طلب مساعده :(

[mas_shine]

السلام عليكم ورحمته الله

الحمد لله طلعت الرخصة امبارح بس

ونويت بأذن الله انزل اشوف كذا عربية
اتمنى الحق قبل رمضان

و كنت عاوزة اطلب منكم طلبين

اولاً
لو حد يعرف ميكانيكى فى الهرم بس يكون كويس وأمـــــــــــــــــــين
علشانا انا عاوزة واحد معايا علشان نروح نشوف كام عربية

ثانياً
ومعلش طلب تانى لو حد يعرف مكان بنزينة كويسة بس تكون فى الهرم ارفع فيها العربية
انا سمعت ان فى واحده فى اول الهرم بترفع كل حاجة فى العربية
وفى اول الهرم فى 2 فحد يعرف انهى الاحسن

ولوفى اى نصيحة وانا بشترى ياريت تقولوها لى

[cobraa2008]

على الميكانيك ما عرفش بس اللي اعرفه ان في بنزينة شل اللي شارع الهرم بتكشف على كل حاجة في العربية ده على حسب ما سمعت


وربنا يوفك وتشوفي عربية حلوة

وعلى العموم انت ممكني تسيب في المنتدى هنا المبلغ اللي ممكن تشتري بيه والاعضاء هايفدوك اووي في الموضوع ده


علشان ممكن الميكانيكي يضحك عليك برده فانت احسن حاجة لو ليكي حد قريبك وعنده عربية ينزل معاكي احسن

[MOHAMED ABD EL SHAFY]

شوف هنا

http://www.nilemotors.net/Nile/showthread.php?t=32679

[Akram]

أولاً ربنا يوفقك في الشراء ,
ثانياً انت هتشوفي كام عربية يعني انت محددة عايزة ايه , بس ممكن تشركينا معاكي و تقوليلنا على الميزانية اللي انت حطاها للموضوع و انواع العربيات اللي انت هتشوفيها ,
بالنسبة للميكانيكي , هو مش لازم يكون ميكانيكي اللي يفصل العربية لان الموضوع بيبقى أساسيات و عفشة و ميكانيكا و بودي ,
يعني الموضوع محتاج لسمكري اكتر منه لميكانيكي و لو حد بيفهم في الإتنين يبقى كويس ,

انا اعرف كهربائي بيفهم في أساسيات العربيات و الميكانيكا و لو انت عايزاه في وقت محدد و لمشاوير محددة قوليلي و انا أشوف ظروفه إيه ,

بس يفضل برده يكون معاكي واحد قريبك و يكون بيفهم في العربيات لأن في الزمن ده مفيش حد مضمون ,

فيه اقتراح انك تروحي السوق يوم الجمعة و يكون معاكي الناس دول برده , و تشوفي الحاجات الموجودة ايه .

[mohamed ibiza]

بنزينة شل اللي في الهرم بيقيسوا فيها كبس الموتور

[mas_shine]

جزاكم الله خيرا

طيب استاذ اكرم ممكن لو تبعتلى رقم الكهربائى

اما بالنسبة للعربيات اللى بفكر فيها

تكون هاتش باك

ومن 30 الى 45 الف

[MOHAMED ABD EL SHAFY]

عندى اقتراح شخصى ليكى (اشترى ماروتى زيرو) بجد عربية كويسة ماشاء الله
وترحمى نفسك من تصليح او مشاكل تحدث (لاقدر الله) بسبب المستعمل
عندنا فى العائلة انسات اشتروا ماروتى زيرو ومشاء الله عربية جميلة ومحندقة وتركن فى البلكونة كمان
وسحبها ممتاز وتوفير بنزين خرافى وبيروحوا الشغل كل يوم رايح جاى غير المشاوير ومعملتش والحمد لله اى مشلكة من سنة تقريبا غير نفخ كاوتش مرة اتخرم ومفيش تقريبا مشكلة ظهرت لمدة عام (وكلهم بيشتروا وهما فى اول طريق القيادة)
انا سقتها من التوكيل بنفسى وفعلا عجبتنى واتصدمت لانى مكنتش متوقعها بالشكل والاداء دا
وهترحمك من كل شوية ميكانيكى - كهربائى المستعمل بردة ليه مشاكلة ويفضل الشباب ليه عشان يسلكوا مع الميكانيكية والحورات دى وخصوصا انك لسه جديدة فى القيادة. وتنسيها 3 سنين وبعدين تبيعيها وتجيبى حاجة اعلى انشاء اللة

فى مرة مهندسة زميلة فى الشغل شكت ان كاوتش السيارة نايم شوية راحت عند بتاع كاوتش اقنعها ان الكاوتش به ثقوب (الكاوتش كان جديد) وعملها حوالى 9 اخرام خوابير الواحد ب 10 جنية !!!!!!!!!! طبعا لاكان فيه اخرام ولاحاجة الراجل نصب عليها ولاحول ولاقوة الابالله

لو مصممه على المستعمل فمن راى الشخصى اختارى فى الفئات الاتية: (وبردة فكرى فى الماروتى)

كيا برايد - اكسنت - كيا بيكانتو - اوبل كورسا - سكودا فليشيا

[mas_shine]

عندى اقتراح شخصى ليكى (اشترى ماروتى زيرو) بجد عربية كويسة ماشاء الله
وترحمى نفسك من تصليح او مشاكل تحدث (لاقدر الله) بسبب المستعمل
عندنا فى العائلة انسات اشتروا ماروتى زيرو ومشاء الله عربية جميلة ومحندقة وتركن فى البلكونة كمان
وسحبها ممتاز وتوفير بنزين خرافى وبيروحوا الشغل كل يوم رايح جاى غير المشاوير ومعملتش والحمد لله اى مشلكة من سنة تقريبا غير نفخ كاوتش مرة اتخرم ومفيش تقريبا مشكلة ظهرت لمدة عام (وكلهم بيشتروا وهما فى اول طريق القيادة)
انا سقتها من التوكيل بنفسى وفعلا عجبتنى واتصدمت لانى مكنتش متوقعها بالشكل والاداء دا
وهترحمك من كل شوية ميكانيكى - كهربائى المستعمل بردة ليه مشاكلة ويفضل الشباب ليه عشان يسلكوا مع الميكانيكية والحورات دى وخصوصا انك لسه جديدة فى القيادة. وتنسيها 3 سنين وبعدين تبيعيها وتجيبى حاجة اعلى إن شاء الله

فى مرة مهندسة زميلة فى الشغل شكت ان كاوتش السيارة نايم شوية راحت عند بتاع كاوتش اقنعها ان الكاوتش به ثقوب (الكاوتش كان جديد) وعملها حوالى 9 اخرام خوابير الواحد ب 10 جنية !!!!!!!!!! طبعا لاكان فيه اخرام ولاحاجة الراجل نصب عليها ولاحول ولاقوة الابالله

لو مصممه على المستعمل فمن راى الشخصى اختارى فى الفئات الاتية: (وبردة فكرى فى الماروتى)

كيا برايد - اكسنت - كيا بيكانتو - اوبل كورسا - سكودا فليشيا

جزاك الله خيرا على الاهتمام والنصيحة

اما الماروتى انا عندى صحبتى جيباها بردوا بتشكر فيها اوى

اما بالنسبة للمستعمل انا فعلا بفكر فى كيابيكانتو( الاحتمال الاكبر )

والاوبل معروضة عليا بس موديل 95

[Qamar]

لا تنسي صلاة الاستخارة

[Karim_Monir]

انصحك بحاجة اعطالها قليلة وصيانتها سهلة
يعني مثلا لانوس او جوليت لو حابة الهاتش باك
لو اصغر خليكي في برايد
بس بصراحة طالما بتتكلمي فوق ال 40
مارتركبيش حاجة من غير تكييف وباور
جو مصر بقى حر جدا معظم شهور السنة
وتراب ويقرف
والباور هايخليكي تسوقي بمنتهى السلاسة
خليكي بين اكسيل او لانوس او ريو 2002 2003

[WalidAdel]

عندى اقتراح شخصى ليكى (اشترى ماروتى زيرو) بجد عربية كويسة ماشاء الله
وترحمى نفسك من تصليح او مشاكل تحدث (لاقدر الله) بسبب المستعمل
عندنا فى العائلة انسات اشتروا ماروتى زيرو ومشاء الله عربية جميلة ومحندقة وتركن فى البلكونة كمان
وسحبها ممتاز وتوفير بنزين خرافى وبيروحوا الشغل كل يوم رايح جاى غير المشاوير ومعملتش والحمد لله اى مشلكة من سنة تقريبا غير نفخ كاوتش مرة اتخرم ومفيش تقريبا مشكلة ظهرت لمدة عام (وكلهم بيشتروا وهما فى اول طريق القيادة)
انا سقتها من التوكيل بنفسى وفعلا عجبتنى واتصدمت لانى مكنتش متوقعها بالشكل والاداء دا
وهترحمك من كل شوية ميكانيكى - كهربائى المستعمل بردة ليه مشاكلة ويفضل الشباب ليه عشان يسلكوا مع الميكانيكية والحورات دى وخصوصا انك لسه جديدة فى القيادة. وتنسيها 3 سنين وبعدين تبيعيها وتجيبى حاجة اعلى إن شاء الله

فى مرة مهندسة زميلة فى الشغل شكت ان كاوتش السيارة نايم شوية راحت عند بتاع كاوتش اقنعها ان الكاوتش به ثقوب (الكاوتش كان جديد) وعملها حوالى 9 اخرام خوابير الواحد ب 10 جنية !!!!!!!!!! طبعا لاكان فيه اخرام ولاحاجة الراجل نصب عليها ولاحول ولاقوة الابالله

لو مصممه على المستعمل فمن راى الشخصى اختارى فى الفئات الاتية: (وبردة فكرى فى الماروتى)

كيا برايد - اكسنت - كيا بيكانتو - اوبل كورسا - سكودا فليشيا

+1

دا اظرف حل بالنسبه لحضرتك كامبتدئه في الشواقه و اريح صيانه في التوكيل و كدا اظرف من الميكانيكيه
الهم ماحسن من التوكيلات و ابعدنا عن الميكانيكيه

[brown-eyes]

صح لو زيرو يبقي ماروتي زي الاخوة ما قالو انا ماسوقتهاش بس انا بثق في اعضاء المنتدي
لو مستعمل يبقي جوليت بلا منافس
سعر كويس شكل كويس ميكانيكا سهلة اي حد بيشتغل فيها فلوسها فيها ومريحة في المشي والركن والتكييف تحفة ومشاكل قليلة جدا بس تجيبيها حالة كويسة وعداد صغير
انا كان معايا واحدة قعدة سنة ونص من غير اي مشاكل وكنت واخدها مستعملة كمان كانت جوليت 1 موديل 99

[hazem_khidr]

انصحك تشوفي اي حد من قرايبك او معارفك يكون بيفهم يجي معاكي
انما ميكانيكي ممكن ما تضمنيهوش الا لو معرفه
المبلغ اللي بتتكلمي بيه دا يجيبلك حاجات كتير كويسه
بس ابعد عن الاوربي لانه خشن و تقيل
هاتي عربيه ناعمه
لانسر بطه او لانوس

[mas_shine]

جزاكم الله خيرا

انا اول مرة اسمع ان المانى خشن ( بس انا كده كده مكنتش عجبانى لانها موديل قديم )

طب معلش سؤال انا فى ناس قالولى احسن بما انك مبتدئة اشتر حاجة صغيرة مستعملة زى دايو الماتيز وبعدين غيرها

مع انى حابة اوى البيكانتو

فرأيكم ايه؟؟؟؟

مع العلم انى مش ناوية اغير العربيه اللى هشتريها غير بعد مده طويلة
ان شاء الله