Tweet
السلام عليكم ورحمة الله وبركاتة
كل عام وانتم بخير واللهم اجعلنا امه قائده بين جموع العالم وارزقنا الخير حيث كنا واينما كنا
اللهم ارنا الحق حقآ وارزقنا اتباعه وارنا الباطل باطل وارزقنا اجتنابه
رمضان كريم على الجميع بأمر الله اوصيكم بالصلاه والزكاه وقراءه القرآن الكريم نهار رمضان وقيام الليل فى اخر الليل
بسم الله الرحمن الرحيم ابد وان شاء الله ما انساش اى حاجه لمساعده بعضنا بعضآ
اول شئ اذا كانت الرخصه منتهيه فلازم تطلع شهاده بينات من المرور بالتوكيل اللى معاك علشان تقدر تعمل عقد الشهر العقارى اللى بيه هتقدر تنقل ملكيه
لو هتطلع شهاده البينات هتسمى الله وهتنزل الصبح بدرى وهتروح على المرور اللى العربيه تابعه له وهتروح على موظفه الاستعلام وتقولها عايز شهاده بينات وهتوديك على الخزنه تدفع ضريبه الاول ولو متأخر اكتر من شهر على التجديد يعنى شهر وكسر ايام هتدفع غرامه على حسب المده اللى انتا متأخر عليها غرامه بسيطه ان شاء الله انا دفعت حوالى 50 جنيه
وبعدين هتدفع الضريبه وتخلى معاك الوصل وهتروح تانى للموظفه هتقولك هات نموذج 51 وتصور البطاقه والرخصه والتوكيل وتروح للموظفه هتبعك على شباك معين يخلص معاك باقى الاجرائات وبعدين هتبعك تجيب الملف بتاع العربيه وتروح للارشيف تجيب الملف
وبعدين هترجع للموظفه تانى وتخلص معاك البينات وبعدين هتدفعك 6 جنيه على الخزنه وتقولك هات كام طابع شرطه بحوالى اربعه جنيه تقريبآ وبرضه تديها الوصل وتخلى التانى معاك للاحتياط فقط
وبعدين هتروح تستلم شهادة البينات
ولو فيك حيل اطلع على الشهر العقارى خلص العقد مافيش حيل اجلها لتانى يوم زى بالظبط
ما شاء الله الموظفين يقطعو حيل الجن والعفاريت :D
بعدين هتروح الشهر العقار هتجيب عقد بيع سياره من الموظف اللى بيبع العقود
وبعدين هتروح على المديره وتوزعك على شباك معين ده على حسب كل شهر عقارى لان فى شغل اى كلام وتروح للموظف بعد العقد على طول وهو اللى يخلص المهم الموظف اللى هتروحله بعد كده هيكتبلك العقد وهيأخد منك شهادة البينات وهيشوف التوكيل والبطاقه والرخصه وتكون مصور التوكيل والرخصه وشهادة البينات والبطاقه قبل ما تروح كل حاجه صورتين احتياطى علشان هيأخد صور وبعد كده هيحولك على تقدير الرسوم ووبعدها هتروح للخزنه وهتدفع وهتروح تانى لنفس الموظف وهيشوف الوصلات ومش هيأخدها منك علشان احتمال تحتاجها فى المرور انا اخدو منى الوصل فى المرور علشان العقد ماكنش مترخ وخليه يأرخ العقد يكتب عليه التاريخ يعنى والعقد ما تعديش عليه فتره اكتر من شهر علشان التعقيد بتاع المرور
المهم وبعدها هيخلصك وهتروح على الميكرو فيلم وبعد الميكرو فيلم هتأخد ختم النسر اوعى تمشى من غير ما تأخده هيكون كل شئ راح
الحمد لله خلصنا الشهر العقارى على خير
لو فيك حيل روح هات شهادة مخلفات من المرور اللى بيطلع شهادات المخالفات لان احتمال المرور بتاعك ما يكنش بيطلع شهادات المخالفات انا عندى كان الرخصه تبع مرور محرم بيك والمخالفات من مرور ابيس انا خلصت الاتنين فى يوم واحد الحمد لله وجيبت شهادة المخالفات وماكنش عليها حاجه المهم بعد ما تروح المرور هتروح على الشباك ولو العربيه قديمه او كانت معلقه نمر قبل كده غير دى هتروح تجيب اصل الرقم من مركز معلومات المرور الاول منعآ للشحططه وبعد كده هتروح تديله اصل الرقم والرخصه وهيشوف البطاقه والتوكيل وتستنى حوالى ربع ساعه او على حسب الزحمه بتاعت المرور وبعدين لما يديلك الورقه وان شاء الله مافيش مخالفات هتروح تنفيذ الاحكام تأخد ختم وبعدين ختم النسر وبعدين ختم وكيل النيابه
خلصنا الحمد لله
بكرا بقى هتروح تفحص وتنقل ملكية فى المرور وتجيب تأمين اجبارى
بسم الله الرحمن الرحيم بكرا جيه بسرعه
ههههههههههههههه
المهم هتروح المكان اللى بيفحصو فيه فى المرور وهتروح تجيب ورق الفحص ورقه فحص طفايه لازم الطفايه مايكنش عدا عليها 5 سنين انتاج وانتا بتجيب الورق بتاع الفحص قول للموظفه انه نقل ملكيه علشان بس ما تبوظش كل اللى بتعمله
وبعد كده هتروح تجيب بصمه شاسيه وماتور ولو عايز تدى العامل حاجه اديهاله انا سيبتله عشه جنيه
وبعد كده هتروح للمهندس وتحط العربيه قدامه وتديله ورقه الفحص والرخصه وتسيبهمله وهيقولك روح افحص وهتروح لعامل تانى واديله حاجه قبل ما يبدأ الفحص علشان ما يتغباش ويعملك بالصاروخ فى صدر العربيه انا عملى بالمفك شرطه كده فى صدر العربيه كأنه فحص مع انى ماكنتش لسه اديته حاجه ولو المهندس واقف ما تديهوش حاجه او على جنب وبعدين هيكون معاه ورقه الطفايه هيشرطلك عليها من ورا كده وهوديها للمهندس وانتا هتركن وتروح للمهندس واركن فى حته تقدر تسيب فيها العربيه واقفل العربيه كويس وروح للمهندس خد منه ورق الفحص ورقه الطفايه والرخصه وان شاء الله ما يرخمش عليك فى حاجه انا الحمد لله عدت بسرعه وعلى خير
وبعدين هتروح لبتاع الطفايه بالطفايه يختملك الورقه انا روحتله بالطفايه وهى اساسآ ضايعه وكنت خايف البس واحده جديده علشان ملهاش لزمه ان شاء الله واصلآ اللى معايا ممكن تتملى
قالى دى فاضيه قولتله املاها هههههههههههههههههههه
واديته عشرين جنيه قالى مليتها يا باشا وختم الورقه وقالى سيب الطفايه وروح امشى الورقه من المأمور وتعالى خدها شكله خايف ابلغ عنه ولا حد يشوفها فاضيه معايا هههههههههههههههههههههه 
المهم الحمد لله عدت على خير روح ارمى الطفايه فى العربيه وارجع الشبابيك تانى وقبل ما ترجع الشبابيك روح الاول هات تأمين اجبارى الاول بدل ما ترجع تانى وهات التأمين على حسب الضريبه اللى انتا دفعتها انتا دفعت ضريبه قد ايه سنه ولا اتنين ولا تلاته انا دفعت سنه وجيبت تأمين اجبارى سنه بحوالى 100 جنيه حتة ورقه ولا ليها اى لزمه
وبعدين هتروح تجيب من الخزنه برضه ملف تجديد اسفر بعدد السنين تقريبآ كل سنه بملف مش متأكد من الخطوه دى حد يأكد عليها من الشباب ان شاء الله المهم الملف ب 25 جنيه انتا هتقول للموظف عايز ملف تجديد عدد السنين تقريبآ وهو هيديلك الملف بتاعها وبعدين هترجع الاستعلام تأخد رقم الشباك اللى هتروح عليه وبعدين هتروح للموظف تديله الملف والحاجه اللى انتا جيبتها ده كله والمفروض موظفه الاستعلام تحطلك كل حاجه فى الملف الاصفر اللى انتا جيبته وبعدين توديك على الموظف وهيديلك ورقه تروح تجيب الملف القديم تانى من الارشيف والمره دى اخر مره هتشوف فيها الملف ده
وهتجيبه للموظف وهتقطعه قدامك وبعدين هتملى شويه بيانات وهتديلك ورقه تكتب عليها بيناتك وهتأخد منك العقد والتوكيل وهتدبسهم فى الملف وتديها صور البطاقه وهتأخد منك الرخصه القديمه وهتقولك روح استلم هتقف بتاع ربع ساعه نص ساعه بالكتير ان شاء الله ومبروك عليك استلام الرخصه الجديده
الحمد لله رب العالمين وبه نستعين
بجد يا جماعه تعقيدات فى منتهى الغباء الواحد طلع روحه فى الموضوع ده انا مش بضايق اللى رايحين لكن فعلآ الموضوع ممل وكل موظف معوج ومش شايف شغله صح
المهم كلكم استعينو بالله وان شاء الله هتخلصو رخصتكم بسهوله
رمضان كريم
كل عام وانتم بخير واللهم اجعلنا امه قائده بين جموع العالم وارزقنا الخير حيث كنا واينما كنا
اللهم ارنا الحق حقآ وارزقنا اتباعه وارنا الباطل باطل وارزقنا اجتنابه
رمضان كريم على الجميع بأمر الله اوصيكم بالصلاه والزكاه وقراءه القرآن الكريم نهار رمضان وقيام الليل فى اخر الليل
بسم الله الرحمن الرحيم ابد وان شاء الله ما انساش اى حاجه لمساعده بعضنا بعضآ
اول شئ اذا كانت الرخصه منتهيه فلازم تطلع شهاده بينات من المرور بالتوكيل اللى معاك علشان تقدر تعمل عقد الشهر العقارى اللى بيه هتقدر تنقل ملكيه
لو هتطلع شهاده البينات هتسمى الله وهتنزل الصبح بدرى وهتروح على المرور اللى العربيه تابعه له وهتروح على موظفه الاستعلام وتقولها عايز شهاده بينات وهتوديك على الخزنه تدفع ضريبه الاول ولو متأخر اكتر من شهر على التجديد يعنى شهر وكسر ايام هتدفع غرامه على حسب المده اللى انتا متأخر عليها غرامه بسيطه ان شاء الله انا دفعت حوالى 50 جنيه
وبعدين هتدفع الضريبه وتخلى معاك الوصل وهتروح تانى للموظفه هتقولك هات نموذج 51 وتصور البطاقه والرخصه والتوكيل وتروح للموظفه هتبعك على شباك معين يخلص معاك باقى الاجرائات وبعدين هتبعك تجيب الملف بتاع العربيه وتروح للارشيف تجيب الملف
وبعدين هترجع للموظفه تانى وتخلص معاك البينات وبعدين هتدفعك 6 جنيه على الخزنه وتقولك هات كام طابع شرطه بحوالى اربعه جنيه تقريبآ وبرضه تديها الوصل وتخلى التانى معاك للاحتياط فقط
وبعدين هتروح تستلم شهادة البينات
ولو فيك حيل اطلع على الشهر العقارى خلص العقد مافيش حيل اجلها لتانى يوم زى بالظبط
ما شاء الله الموظفين يقطعو حيل الجن والعفاريت :D
بعدين هتروح الشهر العقار هتجيب عقد بيع سياره من الموظف اللى بيبع العقود
وبعدين هتروح على المديره وتوزعك على شباك معين ده على حسب كل شهر عقارى لان فى شغل اى كلام وتروح للموظف بعد العقد على طول وهو اللى يخلص المهم الموظف اللى هتروحله بعد كده هيكتبلك العقد وهيأخد منك شهادة البينات وهيشوف التوكيل والبطاقه والرخصه وتكون مصور التوكيل والرخصه وشهادة البينات والبطاقه قبل ما تروح كل حاجه صورتين احتياطى علشان هيأخد صور وبعد كده هيحولك على تقدير الرسوم ووبعدها هتروح للخزنه وهتدفع وهتروح تانى لنفس الموظف وهيشوف الوصلات ومش هيأخدها منك علشان احتمال تحتاجها فى المرور انا اخدو منى الوصل فى المرور علشان العقد ماكنش مترخ وخليه يأرخ العقد يكتب عليه التاريخ يعنى والعقد ما تعديش عليه فتره اكتر من شهر علشان التعقيد بتاع المرور
المهم وبعدها هيخلصك وهتروح على الميكرو فيلم وبعد الميكرو فيلم هتأخد ختم النسر اوعى تمشى من غير ما تأخده هيكون كل شئ راح
الحمد لله خلصنا الشهر العقارى على خير
لو فيك حيل روح هات شهادة مخلفات من المرور اللى بيطلع شهادات المخالفات لان احتمال المرور بتاعك ما يكنش بيطلع شهادات المخالفات انا عندى كان الرخصه تبع مرور محرم بيك والمخالفات من مرور ابيس انا خلصت الاتنين فى يوم واحد الحمد لله وجيبت شهادة المخالفات وماكنش عليها حاجه المهم بعد ما تروح المرور هتروح على الشباك ولو العربيه قديمه او كانت معلقه نمر قبل كده غير دى هتروح تجيب اصل الرقم من مركز معلومات المرور الاول منعآ للشحططه وبعد كده هتروح تديله اصل الرقم والرخصه وهيشوف البطاقه والتوكيل وتستنى حوالى ربع ساعه او على حسب الزحمه بتاعت المرور وبعدين لما يديلك الورقه وان شاء الله مافيش مخالفات هتروح تنفيذ الاحكام تأخد ختم وبعدين ختم النسر وبعدين ختم وكيل النيابه
خلصنا الحمد لله
بكرا بقى هتروح تفحص وتنقل ملكية فى المرور وتجيب تأمين اجبارى
بسم الله الرحمن الرحيم بكرا جيه بسرعه
هههههههههههههههالمهم هتروح المكان اللى بيفحصو فيه فى المرور وهتروح تجيب ورق الفحص ورقه فحص طفايه لازم الطفايه مايكنش عدا عليها 5 سنين انتاج وانتا بتجيب الورق بتاع الفحص قول للموظفه انه نقل ملكيه علشان بس ما تبوظش كل اللى بتعمله
وبعد كده هتروح تجيب بصمه شاسيه وماتور ولو عايز تدى العامل حاجه اديهاله انا سيبتله عشه جنيه
وبعد كده هتروح للمهندس وتحط العربيه قدامه وتديله ورقه الفحص والرخصه وتسيبهمله وهيقولك روح افحص وهتروح لعامل تانى واديله حاجه قبل ما يبدأ الفحص علشان ما يتغباش ويعملك بالصاروخ فى صدر العربيه انا عملى بالمفك شرطه كده فى صدر العربيه كأنه فحص مع انى ماكنتش لسه اديته حاجه ولو المهندس واقف ما تديهوش حاجه او على جنب وبعدين هيكون معاه ورقه الطفايه هيشرطلك عليها من ورا كده وهوديها للمهندس وانتا هتركن وتروح للمهندس واركن فى حته تقدر تسيب فيها العربيه واقفل العربيه كويس وروح للمهندس خد منه ورق الفحص ورقه الطفايه والرخصه وان شاء الله ما يرخمش عليك فى حاجه انا الحمد لله عدت بسرعه وعلى خير
وبعدين هتروح لبتاع الطفايه بالطفايه يختملك الورقه انا روحتله بالطفايه وهى اساسآ ضايعه وكنت خايف البس واحده جديده علشان ملهاش لزمه ان شاء الله واصلآ اللى معايا ممكن تتملى
قالى دى فاضيه قولتله املاها هههههههههههههههههههه
واديته عشرين جنيه قالى مليتها يا باشا
وختم الورقه وقالى سيب الطفايه وروح امشى الورقه من المأمور وتعالى خدها شكله خايف ابلغ عنه ولا حد يشوفها فاضيه معايا هههههههههههههههههههههه المهم الحمد لله عدت على خير روح ارمى الطفايه فى العربيه وارجع الشبابيك تانى وقبل ما ترجع الشبابيك روح الاول هات تأمين اجبارى الاول بدل ما ترجع تانى وهات التأمين على حسب الضريبه اللى انتا دفعتها انتا دفعت ضريبه قد ايه سنه ولا اتنين ولا تلاته انا دفعت سنه وجيبت تأمين اجبارى سنه بحوالى 100 جنيه حتة ورقه ولا ليها اى لزمه
وبعدين هتروح تجيب من الخزنه برضه ملف تجديد اسفر بعدد السنين تقريبآ كل سنه بملف مش متأكد من الخطوه دى حد يأكد عليها من الشباب ان شاء الله المهم الملف ب 25 جنيه انتا هتقول للموظف عايز ملف تجديد عدد السنين تقريبآ وهو هيديلك الملف بتاعها وبعدين هترجع الاستعلام تأخد رقم الشباك اللى هتروح عليه وبعدين هتروح للموظف تديله الملف والحاجه اللى انتا جيبتها ده كله والمفروض موظفه الاستعلام تحطلك كل حاجه فى الملف الاصفر اللى انتا جيبته وبعدين توديك على الموظف وهيديلك ورقه تروح تجيب الملف القديم تانى من الارشيف والمره دى اخر مره هتشوف فيها الملف ده
وهتجيبه للموظف وهتقطعه قدامك وبعدين هتملى شويه بيانات وهتديلك ورقه تكتب عليها بيناتك وهتأخد منك العقد والتوكيل وهتدبسهم فى الملف وتديها صور البطاقه وهتأخد منك الرخصه القديمه وهتقولك روح استلم هتقف بتاع ربع ساعه نص ساعه بالكتير ان شاء الله ومبروك عليك استلام الرخصه الجديده
الحمد لله رب العالمين وبه نستعين
بجد يا جماعه تعقيدات فى منتهى الغباء الواحد طلع روحه فى الموضوع ده انا مش بضايق اللى رايحين لكن فعلآ الموضوع ممل وكل موظف معوج ومش شايف شغله صح
المهم كلكم استعينو بالله وان شاء الله هتخلصو رخصتكم بسهوله
رمضان كريم
Comment