إشتغالات عمال محطة بنزين

[ahmedselaraby]

بدون مقدمات , دخلت امون بعد طابور طويل لقيت عامل البنزينه فتح غطا التانك و عربيتى لسه دايره !! ,, و جه يقولى ,, تانكك بيطلع بخار و عايز يتنضف ,, عندى ليك منتج معرفش ايه ,, بينضف التانك و كان عايز يبعهولى ,, ايه رأيكم فى الاشتغاله ديه ؟؟

[amoor89]

لا تعليق

[Ahmed Amin]

التبخير مالوش علاقة بالمنظفات, والبخر أعتقد ليه هيكون ليه علاقة بغطاء التانك وليس نضافة التانك.

معظم المنظفات اللي بتتحط في تانك البنزين بتكون تنضيف للأنجكتورز Injectors
يا لتنضيف دورة البنزين المواسير,, Fuel System cleaner
يا Octane booster لزيادة كفائة البنزين اللي في التانك.

والتلات منتحات دول مش عملين,, وأستخدامهم مضر علي المدي وبيزيد الضرر علي الموتور والأنجكتورز لو أستخدمتهم أكثر من مرة. لأن المنظف اللي مفروض بينضف فبياخد الوساخة معاه اللي في الدورة بعد الفلتر لحد الأنجكتورز,
ولو الفلتر بتاع البنزين قديم ومش نضيف, غلط أنك تستخدم المنظف في الحالة دي إلا بعد ما تركب فلتر جديد, لأنه ممكن ياخد من الوساخة اللي فلتر البنزين وتبهدلك الرشاشات.


لكن اللي قالهولك العامل بخصوص تنظيف التانك نفسه دا هجص.

[أحمد جودة]

التبخير مالوش علاقة بالمنظفات, والبخر أعتقد ليه هيكون ليه علاقة بغطاء التانك وليس نضافة التانك.

معظم المنظفات اللي بتتحط في تانك البنزين بتكون تنضيف للأنجكتورز injectors
يا لتنضيف دورة البنزين المواسير,, fuel system cleaner
يا octane booster لزيادة كفائة البنزين اللي في التانك.

والتلات منتحات دول مش عملين,, وأستخدامهم مضر علي المدي وبيزيد الضرر علي الموتور والأنجكتورز لو أستخدمتهم أكثر من مرة. لأن المنظف اللي مفروض بينضف فبياخد الوساخة معاه اللي في الدورة بعد الفلتر لحد الأنجكتورز,
ولو الفلتر بتاع البنزين قديم ومش نضيف, غلط أنك تستخدم المنظف في الحالة دي إلا بعد ما تركب فلتر جديد, لأنه ممكن ياخد من الوساخة اللي فلتر البنزين وتبهدلك الرشاشات.


لكن اللي قالهولك العامل بخصوص تنظيف التانك نفسه دا هجص.

كلام تمام التمام

ولا مجال للاضافة تسلم ايدك

[amagroup]

بيمشوا حالهم يا باشا

[ahmedselaraby]

مش ممكن كم النصب اللى بيحصل فل بلد ديه


نصب + حقد + طمع + سرقه + إنعدام الضمير و الوازع الداخلى + غياب الرقابه + ضعف أو عدم تطبيق العقاب + الروتين العقيم = اللى احنا فيه


اللى بيحصل ده ماتلاقيهوش فى أى مكان فل عالم


هما السياح طفشوا من شويه ,,


انت ممكن تحاول تغير سلوك فرد واحد ,, انك توعظه و تنصحه بالترغيب و الترهيب ,, ممكن جماعه من الناس ,,, لكن تحاول مع شعب ,, فوق التمانين مليون نسمه ؟؟؟ مش عارف ,, يا ترى مين يقدر على كده ؟؟

[ahmedsrs]

ثقافة الفهلوة وتقليب العيش

[S O P H O S]

هو العنوان واصف هو عاوز يعمل قصة
وياخد فلوس

[ahmedselaraby]

يقتنص فرصة إنشغال نظرك بعيدا عن زجاج العربيه و إذا تنظر تجد الزجاج عليه ماء و صابون و واحد شغال بممسحه بدون أن يسألك أو يستأذنك و هو متعمد يفعل فعلته و انت مش مركز عشان ماترفضش و تلاقى نفسك محرج منه و تستحرم ماتديلوش بقشيش أو حسنه أو سميها زى ما تسميها , بس انا بسميها تدبيسه على غفله ,, التانى بقه فاكر نفسه بيفهم فى الكاوتش ,, لازم يخضك و يدخل الرعب فى قلبك و يقولك الحق يا بيه الكاوتشه مفسيه و عايزه تتملى و ممكن يكون فيها مسمار ,, تيجى تبص تلاقيها عادى و لا اللى بيقوله ده خالص بس الوهم البصرى ممكن يعمل عمايله و يتهيئلك ان فعلا الكاوتشه عايزه ظبط هواء ,,


كل ده عادى و احنا اتعودنا عليه بس معتقدش ان السلوكيات ديه موجوده فى بلدان العالم


هل هو معاه عذره لضعف دخله فبيتحايل على الواقع و بيحاول يطلع اى سبوبه ؟؟؟؟


انا مش عارف امتى حنتغير فى كل حاجه و نبقى متحضرين و منظمين و طيبين و مثلنا الاعلى الاخلاق و القيم مش ثقافة العشوائيات و الاحياء الفقيره اللى بهتت علينا و على عقولنا

[abcdefghi]

dee akeed caltex 3abas el 3a2ad

[ahmedselaraby]

dee akeed caltex 3abas el 3a2ad

ايه ده !!!!!!!!!!!!!! هو سيادتك عرفت ازاى ,,, و الله العظيم و الله العظيم صح !!!!!!


هى فعلا بنزينة كالتكس اللى اخر عباس العقاد


هو حضرتك كنت واقف معايا فل طابور و لا ايه ؟؟؟؟؟؟؟؟؟؟؟؟؟


علفكره نسيت اقولكم بالمناسبه ,, الطابور كان واخد تلات شوارع ,, شارع عباس العقاد من البنزينه لحد اول شارع جانبى قبل البنزينه و الطابور لافف فى الشارع الجانبى ده لحد أخره و بعدين لافف تانى للشارع اللى موازى لعباس العقاد ,, فالطابور كان عامل حرف "يو" بالانجليزى و تحس انك واقع فى لعبة اسناك اللى بتتلعب على الموبايلات و التعبان اللى هو الاسناك عمال يطول كل ما عربيه تملى بنزين مش بيقصر


حاجه زى الفل الحقيقه

[EngAhmedSayed]

اللى يعرف يقفش حاجة من التانى يقفشها حرام بقى حلال اهم حاجة هطلع منك بكام
دة نظام اليومين دول
الجنية غلب الكارنية

[ahmedselaraby]

اللى يعرف يقفش حاجة من التانى يقفشها حرام بقى حلال اهم حاجة هطلع منك بكام
دة نظام اليومين دول
الجنية غلب الكارنية

انا حسابى كان 46 جنيه ,, الراجل بيقولى ببجاحه من نفسه كده " 50 جنيه بالواجب اللى هى الاكراميه " و بعدين جالى بالباقى و بيقولى "مسامح فيهم" شاورتلوا خلاص ,, ام جه اللى لمع الزجاج بيتخانق معاه ايوه و الله كده بيتخانق و بيعلى صوته و بيقولوه كفايه عليك جنيه هات الباقى !!!!!!!!!!!!


ده اسميه " سعار " من " مسعور "

[aldesha989]

انا مش بسيب اى بقشيش اصلآ الا لما يجيلى مزاجى والاشتغلات دى اوسخ حاجه فى مصر بس انا ببجح ومش بسيب حقى الا لو حبيت اطنش واريح مخى

بنزينه موبيل عندنا فى الشاطبى كل ما ادخلها الاقيهم حاطين منظف رشاشات ومنظف كربراتير يجيى البيه وهو بيمون يقولى عندنا اقوله شكرآ ما اخليهوش يقولى عندهم ايه لسه هتعلن وتعرض

بجد حاجه زى الزفت برضه بنزينه موبيل اللى قبلها يجيى يمسح الازاز اقوله مش عايز يقولى مش عايز اقوله اه وكانى شتمته مثلآ

وبنزينة مصر للبترول كل مره يسهيك فعلآ ويمسحلك الازاز فى مره خلعت من غير ما اسيب لاى حد فيهم حاجه ولا اللى مسح ولا اللى فول بجد شئ زباله

شعب غريب 90 مليون بنى ادم بيحاولو يأكلو فى بعض فقط

انعدام ثقافه انعدام اخلاق انعدام دين ثقافه الشعب الوحيده ازاى تأكل التانى على قد ما تقدر واذا التانى حاول يأخد حقه تديله بالجزمه ازاى ما انتا اللى معاك مركز القوه انتا اللى بتتحكم فى قوت الشعب

كل واحد واقف فى بنزينه مش واخد باله انه بيتحكم فى قوت ناس كتير وان اللى هو بيعمله ده مش هيتحاسب عليه حساب عادى سرقه ولا نصب ده ممكن يتحااسب عليه حساب المفسدين فى الارض بأذن الله يكونو كلهم كده من المفسدين فى الارض علشان يعرفو لما يروحو لربنا انه كان حق وان مافيش حاجه فى الدنيا دى كلها تبيح او تتيح ليك سرقه او غش او التحكم فى حاجه مش بتاعتك اصلآ

يلا حسبنا الله ونعم الوكيل وربنا يستر علينا من الايام اللى جايه ماحدش عارف البلد دى رايحه بينا على فين وربنا يعدى 30 خره على خير

[ahmedselaraby]

انا مش بسيب اى بقشيش اصلآ الا لما يجيلى مزاجى والاشتغلات دى اوسخ حاجه فى مصر بس انا ببجح ومش بسيب حقى الا لو حبيت اطنش واريح مخى

بنزينه موبيل عندنا فى الشاطبى كل ما ادخلها الاقيهم حاطين منظف رشاشات ومنظف كربراتير يجيى البيه وهو بيمون يقولى عندنا اقوله شكرآ ما اخليهوش يقولى عندهم ايه لسه هتعلن وتعرض

بجد حاجه زى الزفت برضه بنزينه موبيل اللى قبلها يجيى يمسح الازاز اقوله مش عايز يقولى مش عايز اقوله اه وكانى شتمته مثلآ

وبنزينة مصر للبترول كل مره يسهيك فعلآ ويمسحلك الازاز فى مره خلعت من غير ما اسيب لاى حد فيهم حاجه ولا اللى مسح ولا اللى فول بجد شئ زباله

شعب غريب 90 مليون بنى ادم بيحاولو يأكلو فى بعض فقط

انعدام ثقافه انعدام اخلاق انعدام دين ثقافه الشعب الوحيده ازاى تأكل التانى على قد ما تقدر واذا التانى حاول يأخد حقه تديله بالجزمه ازاى ما انتا اللى معاك مركز القوه انتا اللى بتتحكم فى قوت الشعب

كل واحد واقف فى بنزينه مش واخد باله انه بيتحكم فى قوت ناس كتير وان اللى هو بيعمله ده مش هيتحاسب عليه حساب عادى سرقه ولا نصب ده ممكن يتحااسب عليه حساب المفسدين فى الارض بأذن الله يكونو كلهم كده من المفسدين فى الارض علشان يعرفو لما يروحو لربنا انه كان حق وان مافيش حاجه فى الدنيا دى كلها تبيح او تتيح ليك سرقه او غش او التحكم فى حاجه مش بتاعتك اصلآ

يلا حسبنا الله ونعم الوكيل وربنا يستر علينا من الايام اللى جايه ماحدش عارف البلد دى رايحه بينا على فين وربنا يعدى 30 خره على خير

و الله انا حاسس بيك و هو ده بالضبط اللى انا كتير بحسه عن البلد ديه ,, و من اللى بسمعه و بشوفه على النت او من الناس اللى سافرت بره ,, ان بره سواء دول عربيه أو اجنبيه مفيش الكلام ده الا ما ندر


طبعا حتقولى لاء فيه بره الكلام ده ,, اقولك اه فيه بس مش بالطريقه ديه و مش فى كل حاجه كده


يعنى انا ممكن اجيب صفر فى ماده و بقية المواد ما بين امتياز و جيد جدا و جيد و مقبول و لكن اجيب فى كله كده صفر مع مرتبة الشرف !!!! اهو ده اللى غريب

و لما تقارن زمن الابيض و اسود عندنا بالزمن الحالى الهاى ديفينيشن و الثرى ديه و الاندرويد و خلافه تلاقى ان الابيض و اسود يكسب فى الاخلاق و النظام و السلوكيات


بوظاااااااان بوظااااااااان مفيش كلمه ممكن توصف الحاله الا كده


اما بالنسبه ل 30 سته فا انا مش نازل ,, انا معتزل ,, لاقنى مش عارف الخير فين الصراحه ,, عجزت على ان اعرف الخير فين فقررت الاعتزال ,, بس اللى احنا فيه ده غمه كبيره و استيقاظ بعد فوات الاوان


كل واحد ينجو بنفسه ,, علامات الساعه نراها واحده ورا واحده و احساسى بيقولى اننا فى اخر الزمان خلاص أو على الاقل فى طريقنا اليه بسرعه , كل واحد ينجو بنفسه بعمله لأخرته و ننسى الدنيا ديه شويه اللى موديانا فى داهيه كلها اغراء و فتن شديده


و الله العظيم أكتر حاجه بحس بيها من سنتين لحد دلوقتى اننا بقينا فى أخر الزمان و ان يوم القيامه قرب ,, و سألت كذا واحد هو الناس كلها حاسه بكده و لا انا بس اللى حاسس بكده ؟؟؟


انا اسف انى شطحت بره الموضوع الاصلى بس اهو الكلام بيجيب بعضه , معلش انا اسف