سؤال بخصوص توكيل العربية ونقلها مرور اخر

[wahba87]

بص في حركه انا عملتها وفرت انك تعمل تصريح مؤقت 3 شهور . اني سلمت النمر والرخصه و شهاده المخالفات للمرور الاصلي و خليت المرور الاصلي كتب لي في شهاده البيانات غير مطالب بشهاده المخالفات ولا اللوحات ولا الرخصه . الحركه دي قالي عليها ظابط المرور و كدا خدت الرخصه مباشره مش تصريح 3 شهور و مستنتش الملف

ممكن حد يأكد أن الكلام ده صح ؟؟

انا طلعلى تصريح 3 شهور و بعدها تصريح 3 شهور و بعدها تصريح 6 شهور و يا مسهل !!

[أشرف العدوي]

بص و الله اعلم طالما هتنقل من مرور لمرور هتجيب شهادة بيانات حتى لو الرخصة سارية
أنت ممكن تسأل في المرور نفسه و تتأكد بدل ما تتشحطت
و من رايي مش لازم تخلص كله في يوم واحد علشان هتبقى بهدله
يعني ممكن تنفل ملكية و تفحص في يوم
و اليوم التاني ترخص و تستلم نمر

[mo7a_mo7a]

أول حاجة تعملها تطلع على الشهر العقاري و تبيع العربية لنفسك هناك بموجب التوكيل اللي معاك و تدفع رسوم التسجيل طبعاً و هاتمضي مشتري

و بعدين تطلع شهادة مخالفات من مرور العربية الأصلي اللي هو النزهة في الحالة دي

تاخد بعضك و تطلع على السلام و تشتري ملف نقل ملكية و تعمل فحص و تخش على شباك نقل الملكية...

هاتدفع بعد كده الضريبة و تسلم نمرك القديمة و هايدوك نمر جديدة و رخصة جديدة بإسمك...و شكراً على كده

العملية دي كلها عملتها في 3 ساعات شاكب راكب بين مرور حلوان و الدراسة...معرفش السلام هايبقى إيه ظروفه

ربنا معاك و يوفقك :)

كل ده تمام 100%
بس فس ورقة جديدة بيطلبوها اسمها اصل الرقم من مرور العربية الاصلي اعملها علشان حتحتاجها

تحياتي

[D . a .\ AYMAN]

بص انا زيك بالظبط و عملت الحوار من شهر و يؤسفني اقولك اني اتبهدلت و روحت المرورين 7 مرات بس انا كانت رخصتي منتهية و هقولك الخطوات بالتفصيل :
1- هتروح مرور النزهة تعمل شهادة بيانات للتسجيل في الشهر العقاري و تعمل شهادة مخالفات و تخلي بالك ان التوكيل مكتوب فيه انه مصرحلك بالتعامل مع المرور
2- تطلع علي الشهر العقاري لتسجيل العربية
3- تروح مرور السلام تخش علي الفحص الموظف هيكتبلك انه مطلوب مطابقة بصمة من مرور النزهة و متقفش لحد يقولك هخلصلك الورق لانهم شوية حرامية و بعدين تختم نموذج الفحص و تشتري الطفاية ( لو طفايتك عدي عليها 5 سنين ) و تعمل التامين الاجباري و تمشي
4- ترجع مرور النزهة تعمل مطابقة بصمة ( دي لوحدها يوم من اولة )
5- ترجع مرور السلام تقدم مطابة البصمة هيفحصلك العربية
6- تشتري نموذج نقل ملكية و تصور البطاقة و الرخصة القديمة و تدخل علي شباك نقل الملكية هيقدرلك الضريبة و تدفع في الخزنة و ترجع تاني الشباك تديلة الوصل و تستني الرخصة هييديلك تصريح مؤقت 6 شهور لحد ما الملف ييجي من مرور النزهة

ملحوظات:
1- تخلص القصة دي قبل ما شهادة المخالفات و الرخصة ينتهو
2- تروح في يوم غير السبت
3- تعمل حسابك اني مفيش حد بيخلص حاجة من غير فلوس

ربنا معاك لو احتجت نمرة تليفوني او حتي اروح معاك انا تحت امرك

+1

- الفرق إنك مش هاتحتاج تعمل شهادة بيانات بإذن الله لأن رخصتك سارية ...

- حاجة مهمة تاخد بالك منها لأني شوفت مهندس بيتلكك عليها لواحد في مرور فيصل من إسبوع كدة ... وهي إنك لما تاخد ورق البمطابقة من مرور السلام المهندس هاياخد رقم الشاسيه على ورق المطابقة نفسه لكن رقم الموتور بياخده على ورقة بيضاء صغيرة ويلزقها بعد كدة على ورق المطابقة ... اللى لازم تاخد بالك منه بقى إن لازم تخلي الضابط يختم على الورقة البيضاء اللى عليها رقم الموتور بختم النسر

- مش هاتحتاج حاجة من مرور النزهة بإذن الله غير إنه بيقارن ورق المطابقة اللى انت هاتجيبهوله من مرور السلام مع اللى مسجل في ملف العربية ويكتب كدة على الظهر ويختم عليه فقط

- بعد كدة هاترجع بقى مرور السلام وتكمل في الإجراءات عادي وربنا يسهلهالك من عنده

- رسوم التسجيل تقريبا قرب الألف أو أكتر حاجة بسيطة بس كام بالتحديد .. هم عندهم جدول بيختلف من عربية لعربية حسب المسجل لديهم بس الـ 1600 تقريبا مش هاتعدي الحدود دي

- مش هاتحتاج تغير نمر العربية بإذن الله طالما بتنقل جوة نفس محافظة القاهرة

- طالما لسة الملف مش في المرور ... هاتاخد تصريح مؤقت لمدة 6 شهور غالبا بتجدده تاني (معرفش إيه الإعجاز اللى بيعملوه في عملية نقل الملفات عشان تاخد الوقت ده كله) لغاية ما الملف ييجي ...

وعلى فكرة النقطة دي مالهاش حل هو ما يقدرش يدي رخصة دائمة من غير ما يكون الملف بتاع العربية عنده حتى لو عملت إيه ... لازم تصريح مؤقت لغاية ما الملف ييجي ... ولو حصل حاجة غير كدة أكيد مش هاتكون مضبوطة .. لأني زي ما قلت ما ينفعش يطلع ترخيص دائم من غير ما يكون عنده ملف العربية

[Karim_Monir]

يعني تقصدو اني اطلع شهاردة بيانات حتي لو الرخصة سارية ؟؟؟

تاني حاجة يعني انا لازم اروح مرور السلام اجيب ورق مطابقة بصمة من مرور النزهة ؟؟
ولا ممكن اطلع على مرور النزهة علي طول اجيب مطابقة بصمة

اصلي عايز اقلل مرات دخولي مرور السلام جدا :-(

شكرا بجد لكل مساعدتكم ونصايحكم

[ENG\AHMED]

+1


وعلى فكرة النقطة دي مالهاش حل هو ما يقدرش يدي رخصة دائمة من غير ما يكون الملف بتاع العربية عنده حتى لو عملت إيه ... لازم تصريح مؤقت لغاية ما الملف ييجي ... ولو حصل حاجة غير كدة أكيد مش هاتكون مضبوطة .. لأني زي ما قلت ما ينفعش يطلع ترخيص دائم من غير ما يكون عنده ملف العربية

ياجماعة عربيتى من اول لما نقلتها وانا واخد رخصة ومن غير لا فلوس ولا بتاع وانا اصلا مبدفعش حتى لو ايه حصل

[ENG\AHMED]

يعني تقصدو اني اطلع شهاردة بيانات حتي لو الرخصة سارية ؟؟؟

تاني حاجة يعني انا لازم اروح مرور السلام اجيب ورق مطابقة بصمة من مرور النزهة ؟؟
ولا ممكن اطلع على مرور النزهة علي طول اجيب مطابقة بصمة

اصلي عايز اقلل مرات دخولي مرور السلام جدا :-(

شكرا بجد لكل مساعدتكم ونصايحكم

انا شايف انك تروح مرور السلام الاول تعمل day use هناك وتسألهم هم عايزين ايه بالظبط وتريح نفسك

[joe_techno]

يعني تقصدو اني اطلع شهاردة بيانات حتي لو الرخصة سارية ؟؟؟

تاني حاجة يعني انا لازم اروح مرور السلام اجيب ورق مطابقة بصمة من مرور النزهة ؟؟
ولا ممكن اطلع على مرور النزهة علي طول اجيب مطابقة بصمة

اصلي عايز اقلل مرات دخولي مرور السلام جدا :-(

شكرا بجد لكل مساعدتكم ونصايحكم

يا استاذ كريم شهادة البيانات دي عشان تسجيل الشهر العقاري مش هيطلبوها في المرور و تقدر تتأكد لما تروح تجيب شهادة المخالفات
و بالنسبة لمطابقة البصمة لازم تروح السلام الاول عشان المهندس هو اللي يطلب مطابقة البصمة اللي هو اخدها من العربية و يختم عليها و يختمها من رئيس الوحدة معتقدش انه ينفع تعملها قبل ما يعملك الطلب
امشي علي الخطوات اللي قولتهالك انا بقيت خبرة في الموضوع دة و ان شاء الله تخلص بسرعة و علي فكرة انا عربيتي نوبيرا 2007 بس مصري و دفعت في الشهر العقاري 830 جنية المستورد في حدود 1000

[D . a .\ AYMAN]

يعني تقصدو اني اطلع شهاردة بيانات حتي لو الرخصة سارية ؟؟؟

تاني حاجة يعني انا لازم اروح مرور السلام اجيب ورق مطابقة بصمة من مرور النزهة ؟؟
ولا ممكن اطلع على مرور النزهة علي طول اجيب مطابقة بصمة

اصلي عايز اقلل مرات دخولي مرور السلام جدا :-(

شكرا بجد لكل مساعدتكم ونصايحكم

لأ ياباشا انت مش هاتحتاج شهادة البيانات ولا في التسجيل ولا المرور ... لأن رخصتك سارية لم تنتهي ...

لازم فعلا تروح مرور السلام الأول عشان المهندس اللى هناك هو اللى هايرفع البصمة بتاعة المتور والشاسيه على ورق المطابقة اللى هاتروح بيه مرور النزهة تطابقه مع المسجل في ملف العربية هناك وترجع تاني السلام تكمل في بقية الإجراءات

ياجماعة عربيتى من اول لما نقلتها وانا واخد رخصة ومن غير لا فلوس ولا بتاع وانا اصلا مبدفعش حتى لو ايه حصل

ياباشا كلامك صادق مافيش مشكلة ... بس أكيد في حاجة حصلت غلط منهم

الإجراءات اللى حضرتك عملتها دي ... اللى هي تسليم اللوحات والرخصة ودفع الضرائب في المرور القديم ويكتبلك على شهادة البيانات غير مطالب باللوحات وغير مطالب بالرخصة وغير مطالب بالضرائب ... كل الإجراءات دي بتتعمل عادي لما تكون بتنقل من مرور في محافظة إلى مرور في محافظة أخرى وتكون الرخص غير سارية .. بالإضافة كمان إلى الإستعلام الأمني من المرور الرئيسي من المحافظة اللى هاتنقل منها ...

كل الكلام ده أنا عملته في عربية أختي من فترة قريبة وبرضه خدت تصريح مؤقت لمدة 6 شهور ...

وكمان كنت قاعد مع الضابط نفسه وكان ناقل عربية عمه من الشرقية للمرور اللى هوة شغال فيه وكان بيكتب استعجال للملف بتاعها من مرور الشرقية لأن بقاله أكتر من 9 شهور ما وصلش وعمه واجعله دماغه ومش عارف يجيبه (ده على رواية الضابط وهو بيحكي معايا

[Hooba17]

رخصة السيارة منتهية ومعدية الشهر بعد إنتهاءها وهي أساساً مرور حلوان ... هنقل لمرور القاهرة الجديدة
أبدأ إجراءاتي منين؟؟
شكراً

[أشرف العدوي]

و على فكرة معلومة مهمة
كنت في مرور فيصل امبارح و بلغوني انهم الاسبوع الي جاي كله مواعيدهم من 8 حتى 10.30 فقط لدواعي امنية
مش عارف بقى بقيت وحدات المرور نفس الوضع كدة و لا ايه

[reda elgohary]

ربنا يسترها ،،أنا بعمل فى موضوع التجديد ده من شهرين وكمان الرخصة منتهية ومسحوبة ،وكل فترة أو أكون فاضى أروح أخلص حاجة ،،وبمشى بالعربية وبسافر بيها ،،والحمد لله ماشية .

[Karim_Monir]

قال خير اللهم ماجعله خير روحت الصبح الشهر العقاري بتاع سوق السيارت وكل امل اننا مش يوم جمعه ولا سبت عشان الشهر العقاري اللي انا تبعه في حتة هباب معرفتش اوصلها قبل كدة
افتكرت منظر فيلم الناظر صلاح الدين والمدرس الالدغ ده قاعد على باب الفصل والناظر بيسئلة مادخلتش ليه قاله بتشمس لو عايز تدخل اتفضل

اللي كان جوة الفصل قصدي الشهر العقاري نفس المنظر
لفيت ورجعت عالشغل وقال ايه انا اللي كنت واخد برمييشين ساعتين بقول انا هاقضي اجازتي السنوية في الحوار ده
او حتى اجازة العمرة اللي اتلغت وممكن يتكتبلي فيها ثواب زي العمرة واكتر:-(
حسبي الله ونعم الوكيل فيك يا .... يا فخري محدش يفهمني صح :-(

[ENG\AHMED]

لأ ياباشا انت مش هاتحتاج شهادة البيانات ولا في التسجيل ولا المرور ... لأن رخصتك سارية لم تنتهي ...

لازم فعلا تروح مرور السلام الأول عشان المهندس اللى هناك هو اللى هايرفع البصمة بتاعة المتور والشاسيه على ورق المطابقة اللى هاتروح بيه مرور النزهة تطابقه مع المسجل في ملف العربية هناك وترجع تاني السلام تكمل في بقية الإجراءات







ياباشا كلامك صادق مافيش مشكلة ... بس أكيد في حاجة حصلت غلط منهم

الإجراءات اللى حضرتك عملتها دي ... اللى هي تسليم اللوحات والرخصة ودفع الضرائب في المرور القديم ويكتبلك على شهادة البيانات غير مطالب باللوحات وغير مطالب بالرخصة وغير مطالب بالضرائب ... كل الإجراءات دي بتتعمل عادي لما تكون بتنقل من مرور في محافظة إلى مرور في محافظة أخرى وتكون الرخص غير سارية .. بالإضافة كمان إلى الإستعلام الأمني من المرور الرئيسي من المحافظة اللى هاتنقل منها ...

كل الكلام ده أنا عملته في عربية أختي من فترة قريبة وبرضه خدت تصريح مؤقت لمدة 6 شهور ...

وكمان كنت قاعد مع الضابط نفسه وكان ناقل عربية عمه من الشرقية للمرور اللى هوة شغال فيه وكان بيكتب استعجال للملف بتاعها من مرور الشرقية لأن بقاله أكتر من 9 شهور ما وصلش وعمه واجعله دماغه ومش عارف يجيبه (ده على رواية الضابط وهو بيحكي معايا

مانا علشان كده بقول الاجراءات مختلفة
انا كنت بنقل من الجيزة للقاهرة , كل اللى عملته شهادة مخالفات من المرور القديم وطلعت بيها على المرور الجديد ومعايا العقد خلصت وعملت الرخصة وشكرا

[احمد المصرى]

اولا هتروح الشهر العقارى تبيع العربيه لنفسك بقعد مسجل وبعد كدا
هتروح المرور الجديد تفحص وبعد الفحص هيطلب منك مطابقه بصمه فى المرور القديم هتروح تطابق بصمه وتجيب شهاده مخالفات وتروح المرور الجديد تكمل باقى الترخيص وهتاخد رخصه 6 شهور لحد لما الملف يجى بس كدا


انا لسه عامل الحوار دا من كام شهر