العربيه بتترج من العربيات اللى معديه جنبها

[aldesha989]

السلام عليكم ورحمة الله وبركاتة

ازيكم يا شباب وكل سنه وانتو طيبين بقى

المهم دلوقتى نزلت مشوار وكنت مشغل التكيف وقافل على نفسى وراكن على جنب مستنى الحاج يجيب حاجه ويجى اتفاجأت بأن كل عربيه تعدى من جنبى وتكون تقريبآ سرعتها 60 تهز عربيتى وترجها من اليمين وانا كنت راكن رصيف شمال فكان كان حد بيزقنى من اليمين ؟

مش عارف بقى بصراحه هل ده مساعدين ولا سوست ولا ده عادى ؟

[Land_Cruiser]

اعتقد انه عادي . لو عايز تقلل الاحساس ده ممكن تعرّض مقاس الكاوتش بس حسب المكتوب في الكتالوج بحيث ان العربيه ما توطاش قوي فتحك في المطبات او تؤثر علي العفشه يا أما تتجاهل الموضوع

[Ahmed_Ramadan]

عادى + عربيتك عالية عن الأرض مقارنة بقاعدة العجلات بتاعتها .... متاخدش فى بالك :)

[Amr Axel]

ده طبيعي نتيجة ضغط الهوا الناتج من العربيات التانية و يبان معاك اكتر ع السريع
ممكن عربيتك خفيفة شوية ... هي نوعها ايه ؟؟
و ممكن توطيها شوية عن طريق انك تلعب في مقاسات الكاوتش مش هقولك جنوط و الكلام ده
المقاسات الستوك عندك ايه و ايه المقاسات اللي راكبة ايه ؟؟؟
اما ع الطريق السريع فممكن بجانب الكاوتش تشوف طقم بارات يمسكها اكتر
و في نفس الوقت يساعد ع ثبات العربية و يمسكها في حالة الحوادث لا قدر لله

http://www.nilemotors.net/Nile/193151-a.html

[Ahmed_Ramadan]

أعتقد عربيته مازدا 121 و هى فعلا خفيفة شوية

[aldesha989]

اعتقد انه عادي . لو عايز تقلل الاحساس ده ممكن تعرّض مقاس الكاوتش بس حسب المكتوب في الكتالوج بحيث ان العربيه ما توطاش قوي فتحك في المطبات او تؤثر علي العفشه يا أما تتجاهل الموضوع

عادى + عربيتك عالية عن الأرض مقارنة بقاعدة العجلات بتاعتها .... متاخدش فى بالك :)

ده طبيعي نتيجة ضغط الهوا الناتج من العربيات التانية و يبان معاك اكتر ع السريع
ممكن عربيتك خفيفة شوية ... هي نوعها ايه ؟؟
و ممكن توطيها شوية عن طريق انك تلعب في مقاسات الكاوتش مش هقولك جنوط و الكلام ده
المقاسات الستوك عندك ايه و ايه المقاسات اللي راكبة ايه ؟؟؟
اما ع الطريق السريع فممكن بجانب الكاوتش تشوف طقم بارات يمسكها اكتر
و في نفس الوقت يساعد ع ثبات العربية و يمسكها في حالة الحوادث لا قدر لله

http://www.nilemotors.net/nile/193151-a.html

أعتقد عربيته مازدا 121 و هى فعلا خفيفة شوية

هى فعلآ العربيه مازدا 121 هى خفيفه شويه اه بس انا متأكد انه بسبب الكاوتش فعلآ لان المقاس الستوك فى الكتالوج 14 واللى راكب فى العربيه دلوقتى 13 وفعلآ هى باين انها عاليه عن الارض

طب انا دلوقتى مش هقدر اجيب جنوط اجيب مقاس كام يوازى نفس المقاس ال 14 من غير جنوط اللى راكب عندى 13/175/70 وانا كنت عايز اجيب 13/185/65 على اساس انه يوزاى الجنط ال 14 انا للاسف نسيت باقى المقاس العرض والطول كان كام

[el diesel]

خلخلة هوا غير مؤثرة غير على السرعات العالية مش عارف الاسم العلمى ليها بس العضو فورملايتور كان اتكلم عليها قبل كدة

[aldesha989]

خلخلة هوا غير مؤثرة غير على السرعات العالية مش عارف الاسم العلمى ليها بس العضو فورملايتور كان اتكلم عليها قبل كدة

هو فعلآ السبب فى سؤالى انها هل بتؤثر على السرعات العاليه ولا لان الثبات عاملى عقده فى دماغى

لو تقدر تجيبلى الموضوع والله يباركلك ياريس

[Hobgoblin]

Size of wheels and tires for Mazda 121 - Wheel-size.com :: Reference guide for car wheel and tire dimensions such as size, offset, PCD and weight.

[aldesha989]

Size of wheels and tires for Mazda 121 - Wheel-size.com :: Reference guide for car wheel and tire dimensions such as size, offset, PCD and weight.

الموقع ده غلط لان حجم مكان العجله كبير جدآ والكتالوج مكتوب فيها الجنط 14 مستحيل يكون 12

غالبآ الموقع جايب حجم الجنط بتاع الهاتش باج لان الموديل ده فيه منه هاتش باج

غالبآ ده الصح

Hankook Optimo K715 Tyres

او ده مش عارف :D

Maxxis UA-603 Tyres

[الصيداح]

يا عمنا ده أنا عربيتي بتتنقل حارة لما موتسيكل بيمشي جنبها ههههههههههه

[attyasat]

ده طبيعي نتيجة ضغط الهوا الناتج من العربيات التانية

[aldesha989]

بس اهم حاجه الثبات يعنى ما ابقاش على الصحراوى ولا الدولى والاقى نفسى فى البحر ولا فى الجزيره ههههههههههههههههههههههههه

[eleanor]

اى عربيه هيحصله كده نتيجه الهوتء المضغوط بينه وبينك ولو على السريع وبتطلع من عربيه على سرعه عاليه هاتحس بيها بسيط لو عربيتك السبيلتى بتاعها عالى مش هاتحس بيها