تويوتا أفانازا ...... عربية سيئة بمعنى الكلمة

[أبو يوسف]

أنا من فترة وانا نفسى أبدل عربيتى ( ماتريكس ) بعربية 7 راكب علشان والدى والداتى .
المهم ناس رشحتلى عربية تويتا أفانزا , وكنت بشوفها كتيير فى الشارع وانا ماشى
ومرة بالصدفة لاقيتها واقفة فى الشارع عندنا , ولاقيت صاحبها جاى لواحد صاحبى , فأستئذنت منه أركبها
ولما ركبتها لاقيت الاتى :
الكراسى سيئة جداً , ومش مريحة
التقفيل سئ جداً
الارضية منتهى الارف
التكييف وحش جداً وبينزل ميه فى العربية ( عارف انه عيب فى العربية اللى أنا ركبتها فقط )
التابلوه شكله وحش جداً
حتى الكاسيت ( شرايط ) يعنى قديم مووووت
المهم فقلت اسأل صاحب العربية اية رأيك فى العربية قالى
عربية ز.......ب.......ا.......ل........ة

[Ahmed_Adham]

مركبتهاش بس عدم انتشار عربيه من ماركه زي تويوتا يعني اكيد انخفاض مستواها. كاسيت شرايط بجد؟ ههههههههه

[eng.m7md.ali]

اعتقد انها مش ياباني عشان كدة هتلاقيها واخدة اسم تويوتا بس بعيداً عن المواصفات الاساسية لتويوتا زي النعومة والتكييف والراحة الخ الخ

[Elawany13]

ياساتر يارب

[misry]

أنا ركبتها كتير وهي من بالسوء ده , يمكن عربية الراجل ده متبهدلة...

[Lifz_Good]

اعتقد انها مش ياباني عشان كدة هتلاقيها واخدة اسم تويوتا بس بعيداً عن المواصفات الاساسية لتويوتا زي النعومة والتكييف والراحة الخ الخ

بالظبط كدا هيا موش ياباني
بس موش فاكر كانت متصنعة فين
مش زي الياريس خالص على فكرة
بلد تانية كدا اقتصادها أقل (عمالة أرخص)

أنا ركبتها كتير وهي من بالسوء ده , يمكن عربية الراجل ده متبهدلة...

بص, طبعا الإستعمال له دور
بس العربية دي بجد مليانة عيوب
موش عيوب تصنيع- بس تحس كدا كأنها نازلة بميزة واحدة فقط (7 مقاعد)
وبقية العربية عيوووووب
وكل واحد وامكانياته ومتطلباته بأه :)

مركبتهاش بس عدم انتشار عربيه من ماركه زي تويوتا يعني اكيد انخفاض مستواها. كاسيت شرايط بجد؟ ههههههههه

والله موش بتفرق شرايط وللا موش شرايط
طب منا الكاسيت عندي ف الكورولا سي دي و شرايط وراديو
بس ال سي دي أوديو (ههههههههههههههههههه)
........................................
بس بيني وبينك- تحس كدا ان العربية دي موش تويوتا (فيها شبه من الجوكر بتاعة شعبولا)

((((( مع الإحتفاظ لكامل احترامي وتقديري لملاك هذه السيارة )))))

[2CODE]

يووووووووووووه

هتشوف هجوم للصبح دلوقتي استني بس بتوع التويوتا لما يدخلوا الموضوع

انا عارف الناس في المنتدى ده كويس

[mohammed dodda]

الافانزا أندونيسى وليست يابانى وشغالة عندنا تاكسى خط الكربة وأنا ركبتها وفعلا لاترقى لحمل علامة تويوتا وميزتها الوحيدة انها 7 راكب

[Gelgel2004]

وموتورها مينفش فيه عمره و الاستعمال بتاعه ب 12 الف من غير فتيس
و قطع غيار الموتور نادره و غاليه موت

[elpasha1]

يا نهار اسود
دا شوربة الخضار طلعت ليها فايدة عن العربية دى

[Patrickologyy]

عربيه بالحجم ده موتورها مش جايب ١٦٠٠ سى سى حتى اكيد سحبها زفت كمان

[Ahmod]

يووووووووووووه

هتشوف هجوم للصبح دلوقتي استني بس بتوع التويوتا لما يدخلوا الموضوع

انا عارف الناس في المنتدى ده كويس

لا يا باشا بتوع تويوتا بيتكلمو بما يرضي الله !!

والحمد لله تويوتا من الاقسام اللى مافيهاش نقطة التحيز دي نهائيا ولما العربية بيكون فيها عيب بنتكلم وبنقول

حتى ملاك العربية نفسهم بيقولو العيوب

عموما انا ماركبتش العربية دي عشان اقدر احكم عليها

لكن العيوب اللى حضرتك ذكرتها دي كلها وارد تكون بسبب ان العربية متهانة !! وصاحبها مش مهتم بيها

فالتعميم على نوع معين من العربيات من خلال تجربة عربية واحدة !! غالبا بيكون حكم غير صائب

[akmm]

اهو وحشه وبايره ..... ولكن من عيله تويوتا ................

[أبو يوسف]

اللى أنا أعرفه عن العربية دى انها أندونيسى مش يابانى

[misry]

على فكرة السواق اللي بيودينا المطار عنده افانزا وشاريها مستعملة كمان ...

المميزات :::

1- التكييف ثلاااجة ومش بيأثر على السحب

2- سحب العربية ممتاز بالنسبة لعربية 7 راكب ومتحولة غاز كمان

3- العزل بتاع العربية جيد وصوت الموتور هاديء جدا


العيوب :::

1- جودة الخامات فقيرة الى حد ما

2- الثبات قليل بعد ال120

3- قطع غيار قليلة وغالية