رسالة من عامل البنزينة

[ashourashour]

والله الموضوع يتاخد بحسن نيه ... فشكرا على الايجابيه

وممكن يكون مش بحسن نيه و مفيش داعي للشرح الموضوع مفقوس .. فربنا يرحمنا


على اي حال مفيش مانع ان الناس تكون ايجابيه و تبلغ بغض النظر بقى في ازمه ولا الشعب المصري اللي بيخنق على نفسه

وانا اتمنى من كل قلبي الغاء الدعم تماما والبيع بالسعر الدولي

والحراميه هتشوفلها نهيبه تانيه مش هيسبونا في حالنا برضو (زي بتوع الكاوتش اليومين دول كدا)

واللي يروح جاي تحت بيوت الناس و يقولك دي ساحه انتظار و عايز ياخد من الناس فلوس عشان تركن تحت بيوتها

الوضع هينفجر قريب و اتمنى ربنا يعجل بالانفجار عشان كفايه كدا قوي

والتجار اللي بتغلي الحاجه اضعاف اضعاف و يقولك الدولار والناس بتشتري

اقول اه ولا اه ولا اه مكلكم عارفين


مفيش بلد يا ساده .

وربنا يديمها عليا نعمه و افضل خارج مصر

[dem0]

الكلام مش دقيق لان كتير بنبقى واقفين فى طوابير ونيجي على الطرمبه البنزين يخلص !!!!

يبقى برده صاحب البنزينه حرامي ونصاب

بنزينه التعاون مصر اسيوط الزراعي الغربي بتجدد طلبوا تحويل حصتهم على محطه بترول فرعيه تبعهم برده

وزارة البترول رفضت قام قدم طلب تاني رفضوا تاني والحجه ان مفيش كميات اصلا فجدد بنزيتك ولما تخلص تجديد يبقى نشوف وضع الحصه

اللى بيحصل ان بعض محطات البترول بتتنازل عن بعض حصصها لمحطات تانيه

مثال محطه فى الريف هتعمل ايه ببنزين 95 !؟ فبدل ما بيجي التانك يفضى عنده بيبعته يفضى فى محطه تاني تستفيد بالبنزين مقابل انه ياخد منها حصه من بنزين 80 او 90 بتبقى اتفاقات باطنيه بين اصحاب المحطات

لمدة شهر كان شغلى امام محطه بترول بالجيزه اقسم بالله ان العربية بتفضي وبعدها بساعات بتبقى البنزينه مفيهاش نقطه بنزين

طيب الجيش بيبيع وبيقفل طيب ما محطتين الجيش اللى فى تقاطع مصر اسيوط الصحراوي مع بنى سويف الفيوم

كتير جدا كنا بندخل المحطيتن ومفهمش بنزين ولا سولار

الرحمة يا ساده عقولنا مازلت تعمل

[eslamsubaru]

طب لو هو الموضوع مفتعل : ازاى بنزينات ( الوطنية ) اللى هية تبع الجيش بتكون قافله هى كمان !!!!!!!!!!!!!!!!!!!!!!!!!!!!!!!!!!!!!!!!!!!
مش المفروض ان بنزينة وطنية دى تبع الجيش ؟ ده اللى اعرفه .. احنا هنا فى بنها بنزينة وطنية علطول قافلة و البنزين مبتلقيهوش فيها غير مرة فالأسبوع و مبتقعدش اكتر من 8 ساعات و خلاص !!!!!!
مش معقولة برضه ان الجيش هيفتعل الأزمة ..... الواحد مبقاش عارف الحقيقة فين .. بس بجد حسبى الله و نعم الوكيل فى كل واحد مش عايز مصلحة البلد و الناس.
شكرا جزيلا لصاحبة الموضوع على التنبيه و جزاكى الله خيرا.

[abokoko]

اولا نفرق بين وضع غلق البنزينه ( انها لاتعمل بالكامل )
وبين
عدم وجود فى البنزينه ( يعنى فى انتظار العربيه تنزل بنزين او سولار )

الحالة التانيه وضع طبيعى مع اضافة جزئيه بسيطه
وهى احتماليه ان حصه البنزينه مش بيوصل بالكامل وعلشان كده البنزين بيخلص عندها بسرعه
يعنى البنزينه بتستلم جزأ من الحصة وبتتاجر فى الباقى
كمان عمال البنزينه بيقسموا الحصه بينهم
يعنى لو الحصة 30 الف الورديه الاولى تبيع 15 الف لتر وتقول البنزين شطب
لحد ما تستلم الورديه التانيه فتبيع ال15 الف
وبكده العمال يستنفعوا بالتسوى بالبقشيش
( البقشيش بيكون من جنيه الى 2 جنيه غالبا مع كل عربيه بغض النظر عن عدد اللترات )


اما الحالة الاولى وهى غلق كامل لمحطة البنزين
فالشك فى بيع الحصة هو لاحتمال الاكبر

[S O P H O S]

كلام ايجابي بصراحة

[SiM0]

الكلام ده غلط طبعا ده حتى وطنية بتاعة طريق النصر قفلة حتى ده بتبيع نسبها للسوء السودة....

[rahmanboud]

لو إحنا كويسين مع بعض والله البلد دى حتبقى أفضل بلد عربيه بالخير اللى فيها

[wesam_salom]

ثوانى اجيب الفيل واجى

[EngAhmedSayed]

ربنا يهدى

[SeiffoZ]

اموت انا فى التلميع و تلبيس الازمة

[mzein]

الاول احب اضيف معلومة نحدد فيها دور كل واحد فى منظومة بيع البنزين

صاحب محطة بنزين
----------------------
صاحب المحطة هو صاحب الارض المقام عليها المحطة وهو اللى حاصل على رخصة باقامتها

و كمان بيتعاقد مع شركة من شركات البترول المعروفة بظام الفرنشيز يعن بياخد العلامة مقابل نتفيذ الاشتراطات وبيدفع كمان فلوس مقابل كده

وهو كمان اللى بيدير المحطة ومسئول عنها وتحت رقابة الشركة صاحبة العلامة التجارية وكمان الجهات الرقابية من الدولة .

شركة البنزين
---------------
صاحبة العلامة التجارية ومسئولة امام الموطن عن الحفاظ على جودة منتجاتها اللى المحطة بتبيعها ( زيوت وخلافه )
وكمان هى بتورد للمحطة البنزين وفقا للتعاقد مع صاحب المحطة
وعلى فكرة بتاخد حق البنزين كاش

اما الزيوت وخلافه فدى بنظام العمولة وكمان عنده ترجت مبيعات لازم يحققه علشان البونص

يعنى
-------
صاحب المحطة بيكسب فعليا من الخدمات اللى بيقدمها ومن تاجير الكافتيريا او تاجير محطة خدمة صيانة لو عنده

وزارة التموين
-------------
بقى دورها انها تراقب على العددات وتتاكد من انها مافيش فيها تلاعب وكمان جودة البنزين


اما العلاقة بين الشركات صاحبة العلامة التجارية وبين وزارة البترول فمعنديش عنها فكرة

يعنى الاخ عامل البنزينة عاوزنا نشتغل موظفين تموين ونبلغ والبهوات موظفين الوزارة يبقو يحنوا علينا ويراجعوا البلاغات دى ولو صحيحة يعملو محاضر ولو كيدية ياخدوا الشاى ويمشوا

المنظومة سليمة بس اكيد فيها خرم هو اللى بيخلى البنزين مش موجود فى المحطات وده من وجهة نظرى :-

- نقص فى الكميات الموردة للمحطات ( وارد قوى فى ظل الانفلات الامنى وكمان مواسم الحصاد ومواسم الصيف وزيادة الاستهلاك فى مناطق التوزيع الساحلية)

- زيادة فى الاستهلاك ( وارد جدا فى ظل موسم حصاد وموسم مصايف بدا وكمان دخول منتج جديد وهو مولدات الكهرباء وفيه مصانع كمان شغالة بمولدات وكمان الناس مش حاسبة التوكتوك اللى بقى اكتر من البنى ادمين )

- التهريب ( وده من زمان ومعروف ومحدش عرف له حل علشان بيوكل الكبير قبل الصغير)

- شائعات زيادة اسعار البنزين و موضوع القلق بتاع 30 / 6 ودى كمان هتخلى ناس كتير تبدى تخزن ( اوعى تستهتر بالكميات المخزنة مهما كانت قليلة مع الانتشار هتبقى كميات رهيبة)

المهم الحلول :
-------------
- مراجعة اسلوب التوزيع وزيادة الكميات الموردة من للمحطات فى ضوء الزيادة الطبيعبة فى عدد المستهلكين .
- مراجعة السيارات المرخصة و المسموح لها بالعمل والتكاتك ووقف المخالف عن السير وده هينضف قاعدة البيانات ونعرف منه العدد السليم للمستهلكين .
- زيادة عدد العاملين فى وزارة التموين وخاصة فى الرقابة على المحطات ( العواطلية مافيش اكتر منهم ونفسهم يشتغلوا)
- منح المصانع اللى عندها كثافة فى استهلاك الطاقة قروض علشان تعمل محطات لانتاج الطاقة بوسائل بديلة ( يعن كلهم مشاء الله وخدين ارض ببلاش ممكن يزرعو جزء منها و يستعملوا الوقود الحيويى او انظمة طاقة شمسية او طاقة من المخلفات )
- الغاء قرار زيادة سعر البنزين وبدل منه الغى الجمارك على السيارات علشان الناس تشترى عربيات حديثة موجود بها انظمة توفير للبنزين وكمان الانبعاثات الضارة بدل العربيات اللى موديلات 1950الــ 1300cc اللى الدولة هتدعمها رغم ان استهلاكها اعلى من موديلات 2012 الــ 2000cc

النهاية انا مش هبلغ ومش هشتغل مرشد علشان دى مش وظيفتى المفروض دى وظيفة ناس تانية بدفع لها ضرائب علشان تشتغل وارحمو بقى ام المواطن اللى كل حاجة على دماغه ودايما فى همهم مدعى وفى فرحهم منسى .

واسف على الاطالة

[zakiali]

مفيش سوق سودة لبنزين 92 ! همه بتوع المحطات بيستهبلوا عشان موضوع الكروت اللي هتطبق .. ولازم فعلا نبلغ التموين عن الكلاب دول .. الحل ان اول ما العربية توصل للنصل ابتدي دور علي بنزينه عشان متقفش حالك وربنا يخلصنا من الأشكال الضالة دي

[hossam165]

ملخص لقاء الدكتور باسم عوده وزير التموين على قناة الحياه .
متابعة : حمزة عبد السلام
* وزارة البترول بدأت تطبيق الكروت الذكيه لصرف البنزين والسولار منذ ١٠ ايام وبهذا اصبحت وزارة التموين ووزارة البترول على علم باماكن ذهاب السولار والبنزين
* العشوائيه وغياب رصد الواقع ببيانات دقيقه وراء تفاقم الازمه الحاليه
* تم تحرير 53 محضر مخالفه لمحطات لامتناعها عن البيع
* المياه والطاقه اكبر التحديات التى يمكن ان تواجه الامه
* ليس صحيحا ما نشر عن الغاء الحكومه لبنزين 80
* وفرنا خط ساخن لوزارة التموين حول شكاوى ازمة الوقود
* عجز الدوله في انتاج الكهرباء 10% ونطالب المواطنين بترشيد الاستهلاك
* هناك خلل فى منظومة توزيع البترول ونسعى لتداركه
* عندما نستطيع ان نبنى منظومه متكامله سيتم القضاء على ازمة البترول
* منظومة النقل فى مصر منظومه مشوهه
* سيتم تعميم اجهزة الكروت الذكيه على المحطات هذا الاسبوع وسيتم البدء فى تشغيلها الاسبوع القادم
* رصدنا تجاوزات في بعض المصانع التى تقوم بتوريد السلع التموينيه
* منتجات التموين الجديده بإسم (خير بلدنا) وهذا الاسم لم تختاره الوزاره ولكن اختاره المواطنين من خلال تصويت على الصفحة الرسمية للوزير
* الدوله خصصت ١١ مليار جنيه لشراء القمح من المزارعين
* وصلنا اليوم ل ٣.٥ مليون طن قمح وتم صرف ٩ مليار جنيه للفلاحين
* هذه السنه ولاول مره تم تخزين نصف مليون طن قمح محلى في الصوامع المعدنيه بعد ان كان قديما يلقي على الارض
* رصيدنا من القمح يكفى احتياجات مصر حتى اول ديسمبر القادم
* نستعد لاكبر حملة تخفيضات على المنتجات التموينيه على مستوى الدوله وهذه التخفيضات على ٢٠ سلعه اساسيه وذلك بالتعاون مع وزارة الاستثمار والتنميه المحليه والدفاع
* لا نهتم الا باهتمامات واحتياجات المواطن ولا تعنينا مظاهرات ٣٠ يونيو
* نظام مبارك حرم ١١ مليون طفل مصري من الحصول على السلع التموينيه الخاصه بهم
* ما يحدث من شد وجذب بين الحكومه والمعارضه خارج نطاق اهتمامات وزارة التموين
* لدينا ٢٢ مليون مواطن بلا رقم قومى مسجله لدى وزارة التموين
* مدة التسجيل على الموقع ٤ شهور
* بعد نهاية مدة التسجيل سيتم مطابقة ما تم تسجيله بقاعدة البيانات الخاصه بالاحوال المدنيه
* بمزيد من المسانده الشعبيه والتبليغ عن اى مخالفه سيتم مضاعفة كفائتنا

[casperinoo]

الحمد لله العيب طلع فينا أحنا مش في الحكومه ..
الله يخربيتنا ياشيخ زي ماحنا قارفين الحكومه ومطلعين عينها ومبهدلينها معانا

[kimotop]

احنا فعلا سلبيتنا عامللنا ازمة في كل حاجة