اوكتافيا ولا بي ام الفئة التالتة -مقارنة غير منطقية

[Karim_Monir]

سؤال مهم جدا جدا
تجيب بي ام دبليو 2013 صناعة المانية بالكامل 136 حصان وبتاخد بنزين 92 عادي ب290 الف جنيه

http://www.nilemotors.net/Nile/368777-bmw-2013-a.html

ولا تجيب اوكتافيا A7 الجديدة ب 273 الف جنيه موتور 140 حصان على 1400 سي سي ولكن بنزين 95 وصناعه تشيكي

http://www.nilemotors.net/Nile/369316-a7.html

ملحوظة البي ام اول فئة لكن الاسكودا اعلي فئة بس ولو :-)

[mohamed hussei]

اكيد ب ام عربية شيك ومش اي حد بيركبها لكن اسكودا عموما اغلب ناس بيركبوها ومش بتديك فخامة زي بي ام

[mostafa3000]

اكيد بي ام

[Mzeid]

العربية عبارة عن : تصميم - أمان - أداء ميكانيكي - استهلاك وقود - توافر قطع غيار - اسعار قطع غيار - كماليات - راحة

المقارنة
سكودا بي ام
تصميم 0 1
أداء ميكانيكي 0 1
استهلاك الوقود 1 1
توافر قطع الغيار العربيتين لسة نازلين فمش هنحكم على النقطة دي دلوقتي
أسعار قطع الغيار 1 0
كماليات 1 0
راحة مش هقدر أحكم على النقطة دي كمان

يعني الاثنين اتعادلوا بالنسبة للي أعرفه
اعتقد الحكم حاليا هو الراحة

شخصيا أميل للبي ام لأني بعتبرها ال Benchmark للعربيات كلها

[shaddadfalcon1]

البي ام الجديده تعلم علي اي حاجه في فئتها

[mo7a_mo7a]

لو بتفكر في عربية عائلية يبقي سكودا
لو محتاج عربية توفر علي المدى البعيد طبعا سكودا
سعر اعادة البيع بيقول سكوووووووودااااااااااااااا
لو قلقان من الخبطات والنقرات الكتيير في مصر يبقي سكودا
لو طريقك فيه مطبات يبقي سكودا
لو بتدور علي القيمة مقابل الفلوس يبقي سكودا (مع تحفظي علي السعر لانه مبالغ فيه)
لو عايز عربية شبابية فقط للاستخدام الشخصي يبقي بي ام
لو عايز عربية برستيج اوي (هي ازواق) وانا شايف البي ام اكثر لان الماركة تحكم
لو بتدور علي الاعتمادية يبيق بي ام طبعا بفارق الفتيس عن الاسكودا
لو بتدور علي عربية تقدر تعمل عليها تعديلات وتون اب وكده يبقي البي ام طبعا

الخلاصة
العملانية بتقول سكودا

المظاهر بتقول بي ام

[moh19227]

من غير مافتح اللينكات
بى ام طبعا :)

[zangry]

دي لو باسات هجبها مش بي ام كمان :d

[Imhotep]

بلدنا بلد مظاهر عشان كده اخترعوا المثل اللى بيقول كل اللى على مزاجك لكن البس اللى على مزاج الناس. . . عشان كده عميانى من غير حتى مقارنة مواصفات (اللى ممكن تكسب فيها الاوكتافيا بسهولة) البى ام هتكسب طبعا. . . رغم انى انا شخصيا تقولى تكره ايه فى حياتك اقولك المظاهر و النفخة الكدابة :-)

[YahiaAshraf]

البى ام أفضل طبعا مع ان الاوكتافيا جميله و تكنولوجى عاليا برده

بس البى ام افضل


ملحوظة : السكودا تستعمل بنزين بحد اقصى 92 بدون أى ضرر على المحرك

[horas3000]

انا لا هجيب دي و لا دي
ال 316 ال premium دي عار بصراحه
و السكودا بالسعر ده هبل

انا هكمل و اجيب فئة اعلي من ال bmw او مرسيدس او حتي الفولفو s60

[Ahmed_Adham]

في المقارنه دي بالتحديد عيب البي ام هيكون انها منفضه بدون أي كماليات مقابل كل الكماليات الجديده في أوكتافيا. عيب الاوكتافيا الجديده الاعتماديه بخصوص الفتيس وده عيب قاتل يلغي الشروه بشكل نهائي (على الاقل بالنسبه لي) وبالتالي هزود شويه وأجيب 316 كامله زي ما الراجل المحترم اللي قبلي ده قال.

[Land_Cruiser]

انا مستغرب أزاي الاوكتافيا توصل للأسعار دي و لو بأقارن بين العربيتين دول بس هاختار ال 316 لانها مضمونه و ان كانت اقل حاجه في ال BMW و هاقلق أحط الفلوس دي كلها في عربيه من VW بعد الأخطاء الجسيمه اللي عملتها زي موضوع الفتيس ال DSG اللي مُصّره عليه ده و مع التكنولوجيا الزياده اللي حطتها ممكن يبقي احتمال وجود مفاجات غير ساره اكبر و لو في امكانيه لزياده الميزانيه شويه عيني هتروح علي ال c180

[Ahmed_Adham]

انا مستغرب أزاي الاوكتافيا توصل للأسعار دي و لو بأقارن بين العربيتين دول بس هاختار ال 316 لانها مضمونه و ان كانت اقل حاجه في ال bmw و هاقلق أحط الفلوس دي كلها في عربيه من vw بعد الأخطاء الجسيمه اللي عملتها زي موضوع الفتيس ال dsg اللي مُصّره عليه ده و مع التكنولوجيا الزياده اللي حطتها ممكن يبقي احتمال وجود مفاجات غير ساره اكبر و لو في امكانيه لزياده الميزانيه شويه عيني هتروح علي ال c180

أوكتافيا سعرها زاد لأنها عربيه جديده ملهاش علاقه بالقديمه وعلى فكره نسبه زياده سعرها عن القديمه أقل من نسبه زياده السيراتو الجديده عن القديمه ولو ان الفرق بسيط. العربيه دي لو مفيهاش موضوع الفتيس ده كانت تحتفظ بمكانتها في السوق في مصر كعربيه محترمه وبديل اقتصادي للعربيات الالماني العاليه زي بي ام و مرسيدس انما موضوع الفتيس ده هيوقع مبيعاتها بشكل كبير في مصر زي ما نزول بيجو 301 وستروين سي اليزيه موقع مبيعات الكيا ريو وهيونداي اكسنت.

[Karim_Monir]

شريف انا بتكلم واحد رايح يجيب اوكتافيا لقي 316 تفرق كام الف فدبرهم ويركبها
حتي لو منفضة العربية مش كماليات بس
انت ركبت بي ام كتير وعارف يعني ايه ثباتها واتزانها وغرزها وقعدتك ورا دركسيونها بصراحة اوكتافيا دي ماتقربش منها خالص
يعني ممكن اقول باسات او اودي لكن اوكتافيا ايه بس :-)