400 لتر بنزين 80 في برميل .... ! ! !

[medo111]

بصو يا جماعه الناس الي بتمون وتفضي العربيه وترجع تمون تاني مهما كان مبرر حضرتك كلنا زيك مش انت لوحدك الي عندك الظروف دي انا كان عندي حاله وفاه من كام يوم وجايب الصفيحه ب 100 جنيه عشان الجراكن والمتسكلات والتكاتك وكل دا
ووقفت من الساعه 4 الفجر لحد 1 الضهر عشان احط بنزين بنزينه وطنيه عندنا في المنصوره بتاعت الجيش مبتملاش جراكن ولو دخلت تحط بنزين مش بيفول العربيه للاخر بيحط لكل عربيه 30 لتر عشان كلو يحط وهو دا الصح وسبب المشكله ان معتش في وافره في البنزين كل الناس خايفه وبتخزن وبقوا تجار بقت عامله زي كل المشاكل بتاعت السلع وسياسه التخزين الناس بتجيب فوق احتياجها زي اللحمه والفراخ لو بنعمل زي الاجانب وبنجيب علي قد احتياجنا اليومي بس الاسعار هتنزل والبنزين دخل الدايره خلاص

[kazamodia]

يا جماعة القاهرة مفيهاش ازمة نهائي !

[abou-yahia]

دة اندهاش ولا استغراب ولا استنكار

اجابه خاطئه

لا ده تحيه

Sent from my GT-P5100 using Forum Runner

[bmya]

وقفت 7 سعات عشان امون ومره تانيه وقفت 3 ساعات وممونتش في الاخر ومره تالته 3 ساعات ومونت ومره رابعه ساعتين ومونت
الشاهد ان في كل الحالات في بنزين يبقى كده في بنزين مش مفيش بنزين ولكن عدد الجراكن اكتر من عددد العربيات وحجمها ممكن يفول العربيات اللي وقافه كلها ويفيض كمان الغباء ان العمال بيملوا الجراكن الاول وده ليه عشان بياخدوا على كل جركن 5 جنيه زياده على تمن البنزين شوف بقه بيطلع لهم كام جنيه لو 100 جركن وده اقل حاجه يعني 500 جنيه من الهواء حسبي الله ونعم الوكيل طبعا الكلام ده في نط
اق الاقاليم الشرقيه والدقهليه
نزلت القاهره بقه مدينه نصر عند حمايا لقيت البنزينه فاضيه خالص قلت اكيد مفيش بنزين بس قلت اسال برده دخلت اسال قالي ايوه فيه استغربت جداااا البنزينه فاضيه مفيش غيري واقف فيها و كمان في بنزين بصراحه مضيعتش وقت روحت مفووووول واتصلت بكل قرايبي اغيظهم نياهاهاهاهاهاها هههههههههههه

[د.أبونضال]

النهاردة في بعض بنزينات المنصورة كان هناك تواجد للشرطة في البنزينات وممنوع الجراكن مونت في ساعة واحد بس الحمد لله من بنزينة كالتس على دائري المنصورة

[mahmoudysf]

الى صاحب الموضوع والى بعض التعليقات
العيب مش على صاحب البنزينة او مديرها او العمال في ان عربية تيجي تاخد 400 لتر وفيه طابور ملوش اخر زي ما بتقول
ولا العيب على الحكومة والرئيس
العيب على الطابور الطويل اللي ملوش اخر زي ما بتقول اللي مفهيوش رجالة وقفت ومنعت المسخرة دي

[M.Ayman]

و الطوابير دي كلها ليه منزلوش كسروا المحطه علي دماغ الحراميه اللي بيدوا البنزين للحراميه التانيه اللي بتبيعوا .... ايوه حكومه بنت ستين في سبعين و غياب المسئولين لأنهم اصلا مش مسئولين و حاجه قرف .... بس معلش انا بتعذب و شايف قدامي حقي بيتسرق و احنا كتيييييييير ليه معملوش اي حاجه يا جدعان دول لو زعقوا بس كانوا هيخربوها !!!!

[medo111]

اسكندريه والقاهره وبورسعيد مفيهمش مشاكل بس اشمعني التلاته دول بس هما تلت محافطات مهمين بصراحه لانهم الي عليهم العين والنني ومش عايزين فيهم مشاكل

[os.a.ma]

الى صاحب الموضوع والى بعض التعليقات
العيب مش على صاحب البنزينة او مديرها او العمال في ان عربية تيجي تاخد 400 لتر وفيه طابور ملوش اخر زي ما بتقول
ولا العيب على الحكومة والرئيس
العيب على الطابور الطويل اللي ملوش اخر زي ما بتقول اللي مفهيوش رجالة وقفت ومنعت المسخرة دي

أنا قولت كان في ضرب حضرتك وخناق بس البقاء للأقوى ... لما تلاقي واحد بلطجي واقف بياخد الكمية دي وفي جراكن ولو قربت منه الله اعلم هيعمل فيك ايه ... وزي ما الطابور كبير الناس الي بياخدو في جراكن وبراميل بردو كتير لو قامت خناقة الله اعلم هتوصل لفين

[S O P H O S]

كل ده اكيد للبيع !

[mohamedbamby]

اسكندريه والقاهره وبورسعيد مفيهمش مشاكل بس اشمعني التلاته دول بس هما تلت محافطات مهمين بصراحه لانهم الي عليهم العين والنني ومش عايزين فيهم مشاكل

علي فكرة الاسكندرية فيها اكبر محطات التكرير وبتغذي الدلتا والساحل الشمالي والبحيرة وكفر الشيخ ومطروح