بجد محتاجه رايكم

[DAHB115]

السلام عليكم اعضاء المنتدى
انا بحثت ودورت وكنت عاوزه اشترى فيرنا جديد واجرها لشركات خدمات بترولية او ادويه او شركة ليموزين لان الشركة عندى بتصفي الموظفين وانا فعلا محتاجه ازود دخلي بس كنت عاوزه اعرف هل الموضوع دا مربح ام لا وما هي اضراره وما هي الضمانات اللي احفظ بيها حقي علما باني عملت كذا تليفون لكذا شركة للالمام بالمعلومات عن الانظمة وعاوزه ادخل في الموضوع بس محتاجه مشورة حد جرب الموضوع دا وبجد مش لاقيه حد اساله غير المنتدى الجميل دا
واسفه علي الاطالة واتمني بجد الاقي اهتمام بالرد
وشكرا

[dem0]

مربح نسبة الربح تعتمد على قيمة العقد بينك وبين الشركة وشروط العقد

يعني هل العقد شامل الصيانه ولا لا شامل السائق ولا لا وقيمة كام

[ahmed salah90]

السلام عليكم اعضاء المنتدى
انا بحثت ودورت وكنت عاوزه اشترى فيرنا جديد واجرها لشركات خدمات بترولية او ادويه او شركة ليموزين لان الشركة عندى بتصفي الموظفين وانا فعلا محتاجه ازود دخلي بس كنت عاوزه اعرف هل الموضوع دا مربح ام لا وما هي اضراره وما هي الضمانات اللي احفظ بيها حقي علما باني عملت كذا تليفون لكذا شركة للالمام بالمعلومات عن الانظمة وعاوزه ادخل في الموضوع بس محتاجه مشورة حد جرب الموضوع دا وبجد مش لاقيه حد اساله غير المنتدى الجميل دا
واسفه علي الاطالة واتمني بجد الاقي اهتمام بالرد
وشكرا

بجد منصحكيش علشان العربية بتتهلك اولا ثانيا لو حصل حاجه لقدر الله و انتي مامنه عليها و اثبت في محضر الحادثه لقدر الله انك ماكونيش اللي سايقه العربيه راح عليكي التامين علشان شرط في التامين انك لازم تكوني اللي سايقه
ده راي و الله الموفق

[Ahmed Amin]

بجد منصحكيش علشان العربية بتتهلك اولا ثانيا لو حصل حاجه لقدر الله و انتي مامنه عليها و اثبت في محضر الحادثه لقدر الله انك ماكونيش اللي سايقه العربيه راح عليكي التامين علشان شرط في التامين انك لازم تكوني اللي سايقه
ده راي و الله الموفق

فعلاً الموضوع دا نسبة المخاطرة فيه عالية جداً ومنصحكيش بيه في وضع البلد الحالي.
أحنا من فترة كبيرة من حوالي 6 سنين حاولنا نعمل نفس الموضوع بس مفيش شركة أخدت منا العربيات ساعتها وممكن تتحطي في نفس الموقف حتي لو كان حد بيقولك دلوقتي هاتيها وانا أشغلهالك, أتقالنا نفس الكلام دا وساعة الجد مكنش في حد,
غير ان في ظروف البلد اللي يومين الجاين محدش عارف هتبقي عاملة أزاي, وركنة العربية بتقلل من قيمتها وهتصرف معاكي, ولو أضريتي تأجيريها باليوم في أخر المطاف عشان تجيب حقها بس هتخسر أكتر وهترجع بحكات وخبطات كل يوم.
دا رأيي.

[adelghanem]

اعتقد ان الشركات اللى بتأجر السيارات بعقود سنويه
لهم شروط ومن اهمها وسع العربيه وعلشان كده لها موديلات معينه بتختارها
وممكن تاخد السياره لوحدها او ممكن يكون صاحبها هوه السواق عليها
كمان فى العقد شروط الصيانه على مين وهكذا.....
الخلاصه ان الشركات مش هبله هيه بتاخد خير العربيه
اول سنتين تلاته وبعدين تاخد واحده جديده

[4fun14]

متهيألى الشركات دي مش بتأجر فيرنا

[DAHB115]

بجد منصحكيش علشان العربية بتتهلك اولا ثانيا لو حصل حاجه لقدر الله و انتي مامنه عليها و اثبت في محضر الحادثه لقدر الله انك ماكونيش اللي سايقه العربيه راح عليكي التامين علشان شرط في التامين انك لازم تكوني اللي سايقه
ده راي و الله الموفق

شكرا لاهتمامك أستاذ / احمد بالرد بس المعلومة الخاصة بالتامين دى متاكد منها

[DAHB115]

شكرا لكل من اهتم ورد علي سؤالي بس نفسي بجد اخد المعلومة من اهل التجربة وكمان سؤال اتصلت بشركة خدمات بترولية قالت لي بتاجر فيرنا جديده 2000 ج في الشهر لمده 2 سنة هل المبلغ دا كويس ولا قليل وكافة المصاريف والصيانه علي الشركة

[bassemali]

أنا كنت فكرت أعمل الموضوع ده قبل كده ودوست فيه جامد .. وكنت شارط إن أنا اللي أسوق عربيتي ( إسبرانزا 516 موديل 2012 ) وبالفعل إشتغلت بيها مع شركة مقاولات لمدة 4 شهور ب 2500 جنيه والبنزين عليهم والصيانه عليا .. ومن خلال التجربه أقولك بلاش أحسن للأسبابا التاليه :
1 ) العربيه بتستهلك جامد ( مش أقل من 120 كيلو يوميا )
2 ) المبلغ مش مجازي بعد ماتخصمي منه 860 قسط + 300 ع الأقل مصاريف صيانه يبقى الصافي 1340 جنيه ف الشهر يعني ف السنه 16080 جنيه .. نخصم منهم كمان 3000 تأمين وتراخيص يبقى الصافي ف السنه 13080 جنيه ... ولو جيتي تبيعي العربيه بعد سنه وهيا ماشاء الله ماشيه حوالي 40000 كيلو تخسر أكتر من ال 13080 دول .. يبقى مافيهاش أي مكسب ليكي غير سداد القسط وبس .
3) العربيه لأني أنا اللي كنت سايقها كنت بحافظ عليها لو غيري ركبها عمره ماهيصونها زيي .. وسيبك من كلام الإعلانات أنك هتستلمي العربيه بعد مدة العقد زي ما سلمتيها وأي حاجه هما مسؤولين عنها والكلام بتاع جر الرجل ده لأن بتوع الإعلانات بتاعت الوسيط دول كلهم نصابين وهمهم الشهر العموله اللي بياخده منك .
4) كمان لو هتأجريها لشركه عن طريق مكتب لازم تعرفي أنه هياخد شهر عموله وممكن يكون هو اللي بيقبض من الشركه ويبقضك كمان .
5) ظروف البلد زفت .. والموضوع مايطمنش إنك تسيبي العربيه لحد .. وكمان التأمين مش بيصرفلك المبلغ غير لو إنتي اللي سايقه العربيه وقت الحادثه وإلا مالكيش ولامليم .. والشركه يوم ما العربيه تتخبط لاقدر الله هترميها لك وتقولك منك للتأمين وخلصنا .
الموضوع بتاع عربيه أأجرها ده ينفع فك زنقه لفتره معينه كام شهر كده لغاية لما أضبط مشروع أو شغل أو سفر لكن يبقى مشروع على طول ... لا أنصحك إطلاقا الموضوع مخاطرته كبيره فعلا .

[ahmed salah90]

شكرا لاهتمامك أستاذ / احمد بالرد بس المعلومة الخاصة بالتامين دى متاكد منها

متاكد جدا علشان كنت شغال في ايجار السيارات و روحت التامين شركه قناه السويس للتامين و ده كان شرط عندهم و بعدين المشروع اتقفل علشان ظروف البلد و الخساره في عربيه بعيد عن الكل عملت حادثه جامده بس الحمد لله بدون خسائر بشريه

[mahmoud_anwar]

اولآ رغم ان الموضوع مش كويس بس انا هقولك علي حاجة الفيرنا حاليآ زيرو عاملة مانيول 80.000الف تمام لو انتي هتدفعي 80 الف كاش علشان تكسبي في سنتين 24.000 يبقا حضرتك خسرتي امامها 56.000 الف لي سبب حضرتك شوفي العربية بعد سنتين هتيجي عاملة ازاي اكيد متسمكرة في كل حتي ورشة او عايزة ترش من الهبد فيها تمام تاني حاجة شوفي عدد الكيلوهات الي العربية هاتيجي عاملهم كام يعني لما تيجي تبيعها والفيرنا متوسط سعرها في السوق من 50 الي 55 دي الحالة لكن العربية طبعآ مش هاتيجي حاله العربيةهاتيجي هتتباع في السوق من رنخ 40 الي 45 اخرها لو فيها نفس المهم نقول هاتيجي تتباع بمبلغ 50 الف وده استحالة اضربي فيهم مكسب 2سنة 50+24=74000 الف يعني خسرتي بعد سنتين 6الف جنية وده طبعآ خسرة بسيطة لكن مش مكسب انا اعرف ان اعمل مشروع يبقا مشروع عمر افتراضي اطول ربحة يغطي رائس المل الي ابتديت بيه سعتها يتقال عليه مشروع مربح

[مصطفى-حسن]

صدقينى بلاش
الشركات دى مش هبلة او عبيطة
دول حاسبين كل حاجة بالسنتوفة
دى بتاخد خير العربية وترميها
انتى فاكرة الشركة من دول مثلا مش معاها تشترى العربية كاش
او تدفع مقدم وتجيبها قسط وتبقى ملكها فى الاخر
دول فاهمين هما بيعملوا اية كويس قوى
وانصح منك 100 مرة

[DAHB115]

أنا كنت فكرت أعمل الموضوع ده قبل كده ودوست فيه جامد .. وكنت شارط إن أنا اللي أسوق عربيتي ( إسبرانزا 516 موديل 2012 ) وبالفعل إشتغلت بيها مع شركة مقاولات لمدة 4 شهور ب 2500 جنيه والبنزين عليهم والصيانه عليا .. ومن خلال التجربه أقولك بلاش أحسن للأسبابا التاليه :
1 ) العربيه بتستهلك جامد ( مش أقل من 120 كيلو يوميا )
2 ) المبلغ مش مجازي بعد ماتخصمي منه 860 قسط + 300 ع الأقل مصاريف صيانه يبقى الصافي 1340 جنيه ف الشهر يعني ف السنه 16080 جنيه .. نخصم منهم كمان 3000 تأمين وتراخيص يبقى الصافي ف السنه 13080 جنيه ... ولو جيتي تبيعي العربيه بعد سنه وهيا ماشاء الله ماشيه حوالي 40000 كيلو تخسر أكتر من ال 13080 دول .. يبقى مافيهاش أي مكسب ليكي غير سداد القسط وبس .
3) العربيه لأني أنا اللي كنت سايقها كنت بحافظ عليها لو غيري ركبها عمره ماهيصونها زيي .. وسيبك من كلام الإعلانات أنك هتستلمي العربيه بعد مدة العقد زي ما سلمتيها وأي حاجه هما مسؤولين عنها والكلام بتاع جر الرجل ده لأن بتوع الإعلانات بتاعت الوسيط دول كلهم نصابين وهمهم الشهر العموله اللي بياخده منك .
4) كمان لو هتأجريها لشركه عن طريق مكتب لازم تعرفي أنه هياخد شهر عموله وممكن يكون هو اللي بيقبض من الشركه ويبقضك كمان .
5) ظروف البلد زفت .. والموضوع مايطمنش إنك تسيبي العربيه لحد .. وكمان التأمين مش بيصرفلك المبلغ غير لو إنتي اللي سايقه العربيه وقت الحادثه وإلا مالكيش ولامليم .. والشركه يوم ما العربيه تتخبط لاقدر الله هترميها لك وتقولك منك للتأمين وخلصنا .
الموضوع بتاع عربيه أأجرها ده ينفع فك زنقه لفتره معينه كام شهر كده لغاية لما أضبط مشروع أو شغل أو سفر لكن يبقى مشروع على طول ... لا أنصحك إطلاقا الموضوع مخاطرته كبيره فعلا .

شكرا علي ردك يا استاذ باسم
انا فعلا حاسه ان مكسبة ممكن يكون بسيط . بس بعد كلامك دا وعن تجربتك انا كدا هصرف نظر عن الموضوع والف شكر جدا لاهتمامك انا بجد كنت مستنيه مشاركة حد اشتغل في الموضوع دا .وميرسي علي ردك وتحليلك للموضوع

[DAHB115]

اولآ رغم ان الموضوع مش كويس بس انا هقولك علي حاجة الفيرنا حاليآ زيرو عاملة مانيول 80.000الف تمام لو انتي هتدفعي 80 الف كاش علشان تكسبي في سنتين 24.000 يبقا حضرتك خسرتي امامها 56.000 الف لي سبب حضرتك شوفي العربية بعد سنتين هتيجي عاملة ازاي اكيد متسمكرة في كل حتي ورشة او عايزة ترش من الهبد فيها تمام تاني حاجة شوفي عدد الكيلوهات الي العربية هاتيجي عاملهم كام يعني لما تيجي تبيعها والفيرنا متوسط سعرها في السوق من 50 الي 55 دي الحالة لكن العربية طبعآ مش هاتيجي حاله العربيةهاتيجي هتتباع في السوق من رنخ 40 الي 45 اخرها لو فيها نفس المهم نقول هاتيجي تتباع بمبلغ 50 الف وده استحالة اضربي فيهم مكسب 2سنة 50+24=74000 الف يعني خسرتي بعد سنتين 6الف جنية وده طبعآ خسرة بسيطة لكن مش مكسب انا اعرف ان اعمل مشروع يبقا مشروع عمر افتراضي اطول ربحة يغطي رائس المل الي ابتديت بيه سعتها يتقال عليه مشروع مربح

الف شكر يا استاذ محمود
خلتني افكر في الموضوع من زاوية مكنتش حسباها خالص الف شكر لاهتمامك وردك

[mo7a_mo7a]

بلاش أحسن مخاطرة عالية ومفيش ربح يذكر
الناس اللي بتكسب من الموضوع ده هم اللي بيشتغلوا سواقين علي عربياتهم