لحد امتي هنسمع اوكا و اورتجا؟؟؟؟؟؟؟؟

[enghany]

زملائي الكرام
دي اول مره اكتب موضوع في المنتدي العام
كنت من فتره كتبت موضوع في قسم هيونداي بعنوان هل السواقه تصيب بالضغط و السكر و للاسف مع رد فعل كل الناس لاقيت ان الواحد مفيش مره يركب عربيته غير و يلعن ............................. ---------- من اخلاق اللي الواحد بيشوفها و السلوكيات الي علي راي كاتبنا الكبير انيس منصور البوز بيز boze base يعني اللي يحط بوز العربيه الاول هو اللي يعدي بغض النظر عن اي شيء و الحق يقال ان الواحد بيلاقي احيانا حد يقافله و يقوله اتفضل او لو وقف لواحد علشان يعدي يقوله شكرا لكن فين و فيننننننننن
المهم الموقف اللي حصل قدام عيني بجد حسس الواحد ان مفيش فايده في الناس دي و لا حتي الشباب
بالذات لان المشكله هي مشكله جيل بالكامل اللي بيسمع اوكا و اورتيجا علي راي قناه موجه كوميدي ( داااا صوتتت ) المهم كنت اركب تاكسي انا و مراتي و ابني ( سنتين ) و امام سواق التاكسي اللي ماشي برضه بمبدا لو واحد اداك اشاره شمال الحق و اكسر قبله و اوعه تعديه
المشهد كالتالي :
عربيه نص نقل قاعد علي الصندوق الخلفي حوالي 9 الي 10 شباب اعمارهم من 18 الي 23 - 24 سنه كل واحد معاه ايههههه ؟؟؟؟؟؟؟؟
هاااااااا
تخيلوا معاهم زلط
و اي اواحد ماشي يروحوا مدينوا بالزلط في وشه في عينه في اي حته
و حتي واحد واقف عنده حوالي 70 سنه هوب بالزلطه في عينه
يا نهار اسود
للدرجه دي وصلنا لكده
دي بلد الواحد يعيش فيها
علي فكره انا لا اسود الصوره في حاجات حلوه بس للاسف الاسوء هو اللي غالب
حتي والله العظيم بصيت لابني و كلمته قلتله انت هتعرف تعيش ازاي و لا الوحد ياخدها من قاصرها و يهاجر
و لو مش كده نعمل ايه بس


تنبيه بحسن اختيار الالفاظ
مشرف الساحة العامة
أ2

[mous6fa]

بقولها وبكررها ف كل مكان .. إحنا شعب بلطجي ومجرم وقليل الأدب ومنحط .. إحنا عاوزين نظام ديكتاتوري حديدي يسيطر ع الشعب ده ويكبح جماحه .. الشعب المصري لا يستحق الحرية ولا تصلح معه الحرية بكل أشكالها ... لولا إن الأهرامات بناها المصريون القدماء بالكربااااااج مكانتش هتتبنى اساسااااااا ...
مصر الحديثة عاوزة كرباج ينزل يلسوع شعبها .. وأنا أسف إنى بقول كده بس مفيش حل غير كده ..

[MohammedAladel]

زى الشباب اللى بيقفوا يحدفوا طوب على القطر وهو معدى وأنا بسافر على طول فى القطر بقالى 4 سنين ياما شفت ناس بتحدف الركاب فى القطر بالطوب حسبى الله ونعم الوكيل البلد بايظة خالص

[YahiaAshraf]

للاسف الاغانى الزبالة بتاعت اوكا و غيره دى فى اسكندريه محدش يتصور اد ايه الازعاج ده بجانب موضوعك الرئيسى طبعا


أنا كطالب ثانوية عامة و السنه اللى جايه داخل الكلية بمشيئة الله عمال افكر هل هعرف اشتغل فى البلد دى

هل هعرف اكون اسرة و بيت فى البلد دى

لما وصلنا ان المليون جنيه مش مكفين شقة و عربيه و اغلبية الشعب من الطبقة المتوسطة

هنعمل ايه ؟

للاسف الحل الوحيد اللى لاقيته أنى اهاجر و اسيب البلد دى بس يا ترى هل الحل ده هينفع مع كل الشباب ؟؟؟
أكيد لا

عبال ما حالها ينصلح هيكون عندى كام سنه ساعتها ؟

احنا فاضين بس للمظاهرات و المشى ورا الكلام الفاضى
ومش حاسين بالمخاطر التى تعود على هذا



استرها معانا يارب

[MohammedAladel]

للاسف الاغانى الزبالة بتاعت اوكا و غيره دى فى اسكندريه محدش يتصور اد ايه الازعاج ده بجانب موضوعك الرئيسى طبعا


أنا كطالب ثانوية عامة و السنه اللى جايه داخل الكلية بمشيئة الله عمال افكر هل هعرف اشتغل فى البلد دى

هل هعرف اكون اسرة و بيت فى البلد دى

لما وصلنا ان المليون جنيه مش مكفين شقة و عربيه و اغلبية الشعب من الطبقة المتوسطة

هنعمل ايه ؟

للاسف الحل الوحيد اللى لاقيته أنى اهاجر و اسيب البلد دى بس يا ترى هل الحل ده هينفع مع كل الشباب ؟؟؟
أكيد لا

عبال ما حالها ينصلح هيكون عندى كام سنه ساعتها ؟

احنا فاضين بس للمظاهرات و المشى ورا الكلام الفاضى
ومش حاسين بالمخاطر التى تعود على هذا



استرها معانا يارب

روح ذاكر يا حبيبى ....الحاجة الوحيدة اللى هتقدر تثبت فيها ذاتك وتفرض بيها نفسك على أوضاعك الحالية هو تعليمك وتفوقك فى دراستك .... وكمان حاجة باقيالك فى آخرتك إن شاء الله

[YahiaAshraf]

روح ذاكر يا حبيبى ....الحاجة الوحيدة اللى هتقدر تثبت فيها ذاتك وتفرض بيها نفسك على أوضاعك الحالية هو تعليمك وتفوقك فى دراستك .... وكمان حاجة باقيالك فى آخرتك إن شاء الله

أكيد يا محمد باشا بالنسبالى كطالب المذاكره

ولكن هل ده نسميه تعليم ؟
لما واحد يبقى جايب 98 % ومش عارف يدخل طب يبقى حرام ولا حلال


لما الواحد يدفع فوق ال 5000 جنيه دروس فى الشهر يبقى حرام ولا حلال


ده غير اصلا المناهج اللى بندرسها و طريقة التدريس

وغيره و غيره و غيره

لو اتكلمت على انواع الفساد فى التعليم لوحده مش هخلص من هنا لبكره

على العموم ربنا يصلح حال البلد

[S O P H O S]

هي الاغاني فقط !

[MohammedAladel]

أكيد يا محمد باشا بالنسبالى كطالب المذاكره

ولكن هل ده نسميه تعليم ؟
لما واحد يبقى جايب 98 % ومش عارف يدخل طب يبقى حرام ولا حلال


لما الواحد يدفع فوق ال 5000 جنيه دروس فى الشهر يبقى حرام ولا حلال


ده غير اصلا المناهج اللى بندرسها و طريقة التدريس

وغيره و غيره و غيره

لو اتكلمت على انواع الفساد فى التعليم لوحده مش هخلص من هنا لبكره

على العموم ربنا يصلح حال البلد

ركز فى اللى انت فيه وبس .... مش هقولك لا تنشغل بأوضاع بلدك ... بس متخليهاش تيجى عليك بتأثير سلبى ... زى ما حصل معايا كدا بالظبط .... هتخسر ... وممكن تبقى عائق من ضمن عوائق تقدم بلدك !

أنا عارف ان التعليم فيه عك كتير .... دا إنت دلوقتى فى الثانوية الامتحان بيبقى موحد والمنهج واحد .... لما تدخل الكلية إن شاء الله ... وهى دى اللى لازم توضع كل جهودك فيها عشان تثبت نفسك وريادتك فى المجال اللى انت اخترته أو اللى النت اتغصبت عليه مش هتفرق كتير .... هتشوف البدع والعقد بتاع الدكاترة اللى مفيش عليهم رقيب غير ربنا .....وكل دكتور ليه شخصيته وليه أسلوبه وليه مدخله اللى تدخل له بيه .... وفيه دكاترة زى السد العالى مبتتفاهمش ... وكل واحد ليه نظرته اللى صح واللى غلط ... وفيه ظلم كتير جدا
ومع ذلك كان ممكن أكون الطالب اللى يقدر يتعامل مع كل الدكاترة دى بما فيهم الظالم والعادل ....ومهما اتظلمت هتعدى وهتوصل لأن فيه رب كريم وفيه هدف ....أنا من النوع لما بحط هدف قدامى لازم أوصل ليه وأعديه كمان بمراحل !

اللى بيتظلم بجد الطالب المتوسط .... هو دا اللى بيتحط عليه حط السنين .... الطالب المتميز بيبقى معاه كل الأسلحة اللى مهما كان الامتحان هيبقى ليه كروت كتير رابحة

أنا عايزك تكون الطالب المتميز دا وعايز أقول لك أصرف قد ما تصرف على التعليم هتلاقيه وهتلاقى أكتر منه كمان صدقنى ... وأى حاجة هتصرفها على غير كدا هتستمع بيها شوية وتضيع وتزهق منها .... لكن علمك هيزيدك علم زيادة وهيزيدك ثبات فى أى خطوة بتقدم عليها فى الحياة
وربنا يوفقك

[YahiaAshraf]

ركز فى اللى انت فيه وبس .... مش هقولك لا تنشغل بأوضاع بلدك ... بس متخليهاش تيجى عليك بتأثير سلبى ... زى ما حصل معايا كدا بالظبط .... هتخسر ... وممكن تبقى عائق من ضمن عوائق تقدم بلدك !

أنا عارف ان التعليم فيه عك كتير .... دا إنت دلوقتى فى الثانوية الامتحان بيبقى موحد والمنهج واحد .... لما تدخل الكلية إن شاء الله ... وهى دى اللى لازم توضع كل جهودك فيها عشان تثبت نفسك وريادتك فى المجال اللى انت اخترته أو اللى النت اتغصبت عليه مش هتفرق كتير .... هتشوف البدع والعقد بتاع الدكاترة اللى مفيش عليهم رقيب غير ربنا .....وكل دكتور ليه شخصيته وليه أسلوبه وليه مدخله اللى تدخل له بيه .... وفيه دكاترة زى السد العالى مبتتفاهمش ... وكل واحد ليه نظرته اللى صح واللى غلط ... وفيه ظلم كتير جدا
ومع ذلك كان ممكن أكون الطالب اللى يقدر يتعامل مع كل الدكاترة دى بما فيهم الظالم والعادل ....ومهما اتظلمت هتعدى وهتوصل لأن فيه رب كريم وفيه هدف ....أنا من النوع لما بحط هدف قدامى لازم أوصل ليه وأعديه كمان بمراحل !

اللى بيتظلم بجد الطالب المتوسط .... هو دا اللى بيتحط عليه حط السنين .... الطالب المتميز بيبقى معاه كل الأسلحة اللى مهما كان الامتحان هيبقى ليه كروت كتير رابحة

أنا عايزك تكون الطالب المتميز دا وعايز أقول لك أصرف قد ما تصرف على التعليم هتلاقيه وهتلاقى أكتر منه كمان صدقنى ... وأى حاجة هتصرفها على غير كدا هتستمع بيها شوية وتضيع وتزهق منها .... لكن علمك هيزيدك علم زيادة وهيزيدك ثبات فى أى خطوة بتقدم عليها فى الحياة
وربنا يوفقك

أولا أنا اشكرك على مشاركتك الطيبه فى الموضوع

وانك حطيت أمل فيا
وجزاك الله كل خير

[mshmshm3]

من ساعة ذِكر التوكتوك من سنة تقريبا في خطاب شهير اوي اكيد كلنا عارفينه
و البلد بقت زي الزفت وقلة ادب و بلطجة و الفران طلعت من الجحور
فين ايامك يا حبيب مكنش في حد يجروء يمشي عكس علي رجليه حتي

[el diesel]

هو انا مش فاهم ايه علاقة اغانى اوكا و اورتيجا بتصرف الشباب دى او عيال بمعنى اصح
الازمة يا فندم اننا على مدار 20 /30 سنة فقدت الحاجة قيمتها او بمعنى اصح فقدنا الهيبة
الأب فى بيته فقد هيبته / المدرس فى مدرسته فقد هيبته / الظابط فى الشارع فقد هيبته /المدير فى شغله فقد هيبته / أى مسئول فى مكانه فقد هيبته
البلد ما وصلتش للدرجة دى فى يوم ولا اتنين
يا فندم ده تراكم سنين على بعض
فلو مش هاتقدر تتقبل الوضع الحالى و تقوم بالتغيير واضعف الايمان غير من نفسك و من اسرتك
قدم على الهجرة من دلوقتى

[monamize4]

لما واحد يبقى جايب 98 % ومش عارف يدخل طب يبقى حرام ولا حلال

مش عارف اقولك ايه ,,,,, دا استهبال
انا اساسا شايف ان مهنة الدكتور ف مصر مش جايبة همها و مش هتاخد منها قد ما تعبت

لكن ,, الميزة الاكبر من وجهة نظرى حاليا انك تدخل طب , انها بتساعد على الهجرة و السفر لدول غير الدول العربية ,, اساسا موضوع الهجرة كبر اوى ف دماغى و بفكر حاليا ف المعادلة الامريكية و ان شاء الله ربنا يوفقنى فيها و هتلاقى موضوع انا كنت عاملة هنا ف المنتدى عن الحوار دا

ربنا يكرمك و تدخل الكلية اللى نفسك فيها ,, بس فكر كويس انت عايز ايه

[hossam_elwani]

الاغانى بتاعت عوكا وفورتيكا دول حاجه كده فى قمة القذاره السمعيه واللفظيه حاجه كده تخليك ترجع اعوذ بالله الذوق وكللحاجه هبطت

على فكره انا عندى ولد وبنت وبعد ارادة الله انا نويت ما خلفش تانى ابدا واكون سبب فى انى اجيب روح تتعذب فى البلد دى

[zangry]

عيلين شكلهم سوابق وبقوا فنانين دلوقتي !! وبتاع قشطه يابا بقي نقيب الموسقيين دلوقتي :d

ارحمنا برحمتك

[YahiaAshraf]

مش عارف اقولك ايه ,,,,, دا استهبال
انا اساسا شايف ان مهنة الدكتور ف مصر مش جايبة همها و مش هتاخد منها قد ما تعبت

لكن ,, الميزة الاكبر من وجهة نظرى حاليا انك تدخل طب , انها بتساعد على الهجرة و السفر لدول غير الدول العربية ,, اساسا موضوع الهجرة كبر اوى ف دماغى و بفكر حاليا ف المعادلة الامريكية و ان شاء الله ربنا يوفقنى فيها و هتلاقى موضوع انا كنت عاملة هنا ف المنتدى عن الحوار دا

ربنا يكرمك و تدخل الكلية اللى نفسك فيها ,, بس فكر كويس انت عايز ايه

ما انا والدى ووالدتى دكاترة الحمد لله و شايف الحال


أنا ناوى على هندسة انشاء الله

وهجرة على المانيا باذن الله
خصوصا و انى بدرس المانى اصلا