بالصور افتتاح أطول كوبري معلّق في العالم‎

[Elawany13]

بالصور افتتاح أطول كوبري معلّق في العالم



افتتحت الصين مؤخراً أطول كوبري معلّق في العالم الذي يمتد طوله لـ 10 كيلو متر.
ويقع الكوبري العملاق فوق خليج "هانجتشو" بين مقاطعتي "جياشينج" و"شاوشينج" على اثنين من أبراج الكوابل الأساسية، ارتفاع كل برج 745 قدم وبطول 2560 قدم.
وقد استغرق بناء الجسر نحو سبع سنوات كاملة من العمل، ليخطف اللقب من "روسكي" في مقاطعة "فلاديفوستوك" الروسية.
وليست هذه المرة الأولى التي تقوم فيها الصين ببناء كوبري بهذا الطول، فقد قامت في السابق ببناء ثلاث كباري من ضمن أضخم كباري في العالم.
وأثبتت الصين اليوم أنها تستحق بكل جدارة المركز الأول على مستوى العالم في بناء الجسور والكباري بالأسلاك الفولاذية.

شاهد صور أطول كوبري معلّق في العالم،

[akmm]

كبارى صبنى ... وتعيش اد ايه .... بهزر طبعا .

[Ahmed Nasser]

لكل مجتهد نصيب والناس دى بتجتهد جامد جدااا وعشان كدة متقدمين عنا بمراحل

[Abo-Yousef]

يعنى هيه جت عالكبارى ... ماهى مفيش حاجة الصين معملتهاش من الأبرة للصاروخ ... دلوقتى بقى كل حاجة مكتوب عليها Made In China .... ياترى الكوبرى هوا كمان مكتوب عليه Made In China

[hossamalsadik]

كبرى صينى والله عندنا شركات زى المقاولون العرب مثلا ممكن تنفذ كبرى زيه واطول منه كمان

[2CODE]

ياعم ده كوبري صيني ياعم اخاف امشي عليه ههههههههههههههههههههههههه

لاحول ولاقوه الا بالله والله الناس دي شايفه شغلها صح

[M I D O]

الصين فاضلها 5 سنين وتغزو العالم اقتصاديا وتبقي اقوي اقتصاد في العالم .. مشكور علي الموضوع يا باشا

[sha2e]

كبرى صينى والله عندنا شركات زى المقاولون العرب مثلا ممكن تنفذ كبرى زيه واطول منه كمان

ياباشا الموضوع مش القدره على التنفيذ قد ماهو القدرة على التصميم والاخذ فى الاعتبار الكثير من العوامل
عندنا فى مصر كوبري بركة السبع الجديد ( الى على الزراعي ) مكملش خمس سنين وانهار جزء منه

[Abo-Yousef]

كبرى صينى والله عندنا شركات زى المقاولون العرب مثلا ممكن تنفذ كبرى زيه واطول منه كمان

مالها المقاولون العرب ؟؟؟ انت شغال فيها ولا ايه ؟؟؟

[Mangsto]

انا مشيت على الكوبرى ده قبل كده , بس ده قديم من السنه اللى فاتت.
رابط مابين نينجبو وشانغهاى , المسافه الأول كنت بتاخد 5 ساعات , بعد الكوبرى المسافه بقت 2 ساعتين بس.

[cheetos_892005]

كبرى صينى والله عندنا شركات زى المقاولون العرب مثلا ممكن تنفذ كبرى زيه واطول منه كمان

مين قال كده ؟؟؟؟ خلي الطابق مستور

[Elawany13]

بالنسبة للناس اللى بتتكلم عن شركة المقاولين العرب علشان تعرف امكانياتها

هنروح بعيد ليه .... عندنا فى مصر جسر السلام المعلق فوق قناة السويس

وتم تنفيذ المشروع عن طريق ثلاث شركات. الشركات اليابانية قامت ببناء الجزء المعلق الذي يصل طوله بين ضفتي القناة إلى 730 مترا. وشركة المقاولون العرب هي المسئولة عن الأعمال في الجزء الشرقى من الكوبرى.

http://www.nilemotors.net/Nile/358136-a.html

[Abo-Yousef]

بالنسبة للناس اللى بتتكلم عن شركة المقاولين العرب علشان تعرف امكانياتها

هنروح بعيد ليه .... عندنا فى مصر جسر السلام المعلق فوق قناة السويس

http://www.nilemotors.net/nile/358136-a.html

والنبى انت برنس

شوفتو المقاولين عاملة ايه شغل نااااااااااار ..... لا تقولى صينى ولا شنجهاى ولا رز بلبن
المصريين اهما ... ملوخية وفجل بزمة

[eslamrace]

عقبالنا يا رب

[cheetos_892005]

بالنسبة للناس اللى بتتكلم عن شركة المقاولين العرب علشان تعرف امكانياتها

هنروح بعيد ليه .... عندنا فى مصر جسر السلام المعلق فوق قناة السويس

http://www.nilemotors.net/Nile/358136-a.html

يا باشا انا شغال في المجال ده .... المقاولين عملت المطلع و المنزل اللي عالضفتين لكن الجزء الصعب و اللي فيه اللعب كله فوق القناه اليابان اللي عاملاه مش احنا
انواع الكباري المعلقه اللي اسمها cable stayed و غيرها محدش في المنطقة يقدر يعملها و اللي يقدر يصممها اصلا ناس نادره جدا جدا ميجوش 5 في مصر كلها

كوبري مايو اللي لا معلق و لا نيله عشانمعدي فوق الزمالك و مكنش ينفع يقفلوا المنطقة طبعا عاملاه شركه الماني بمعداتها بمهندسينها

مفيش بس غير الحته المعلقة فوق غمرة للي تصميم و تنفيذ مصري و لكن هي مش معلقه اوي

هي كانت معموله فشخره كده