شراء سيارة مستعملة .. ارجو المساعدة فى الاختيار؟

[A_Mando]

مساء الخير:)
انا جديدة فى المنتدى ودى اول مشاركة ليا هنا .. انا محتاجة اشترى عربية مستعملة و معنديش خبرة خالص بالسيارات و اول مرة هاسوق ان شاء الله و ياريت تساعدونى فى الاختيار جزاكم الله كل خير.
و انا لقيت الاستمارة ديه موجودة بالمنتدى فقلت املاها و مستنية ردودكم:)

المبلغ المتاح / يفضل (الى27) - اقصى حد (32)
نوع العربية / مستعمل
إمكانية التقسيط فى حالة الزيرو / -----
خبرتك فى السواقة وسكك الصيانة / جديد
شكل العربية / مش فارقة(هاتش باك او سيدان)
الموديل / مش فارقة (مش تحت التسعينيات)
إستخدام السيارة فى الاغلب / داخل المدينة
انتقالاتك بالعربية / الاتنين
الكماليات المرجوة / المهم التكييف
إستهلاك البنزين / يفضل قليل
قطع الغيار / فى المعقول
اماكن الصيانة / يفضل الاتنين
التفرغ لأعمال الصيانة / ممكن تتدبر
الاستمرار بالعربية لفترة /- مش فارقة
سعر إعادة البيع / خسارة معقولة
اهم حاجات بتدور فيها على العربية /
1- قلة اعطال
2- قوة تحمل
3-الشكل الحلو

[motoxp]

kia pride or skoda felicia

[فادى]

دوجان أو شاهين 1600 موديل أواخر التسعينات أو 2000 أعتقد ممكن تبقى فى السعر ده,
الأكسنت ممكن برضه و لكن هتواجهك مشاكل كثيرة لو كانت معدية ال100 الف,
ريجاتا خيار جيد جدا فى رأيى فى هذه الفئة السعرية و بعض موديلاتها فيها تكييف و باور و سنتر و زجاج كهربائى.
البيجو 504 ممكن تلاقيها فى السعر ده لكن معتقدش انو فيه منها مكيفة,
أنا بصراحة أرشحلك الريجاتا تليها الشاهين تليها البيجو 504.

[A_Mando]

متشكرة لردودكم يا جماعة ... بس انا حاسة يا استاذ فادى ان الريجاتا او الشاهين عربيات ناشفة لبنت :).

ومستنية اراء باقى الاعضاء بردو:).

[KoDaK_Gti]

ممكن ابيزا او سكودا فليشيا او تويوتا ستارليت او هيونداى اكسيل
والعربيات
والموقع ده فى عربيات فى حدود المبلغ اللى انت محدده

http://www.car100100.com/search.php?search_type=p&price=30

[sab3aawy]

كيا برايد او فيات أونو او هيونداى اكسيل هاتش باك بترتيب الأفضلية

الريجاتا والمازدا 323 سيارات قديمة وفرصة العثور على واحدة نضيفة مش سهلة

الفيليشيا مشاكلها الميكانيكية كثيرة جدا ومشكلة السخونة من اسوأ مشاكلها

الدوجان والشاهين عربيات "رجالى" ، تحتاج الى سائق محنك ليجيد التعامل معها

ال128 مش مناسبة لفكرة اافة التكييف لها

[KoDaK_Gti]

انا أرجح الابيزا زالاوبل كورسا عربيات محترمة جدا

[أبومعاذ]

كيا برايد أفضل أختيار للمتطلبات دي

[أبومعاذ]

انا أرجح الابيزا زالاوبل كورسا عربيات محترمة جدا

بس الاخت بتدور على عربية قطع غيارها رخيصة

[A_Mando]

كيا برايد او فيات أونو او هيونداى اكسيل هاتش باك بترتيب الأفضلية

الريجاتا والمازدا 323 سيارات قديمة وفرصة العثور على واحدة نضيفة مش سهلة

الفيليشيا مشاكلها الميكانيكية كثيرة جدا ومشكلة السخونة من اسوأ مشاكلها

الدوجان والشاهين عربيات "رجالى" ، تحتاج الى سائق محنك ليجيد التعامل معها

ال128 مش مناسبة لفكرة اافة التكييف لها

شكرا لك استاذ sab3aawy .. انا فعلا بتعجبنى البرايد و الاونو بس مش 1000 cc قليل على سعرهم؟؟ ... و بالنسبه للهيونداى اكسيل بتعجبنى بردوا بس دايما بلاقيها عاملة كيلووات كتيير ... معلش هاطلب منك خدمة لو تقدر تساعدنى فيها ممكن ترشحلى ميكانيكى او حد بيعرف كويس قوى فى السيارات يساعدنى فى الشراء؟:)

[A_Mando]

انا أرجح الابيزا زالاوبل كورسا عربيات محترمة جدا

شكرا لك استاذ Kodak_gti ... هى 32 الف تجيب كورسا و تكون حالتها كويسة؟؟ .. و يا ريت لو تعرف حد عايز يبيعها تقولى و جزاك الله كل خير .

[ramyfawzy]

انا عندي سيات ابيزا موديل 1994
هيا 1300 سي سي - وفيها تكييف وزجاج كهرباء
بس فيها مشكلة واحدة بس - انها 2 باب مش 4 باب
وانا طالب فيها 31 الف
فلو عجبتك الفكرة عموما - ارسلي على الخاص

رامي (ابو احمد و يوسف)

[mohamed]

كيا برايد وعن تجربة عربية جميلة جداا

[MOHAMED ABD EL SHAFY]

ماروتى - كيا برايد - اسكودا فليشيا

[bee]

انا ليا رأي

http://www.nilemotors.net/Nile/showthread.php?t=34944

العربية دي كويسة
وقطع غيارها ببلاش
وانا شايفها ممتازه لمتطلباتك
هي اغلى بس قابله للتفاوض
واعتقد لو خلصت 35 هتكون كويسة
بالتوفيق عموما
غير كده كيا برايد