تنبيه من معرض السيارات اللى جنب معرض السيارات المصرية اللى فى المعادى على الكورنيش

[EngAhmedSayed]

السلام عليكم
التنبيه ده يا جماعة لية
لانى كنت انا وزميلتى كنت بشوف عربية ليها و كانت عاوزة نيسان جووووك المهم بعد ماخرجنا من المصرية
لانها كانت طلبة الون سيلفر و الكونسولة سيلفر و القصة دى فا ملقتش فى المصرية اللى فى المعادى و بالتحديد عند مستشفى السلام لقينا الجووك السيلفر فى المعرض اللى جانبه قالتالى تعالى نبص عليها ياله بصينا عليها و قولنا تمام و بنسال على السعر و التفصيل دى ببص لقييت
اتنين نايمين جوة عربية فى المعرض و شغاله و قفليين الازاز و مشغليين التكييف
هو دة اسم كلام يا جماعة اركب زيرو تم استهلاكها قولت لزميلتى ياله مش هناخد حاجة منهم
و مشينا انا حبيت انبه و اقول
ربنا يهدى

[M_Marwan]

شكرا على التنبيه بس بصراحه حاطين شويه عربيات تلوح

[besso]

لا الكلام ده عادى
امال لو شفت السواقين بيعاملو العربيات ازاى وهما جيبينهم من المخازن

شد وغرز وتكييف وتقفيل عداد

[S O P H O S]

مشكوررررر علي التنبيه
اسوء شئ تشتري جديد استهلك فيه شئ ..

[Ahmed Nasser]

لكى الله يامصر

[mhf_77]

قلة الضمير بقى عاده انا بحكم عملى على طول ببقى على طرق سفر وبشوف العجب من بتوع المعارض اللى بينقلو الزيرو من مكان لمكان ولاحد بيراعى التليين وكانهم بينتقمو من العربيه ومن صاحبها وبيغل فيها بشتى الطرق فرك وشد واكل مطبات وكل شئ غلط بيتعمل فيها ليا واحد صاحبى بيستلم عربيته لقى الكرسى محروق من طفية سجاير وواحد تانى لقى بقعة زيت او صلصه على الفرش دا غير البلالين اللى فى الكوتش او الاكصدام المفارق او وساخه فى فرش السقف او فرش الباب وغيره وغيره وغيره وده الحاجات اللى ظاهره مابالك الحاجات الخفيه وكل واحد وحظه مع اللى ساق العربيه قبله عمل فيها ايه جابله بالونه ولا مقص ولامساعد ولا فتحله الماتور فى التليين ولاركب صاحبته معاه والله اعلم بيهم وباخلاقهم ولا ركب عيال صغيره ولحوسو ووسخو حاجه او لعبو فى حاجه وغيره وغيره ولا رقيب ولا حسيب ولا بتفرق معرض كبير من صغير الكل سواء وحسبنا الله ونعم الوكيل

[eng.m7md.ali]

غالباً العربيات دي بتبقى للعرض مش للبيع لانها بتبقى متبهلدة من جوة والفبر متجرح والشغل ده

[Patrickologyy]

أمال لو شفت العربيات دى و هى جايه من الجمارك على المعارض !!
كل عيل يمكن لسه ماطلعش رخصه بيطلع مايكل شوماخر اللى جواه على العربيه :')

[AAAH]

والله عالم بتستهبل ومعندهاش اى ضمير

[aliabdo]

اسلم حل انك تشترى من التوكيل او من موزع كبير محترم زى الطارق مفيش عربيه مفتوحه الا لو بتتفرج بجد
انما فى المصريه لقيت اطفال راكبين فنتزايا و مندوبين فاتحين عربيات و قاعدين فيها
انا كنت بشترى جراند بونتو شوفتها فى المصريه الصراحه قرفت منها و و من الى معمول فهيا زرايرز مخلوعه و كميه تراب بشعه الحمد لله اشتريت من الطارق جابلى الرعبيه ماشيه 7 ك

[Land_Cruiser]

اسلم حل انك تشترى من التوكيل او من موزع كبير محترم زى الطارق مفيش عربيه مفتوحه الا لو بتتفرج بجد
انما فى المصريه لقيت اطفال راكبين فنتزايا و مندوبين فاتحين عربيات و قاعدين فيها
انا كنت بشترى جراند بونتو شوفتها فى المصريه الصراحه قرفت منها و و من الى معمول فهيا زرايرز مخلوعه و كميه تراب بشعه الحمد لله اشتريت من الطارق جابلى الرعبيه ماشيه 7 ك

+1
التوكيل او موزع معتمد اكيد افضل سواء كانت العربيه تجميع محلي او مستورده انما العربيات اللي في العرض دي محدش يشتريها طبعا لانها بتبقي واقفه في المعرض ليل نهار و احيانا بينقلوها من معرض للتاني طبعا سواقه مش علي ونش و لا حاجه ده غير الناس اللي بتجرب فيها ليل نهار و بتبهدل فيها او ممكن تاخد منها حاجات زي الولاعه او ايريال الراديو و بلا مبالاه رهيبة و معاهم مندوبين المبيعات و العاملين في المعرض. حتي لو حضرتك اضطريت تشتري من معرض لأي سبب لازم يكونوا جايبنهالك من المخزن يعني مردومه تراب و عليها الاستيكرز الابيض و من جوه الفرش بالأكياس اللي عليها و رائحه الفابريكه . غير كده ما تشتريهاش و أحجز و استلم من التوكيل او من المركز المعتمد المعروف حتي لو اضطريت تنتظر شويه انما كده اضمن الف مره و بصراحه المفروض بعد كده شركات السيارات تبقي تنزل عربيه ماكيت طبق الاصل للعرض زي الموبايلات كده بدل ما بيعرضوا عربيه حقيقيه و تتبهدل و في الاخر يلبسوها لحد و ده علشان الناس تاخد فكره عن شكلها سواء من الداخل او الخارج أما الموتور فده بيبقي ليه مواصفات قياسيه يعني المعاينه مش هتفيد في اي حاجه طالما ان الناس بتتفرح فقط مش هتعملها تست درايف

[mona_881]

+11111111111111

+1
التوكيل او موزع معتمد اكيد افضل سواء كانت العربيه تجميع محلي او مستورده انما العربيات اللي في العرض دي محدش يشتريها طبعا لانها بتبقي واقفه في المعرض ليل نهار و احيانا بينقلوها من معرض للتاني طبعا سواقه مش علي ونش و لا حاجه ده غير الناس اللي بتجرب فيها ليل نهار و بتبهدل فيها او ممكن تاخد منها حاجات زي الولاعه او ايريال الراديو و بلا مبالاه رهيبة و معاهم مندوبين المبيعات و العاملين في المعرض. حتي لو حضرتك اضطريت تشتري من معرض لأي سبب لازم يكونوا جايبنهالك من المخزن يعني مردومه تراب و عليها الاستيكرز الابيض و من جوه الفرش بالأكياس اللي عليها و رائحه الفابريكه . غير كده ما تشتريهاش و أحجز و استلم من التوكيل او من المركز المعتمد المعروف حتي لو اضطريت تنتظر شويه انما كده اضمن الف مره و بصراحه المفروض بعد كده شركات السيارات تبقي تنزل عربيه ماكيت طبق الاصل للعرض زي الموبايلات كده بدل ما بيعرضوا عربيه حقيقيه و تتبهدل و في الاخر يلبسوها لحد و ده علشان الناس تاخد فكره عن شكلها سواء من الداخل او الخارج أما الموتور فده بيبقي ليه مواصفات قياسيه يعني المعاينه مش هتفيد في اي حاجه طالما ان الناس بتتفرح فقط مش هتعملها تست درايف

[mona_881]

بس احتمال يكون الزبون كان بيجرب التكييف ولا حاجة

[reda elgohary]

معاك ف رأيك

قلة الضمير بقى عاده ..... ولاركب صاحبته معاه والله اعلم بيهم وباخلاقهم .
يا باشا متعرفش راحو فين ؟؟
ههههههههههههه
بصراحة الموضوع ده جديد عليا خالص .

[aliabdo]

على فكره فى المصريه بياخدو حاجات من العربيات زى مفكات او هدايه بتبقى نزله فى العربيه من المصنع او دوسات غير طبعا انى اى عيل صغير بيفتح اى عربيه و يقعد يلعب فيها و يخلع فيها

انا قلت للراجل بتاع الطارق انا عايز عربيه بترابها قالى مال الى فى الصاله دى الناس تعبو قوى عشان ينضفوها قلت له يا عم انا مجنون و عايزها بترابها و العفره الى عليها فعلا جاب العربيه بترابها و ماشيه 7 ك الى هم من المخزن للصاله و حتى لزق الابواب و الدواسه الكارتون و كل حاجه فى العربيه مكنتش اتلمست