                وصلنا لمرحله ان البلد اللى مذكوره فى القرآن متأخره بمليون سنه عن باقى الدول اللى فى العالم

                يا فرحتى كل واحد داخل يعارض ولا داخل يؤيد وطز فى البشر وخليهم يأكلو فى بعض المهم الصراع السياسى ونكسب قال يعنى هيجيب الديب من ديله

                كله فى الاخر عند ربنا سواء
                الحديث : (( لا فرق بين عربي أو أعجمي إلا بالتقوى )) صدق رسول الله صل الله عليه وسلم


                وربنا يسترها علينا ويخرجنا منها على خير


                يرجى مراعاة اداب الحوار .

                3 ب
                1:43 pm
                2013/6/13
                سبحان الله وبحمده سبحان الله العظيم

                [SIGPIC][/SIGPIC]

                Comment


                • #23
                  الحاجات دي كلها موجوده من قبل الثورة لكن ظهر وجهه القبيح بعد الثورة
                  بسبب الانفلات الامني
                  [SIZE=3][COLOR=Blue]يا مصايب النهضه السايحة يا براميل الوكسة النايحة[/COLOR][/SIZE]

                  Comment


                  • #24
                    المشاركة الأصلية كتبت بواسطة elawany13 مشاهدة المشاركة
                    ازاى بس
                    الثورة سبب مباشر للخراب اللى احنا فيه
                    رغم ان اهدافها نبيلة ومحدش يختلف عليها
                    بس الطريقة اللى حصلت بيها دمرت وخربت البلد وبقت حياتنا أسوأ من الأول بكتير
                    ومشاكلنا زادت وكبرت
                    مهو من يوم جمعة الغضب المجيده قضينا على حاجه اسمها شرطة وقضينا على مصر اللى نعرفها
                    ومع حرق الإقسام
                    وتحطيم وحرق سيارات الشرطة على شاشات التليفزيون
                    خلاص المجرمين اخدوا الضوء الأخضر يعملوا اللى هما عاوزينه

                    ده ميمنعش ان كتير من ضباط الشرطة كانوا ولازالوا بيعتبروا نفسهم فوق البشر وفوق القانون
                    والبلد بتاعتهم لوحدهم ... رغم اختلافى معهم بس اللى حصل من كل الأطراف كان غلط
                    واللى بيدفع التمن هما المحترمين فقط فى الشعب ده

                    اللهم ارفع مقتك وغضبك عنا
                    اللهم ارفع عنا البلاء
                    بص يا باشا
                    الموضوع اشبه بفتوات الحواري
                    فتوة كان ماسك الحارة و مدينا كلنا على دماغنا و بياخد اتاوته
                    و صبيانه كانوا راكبيننا كلنا
                    لما الحرافيش وقعوه
                    صبيانه , اللي مفروض بيحموا اهل الحارة من الحرامية
                    قال لك طب طالما مش عايزيننا (بفسادنا بتعالينا بتكبرنا بافترانا) يبقى يتحرموا مننا
                    و اتقمصوا و بطلوا شغل في عقاب جماعي للشعب كله
                    و اقول لك كمان ؟ بيحموا نفسهم بس (مش كلهم) , و اللي بيقع في سكتهم بيفرموه

                    اما عن الشعب , فكله تقريبا انطبق عليه المثل القائل من امن العقوبة اساء الادب

                    اقول لك حاجة كمان ؟ في 11 فبراير 2011 كلنا تقريبا احتفلنا بغوران الفساد
                    انا حاليا مقتنع ان كل الشعب تقريبا كان عايز يتخلص من الفساد , الا فقط الحتة اللي هو مستفيد منها
                    ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

                    [sor2]http://imageshack.us/a/img838/2058/8l0n.jpg[/sor2]

                    Comment


                    • #25
                      حالك حال كثيرين من الشعب المصري

                      الثورة كانت مثل التحليل أو الآشعة اللتي ظهرت نتيجتها أن البلد مصابة بالسرطان فبدلا من أن يسعى لعلاج ما وجده أخذ يلعن في التحليل "الثورة في حالتنا" والأعجب أنه أخذ يكيل لها الإتهامات أنها السبب في مرضه

                      لا يغير الله ما بقوم
                      [sor2]http://img401.imageshack.us/img401/6193/5vgb.jpg[/sor2]

                      Comment


                      • #26
                        كنت في طنطا في شارع المديريه وجيت أركن في الشارع اللي رايح لمسجد السيد البدوي لقيت واحد جاي وبيقولي 3 جنيه. قلتله بتوع ايه؟ قالي احنا مأجرين المكان من الحي ودي رسوم الركن (أنا كنت بركن في الشارع جنب الرصيف مش في ساحه انتظار) قلتله ابعد ياض عن العربيه لطلع الطبنجه أفضيها في بطنك (وأنا ولا معايا طبنجه ولا بتاع) قام ماشي من سكات وأنا كده كده مكنتش هخرج من العربيه لأني كنت مستني ناس فمكنتش قلقان انه يعمل فيها حاجه من ورايا.
                        مصر أنت أغلى دره ... فــوق جبين الدهـر غرَّة

                        يا بلادي عيشي حره ... واسلـمي رغـم الأعــادي

                        Comment


                        • #27
                          ربنا يهدي الشعب
                          مش عارف الي بيحصل ده

                          Comment


                          • #28
                            المشكله فينا احنا لما نيجي نركن ويقولي الركنه ب 10 جنيه نسيبه ونمشي لو كل واحد عمل كده هتبقي ب5 بس فيها ايه لو جينا علي نفسنا وركنا في اي جراج حتي لو بعيد شويه واخد تاكس علشان نلغي قله الادب --------- بتاعتهم وبرده بتوع الحلبسه والشاي واللي بيركنوا العربيات اللي في ميدان التحرير احنا اللي بنشجعهم لما نروح نركن عندهم ونشرب شاي ونجيب حلبسه انا شايف علشان نقلل البلطجه وقله الادب ديه لازم نبدا بانفسنا


                            يرجى مراعاة اداب الحوار .

                            3 ب
                            1:46 pm
                            2013/6/13

                            Comment


                            • #29
                              واضح انك مروحتش الحسين قبل كده
                              شوية الصيع دول من زمان
                              وهم فعلا بيدفعوا في اخر اليوم مبلغ وقدره للصايع الكبير اللي مأجرلهم
                              والمشكلة فعليا مش مشكلة الثورة هي مشكلة الداخليه
                              المفروض يكون في نظام الداخلية بتعمله
                              اكيد الثورة يعني مجبتش ناس من بره ولا استوردت شعب تاني
                              هي هي الداخليه وهما هما الصيع

                              حاجه اخيره بقى اللي اعرفه انك حرام انك تصلي في ضريح
                              ياريت تسأل في المسألة دي عشان اللي اعرفه انه حرام فعلا

                              Comment


                              • #30
                                المشاركة الأصلية كتبت بواسطة أبو يوسف مشاهدة المشاركة
                                يا أستاذى الفاضل
                                انا معاك ان كان فى حاجات كتيير كانت بتحصل قبل الثورة , بس مكنش بالجاحة دى , وكان حتى اللى بيطلب منك حاجة بيطلبها بأدب وباإحترام , حتى لو مش حقه
                                دلوقتى بيطلبوا حاجات مش حقهم وبالعافية وبالبلطجة , وجدع قوله لأ
                                ماشى التجاوزات دي من نتاج الثوره.. معاك
                                لكن مش بسبب الثوره..
                                بفضل البيه اللي مسبش فرصه للتغيير الا بحرب او بثوره.. هو اولى بلعناتك.. انما الثوره والثوار كان هدفها اصلا ان اللي بتتكلم فيه ده ميحصلش

                                Comment

                                Working...
                                X